Asemblea Xeral Ordinaria. Mércores 28 de novembro ás 19,30 h.

CONVOCATORIA ASEMBLEA XERAL ORDINARIA

Benquerido socio e socia:

Por medio da presente convocámoste á Asemblea Xeral Ordinaria que se celebrará no Salón de Actos do Ateneo, o
mércores día 28 de novembro de 2018 ás 19,30 horas en primeira convocatoria e ás 20 horas en segunda, coa seguinte

ORDE DO DÍA
1.- Lectura e aprobación da Acta da Asemblea Xeral anterior.
2.- Informe de xestión da Xunta Xestora
3.- Informe económico da Xunta Xestora
4.- Rogos e preguntas
5.- Elección da nova Xunta Directiva


O proceso electoral rexerase polo establecido no Capítulo XI dos Estatutos segundo o seguinte calendario:


16 de outubro - Último día para posible impugnación da Convocatoria de Eleccións
18 de outubro - Último día para Constitución da Mesa Electoral
26 de outubro - Inicio prazo para presentación de Candidaturas
5 de novembro - Último día para presentación de Candidaturas
12 de novembro - Proclamación de Candidaturas
14 de novembro - Inicio da Campaña Electoral
28 de novembro - Celebración da Asemblea Xeral
- Elección da nova Xunta Directiva


No período da Campaña Electoral (entre os días 14 e 27 de novembro) tódalas Candidaturas poderán utiliza-lo Censo de Socios/as, así como dispoñer das dependencias do Ateneo Ferrolán para desenvolvela súa campaña.

Sen máis e agardando a túa asistencia, recibe un cordial saúdo,

Asdo.- A Xunta Xestora


Ferrol 11 de outubro de 2018

I Congreso Decrecemento. 6 e 7 de outubro no Ateneo

I Congreso Decrecemento

Ferrol, 6 e 7 de outubro no Ateneo Ferrolán

Info:
 https://rededecrecemento.wordpress.com/
 https://www.facebook.com/rededecrecemento/

Presentación do libro de poemas "AMURAS". Venres 5 de outubro ás 20 h.


Presentación do libro de poemas "AMURAS"
Venres día 5 de outubro ás 20 h.

A autora ferrolá Vita Martínez Vérez, presentará o seu libro "Amuras" no Ateneo acompañada do sociólogo e poeta Xosé Leira

A idea levisiana da alteridade impregna a Amura proposta por Vita Martínez ao longo dos poemas aforísticos que debuxa a súa corporalidade. Desde a identidade que habita e é habitada, ata o corpo a corpo que supón nacer e morrer, pasando pola voz do silencio e a palabra. Se existise un lugar para declinar o pronome, sería este poemario, espido de pretextos e cargado de intencións.

http://vitamartinez.com/

Presentación do libro "Tinta de limón" de Esther Álvarez. Xoves 4 de outubro ás 19,30 h.


        Presentación do libro "Tinta de limón" de Esther Álvarez.
  Xoves día 4 de outubro ás 19,30 h.
         Contaremos na presentación coa autora e con Bernardo Maiz
                                                                     Entrada libre

Fidel Dopico Moldón, membro dunha partida da IV Agrupación Guerrilleira de Galicia, fala desde a súa sepultura. Xunto a el xacen catro camaradas e un can, asasinados tamén as forzas da represión franquista a madrugada do 9 de novembro de 1946, cando fuxían do campamento da Espenuca, en Betanzos. 

Fidel, consciente do abandono histórico do que os seus compañeiros e el son vítimas, trata de reivindicar desde o foxo os dereitos históricos que merecen quen morreu defendendo a liberdade, amparado nun discurso introspectivo, emotivo e crítico. Obstinado en quebrantar a pena perpetua do esquecemento á que foi sentenciado, albíscase nel a firme determinación de facer chegar o seu testemuño ás xeracións vindeiras para que nada do ocorrido volva suceder.

Presentación novela de Xavier Alcalá "The making of". Luns día 1 de outubro ás 19,30 h.


Presentación da novela de Xavier Alcalá "The making of"
Luns día 1 de outubro ás 19,30 h. no #Ateneo

O vindeiro luns día 1 de outubro ás 19, 30 horas vai ter lugar no Ateneo de Ferrol a presentación da novela de Xavier Alcalá “Making of”, unha nova achega deste prolífero escritor que xa ten editadas obras consideradas clásicos contemporáneos coma por exemplo “A Nosa Cinza”. 
Nesta ocasión Alcalá introdúcenos nunha novela na que aparece un proceso de investigación co gallo de aclarar unha morte na Patagonia e as vicisitudes dun emigrante que fracasa na súa arela, amosando unha situación que na emigración galega na Arxentina foi relativamente frecuente: un fracaso que leva ao seu protagonista a se meter de cheo en todo tipo de violencias e negocios clandestinos.
A editora da obra é “Galaxia” e preséntase en Ferrol baixo o patrocinio do Ateneo e do Club de Prensa: convén lembrar que Xavier Alcalá foi e é un colaborador axiduo na prensa. 
Esperamos contar convosco.

Proxección "Mali Blues". Venres 28 de setembro ás 20 h.


Proxección "Mali Blues"
Venres día 28 de setembro ás 20 h. no Ateneo

Organiza: Sons Revela2  
Entrada libre

Mali Blues


Director Lutz Gregor

Germany / 94 min. / 2016 / Bambara, Arabic, French

Como cantar nun país sen canto.  Mali, berce do  blues do deserto, ve como os  yihadistas vetan a música “ impura”. Ardua faena, acalar o son dos homes: os músicos resístense a pechar a boca e elevan a súa voz; pola harmonía, polo país, pola música.  Mali  Blues móstranos a diversos músicos analizando o exilio, a conciliación ou a ruptura. Todos eles son bardos do infortunio,  versificado con gozo e esperanza. E algunha guitarra eléctrica. Pero non todos ven a situación do mesmo xeito.  Fatoumata  Diawara e Ahmed Ag  Kaedi comparten o seu queixume, discuten temas de xénero (a terrible ablación), insisten en que “a música non ten nada que ver con Deus” e admiten non recoñecer ao seu propio país.  Master  Soumy, co seu combativo rap maliano, enfróntase de maneira directa á prohibición.  Bassekou  Kouyaté, doutra banda, representante dos  griots (músicos que acougan á poboación coa súa arte) avoga polo pragmatismo e o perdón: “non podemos alimentar o odio se queremos vivir da nosa música”. 
Pero todos comparten a mesma meta: unir ás 300 etnias do país na paz.

Presentación do libro: "Empantanados". Mércores 26 setembro ás 19,30 h.


Presentación do libro: "Empantanados" 

Participan o autor Joan Coscubiela, Víctor Ledo e Jorge Suárez
Presenta Lorena Bustabad.

Mércores 26 de setembro ás 19,30 h. no #Ateneo

Presentación do libro "Mi patria es la gente". Mércores 19 ás 19,30 h.


Mércores día 19 de setembro ás 19,30 h. no Ateneo Ferrolán

Presentación do libro que leva por título MI PATRIA ES LA GENTE polo seu autor JULIO RODRÍGUEZ. Neste contexto terá lugar tamén a presentación do nº 42 de Fuco Buxán A Revista.

Entrada libre.

Temos Lotaría de Nadal nº 78516


Temos Lotaría de Nadal
Merca a túa participación e colabora co Ateneo!

Boletín Novidades da nosa Biblioteca-Hemeroteca. Xullo - Agosto 2018


Boletín Novidades da nosa Biblioteca-Hemeroteca
Xullo - Agosto 2018
 

Exposición Ilustracións "Mulleres e poesía" de Alicia Louzao. Ate o 30 de setembro 2018

Exposición Ilustracións 
"Mulleres e poesía" de Alicia Louzao

Do 22 de agosto ao 30 de setembro

Inauguración o mércores día 22 de agosto ás 13 h. na sala exposicións do #Ateneo

"Fadas de cidade" é un proxecto da ferrolá Alicia Louzao onde reúne ilustracións realizadas a carboncillo e acuarela e que se basean en heroínas da literatura.

Evento no noso facebook: https://www.facebook.com/events/239464226761523/

Conferencia: “Historia da pesca do bacallau en Terranova”. Venres 24 de agosto ás 20 h.

CONFERENCIA - PROXECCIÓN - COLOQUIO

 “Historia da pesca do bacallau en Terranova”

Venres día 24 de agosto ás 20 h. no salón de actos do Ateneo

“Historia da pesca do bacallau en Terranova”, organizada por AETINAPE e o ATENEO FERROLÁN, do que é autor unha persoa entrañable, Valdemar Aveiro, un capitán portugués que se xubilou ao mando do bou “Coimbra” e que aos seus 84 anos aínda ten a ilusión de recoller a dura vida da pesca do bacallau. É un gran erudito na historia destas pesquerías, con sete libros publicados pola editorial Áncora. É unha persoa culta, empática profesional, cunha gran dignidade, o que lle fixo colleitar importantes e profundas amizades con moitos profesionais galegos e bascos que tamén formaban parte desta flota.

Non esaxeramos se logo de coñecer a súa obra e manter varias conversas con el, recoñecemos que estamos probablemente ante unha das persoas con maiores coñecementos históricos da pesca do bacallau, que el manexa a través de datos históricos desde o século VIII.Cabe lembrar a gran importancia do porto de Ferrol nas épocas douradas do bacallau, xa que a PYSBE (unha das grandes empresas pesqueiras da época) tiña aquí una das súas factorías máis importantes e parte da súa frota operaba desde Ferrol, que coa Coruña, Vigo e Pasaxes, foi un dos portos e comarcas de referencia.

No evento, participará tamén o editor Antonio Baptista Lópes, así como o cantautor Manolo Bacallao, que foi tripulante nos caladoiros de Terranova.

A entrada é libre.

Evento no noso facebook:  https://www.facebook.com/events/429145084273133/

Nova en La Voz de Galicia: https://www.lavozdegalicia.es/noticia/ferrol/ferrol/2018/08/23/ferrolterra-foi-potencia-bacallao/0003_201808F23C8993.htm

O Concello de Ferrol aproba a cesión da sede do Ateneo

Edificio Ateneo Ferrolán (Foto de Xoán Porto)

Ferrol, 18 xuño de 2018
O pleno extraordinario do Concello de Ferrol celebrado na mañá deste luns 18 de xuño, aprobou oficializar a cesión de uso do edificio completo sito no número 202-204 da rúa Magdalena ao Ateneo Ferrolán, para regularizar e estabilizar a situación dunha entidade emblemática, singular e senlleira da nosa cidade e referente para toda unha comarca que leva anos batallando por ser un referente cultural alternativo e independente.
A proposta de cesión, que defendía no pleno o concelleiro de Cultura, Suso Basterrechea, foi aprobada cos votos favorables do Goberno de Ferrol, xunto ao grupo municipal do PSOE. En total, 10 votos a favor e 14 abstencións (as de PP, BNG, e a edila non adscrita). “O Ateneo deu mostras da súa xenerosidade con todas as entidades, é un referente a nivel galego con moita historia e foron castigados”, lembraba hoxe o concelleiro.

Temos que lembrar que este edificio xa era a sede do Ateneo Ferrolán dende o ano 1986. 
Grazas á constancia e ao empuxe dos socios e socias e coa importante colaboración do Concello, do M.O.P.U. e de Caixa Galicia en 1986 inaugúrase a sede social do ATENEO FERROLÁN no número 202-204 da rúa Magdalena, espléndido edificio do século XVIII (1762) trátase dun dos edificios máis representativos do Barrio da Magdalena.
http://ateneo-ferrolan.blogspot.com/2005/01/ateneo-ferroln-sa-historia.html

Novidades da nosa Biblioteca-Hemeroteca no mes de maio de 2018


Novidades da nosa Biblioteca-Hemeroteca no mes de maio de 2018

Presentación da novela: "Invisible" de Carolina Pernas Sueiras. Mércores 6 de xuño ás 20 h.

Presentación da novela: "Invisible" de Carolina Pernas Sueiras
Mércores día 6 de xuño ás 20 h. no #AteneoFerrolán

Intervirán no acto: Nico Vidal (periodista), Miguel Toval (editor) e a autora do libro Carolina Pernas
Organiza: Edicións Embora

Unha muller gris, anodina, esquecida e que sente invisible decidiu finalmente facerse notar. E estallo tomando moi en serio. Ao final do camiño está o suicidio, pero antes ten contas que saldar, “amigos” cos que reencontrarse e moita posta en escena que organizar, porque a súa saída deste chamado teatro da vida vai ser todo un espectáculo.




Conferencia e proxección audiovisual:
"Facendo Historia: Arqueoloxía galega en terras de Palestina"

Falarán: 

Juan Luis Montero (Universidade da Coruña) 
José Pardo (La Voz de Galicia)


Martes 5 de xuño de 2018 ás 19,30 h.

Coa colaboración da Sociedade Luso-Galega de Estudos Mesopotámicos

Convocatoria Asemblea Xeral Ordinaria. Xoves 21 de xuño ás 19,30 h.




Ferrol 31 de maio de 2018


CONVOCATORIA ASEMBLEA XERAL ORDINARIA


Benquerido socio e socia:

Por medio da presente convocámoste á Asemblea Xeral Ordinaria que se celebrará no Salón de Actos do Ateneo, o xoves día 21 de xuño de 2018 ás 19,30 horas en primeira convocatoria e ás 20 horas en segunda, co seguinte


ORDE DO DÍA


1.- Lectura e aprobación da Acta da Asemblea Xeral anterior.
2.- Informe de xestión da Xunta Xestora
3.- Informe económico da Xunta Xestora
4.- Revocación ou renovación da Xunta Xestora
5.- Rogos e preguntas


Sen máis e agardando a túa asistencia, sempre imprescindible, recibe un cordial saúdo,




Asdo.- Xunta Xestora














Proxección Curtametraxe "3" de José Antonio Jiménez. Mércores 30 de maio ás 20 h.



Proxección Curtametraxe "3" de José Antonio Jiménez


O mércores día 30 de maio ás 20 h. no #AteneoFerrolán

Curtametraxe "3" escrita e dirixida por José Antonio Jiménez


Reparto: 
Iria Lamas, Miguel Abalo, Covadonga Berdiñas e José Leis


Sinopse: 
Ela pregúntase, ¿canto dura o amor?. 
Pero sabe que só desligándose emotivamente poderá avanzar.


Presentación Libro "Dietética digital para adelgazar al Gran Hermano" de Víctor Sampedro. Venres 25 de maio ás 19,30 h.



Presentación Libro "Dietética digital para adelgazar al Gran Hermano"
de Víctor Sampedro

Venres día 25 de maio ás 19,30 h. no #AteneoFerrolán

Organiza: Fuco Buxán

La dieta informativa

La peor manera de conectarse a los demás, explica Sampedro, es hiperconectarse a las redes. Del mismo modo, comentamos que el mejor modo de mantenernos en la desinformación es atiborrarnos a todas horas de lo que parecen noticias. La información era, como la comida, un bien escaso, y los periodistas se esforzaban por encontrarla y ofrecer cuanta más, mejor. 

Nuestra misión hoy es la contraria: seleccionar, filtrar y verificarla para ayudar al ciudadano a distinguir entre los ecos –a menudo interesados, narcisistas, banales o simplemente falsos– y las voces que merecen ser atendidas. Pero la mejor manera de frenar las mentiras en la red es dar contexto, es decir educar, mejorar la formación que permite descubrirlas.

Presentación do libro "Castelao na arte europea" de Siro López. Xoves 24 de maio ás 19,30 h.


O xoves día 24 de maio ás 19,30 h. no #Ateneo 
Presentación do libro "Castelao na arte europea" de Siro López.
Edita: Garañón Editora
Siro Lopez Lorenzo leva máis de corenta anos estudando a obra de Castelao.
Neste amplo e documentado traballo ofrécenos o seu punto de vista sobre o rianxeiro desde diferentes enfoques, como debuxante, humorista e caricaturista, no contexto dunha Europa da primeira metade do século XX onde esas manifestacións acadan momentos de grande esplendor, e conclúe que Castelao non estivo á marxe senón no grupo de vangarda dos debuxantes europeos do seu tempo.

Evento no facebook: https://www.facebook.com/events/191848918093147/

Presentación Revista OLGa. Revista de Poesía Galega en Madrid. Sábado 19 de maio ás 12,30 h.


Presentación Revista OLGa. Revista de Poesía Galega en Madrid. 
Este último número está dedicado a Carvalho Calero
Sábado día 19 de maio ás 12,30 h. no Ateneo Ferrolán

Intervirán: Vicente Araguas e Xosé María Dobarro


A revista OLGa de poesía galega en Madrid foi un dos últimos soños literarios de Sabino Torres, o editor responsable da primeira colección poética en galego na posguerra. 

A revista está realizada por tres poetas: Vicente Araguas (director), Rafael Yáñez (subdirector) e Manuel Pereira (secretario) e o seu primeiro número dedicouse ao grupo Bilbao, un grupo dunha vintena de poetas galegos que se reunían en Madrid no Café Comercial.

Exposición sobre "Hildegart Rodríguez Carballeira". Martes día 15 de maio ás 20 h. na Casa da Xuventude de Ares




Exposición sobre "Hildegart Rodríguez Carballeira" do Ateneo Ferrolán

Do 15 ao 31 de maio na Casa da Xuventude de Ares

Inauguración martes día 15 de maio ás 20 h. con 
Charla-Coloquio no que intervirán: Eliseo Fernández e Luis Calvo

Organiza Concellaría de Cultura do Concello de Ares

http://www.concellodeares.com/ampliacalen.php?cod=1836




Presentación en Ferrol do libro
  ‘O feminismo, imprescindible para construír outra Europa’
o venres 11 de maio, no #Ateneo ás 19:30 horas, coa eurodeputada Lídia Senra.

Lídia Senra chama a rebelarse contra o machismo que campa na xustiza, que castiga ás mulleres e que segue provocando dor e sufrimento.
Despois de ser presentado noutras cidades e vilas da Galiza, chega a ferrolterra a presentación do libro “O feminismo, imprescindible para construír outra Europa” coordinado pola eurodeputada Lídia Senra. No acto público, que dará comezo ás 19:30 horas, intervirán ademais da propia europarlamentaria e Estrela Gómez Viñas, coordinadora Agamme. Asociación Galega contra o Maltrato a Menores

https://artabra21.blogspot.com.es/2018/05/presentacion-en-ferrolterra-do-libro-o.html?utm_source=feedburner

Presentación do libro "Contra todo isto. Un manifesto rebelde" de Manuel Rivas. Xoves 10 de maio ás 19,30 h.


O xoves 10 de maio, 2018, ás 19,30 horas, no Ateneo Ferrolán 
presentación do libro "Contra todo isto. Un manifesto rebelde" de Manuel Rivas

Organiza Fuco Buxán
O escritor galego Manuel Rivas recompilou en "Contra todo isto: un manifesto rebelde" unha antoloxía de textos escritos "cun sentimento de vergoña" polo actual "tempo de distopía", na que se defende a "importancia das palabras".
"Hoxe en día hai unha maior capacidade de contaminación das palabras, que son vítimas. De feito, están a ser penalizadas, como en España, onde parece que hai unha obsesión por controlar ata as coplas", ironizou nunha entrevista o autor.
Rivas fala desa "penalización" da liberdade de expresión que se está vivindo en España, pero alertando de que se trata dun país "cuxa sociedade foi moi sensible á vergoña historicamente".

Boletin marzo-abril 2018 da nosa Biblioteca-Hemeroteca



Boletin marzo-abril 2018 da nosa Biblioteca-Hemeroteca

DE INTERESE
Dixitalización de “El Litoral Gallego” (28/12/1983 – 18/02/1984), “El Ferrol del Caudillo, guía de la ciudad 1945”, “La ciudad de El Ferrol del Caudillo, año 1951”
Doazón “Luzes” revista inconformista e disidente de Galicia.

XI Semán de Poesía Salvaxe "A palavra encarnada". Xoves 26 de abril ás 18 h.

XI Semán de Poesía Salvaxe "A palavra encarnada"
En Ferrol os días 25, 26, 27 e 28 de abril


No Ateneo Ferrolán o xoves 26 de abril ás 18 h.

Escoitaremos a:

Rosalía Fernández Rial (1988) concibiuse a través da palabra, ideando unha xénese inicial desde a literatura escrita e a linguaxe escénico. 

Lois Pérez 
(Lugo, 1979) é mestre, poeta, dramaturgo, contador de historias e humorista, e o centro da súa actividade artística é a narración oral e a escrita.


Máis info e evento no facebook:  https://www.facebook.com/events/196151291002257/

https://www.facebook.com/notes/karlotti-val/xi-poes%C3%ADa-salvaxe-todas-as-voces-para-habitar-os-d%C3%ADas/10155491748508059/

Exposición e Charla "Do Gaudeamus Igitur ao Venceremos Nós". Luns 23 de abril ás 19,45 h.

 
 O luns día 23 de abril o Club de Prensa de Ferrol máis o Ateneo Ferrolán presentan a Exposición "Do Gaudeamus Igitur ao Venceremos Nós". As mobilizacións estudiantís do 68 en Compostela.

Inauguración ás 19,45 h e poderá visitarse ate o 6 de maio no #AteneoFerrolán

Ás 20 h. Charla na que participará Ricardo Gurriarán, historiador e membro da F10M. Comisario da exposición "Do Gaudeamus Igitur ao Venceremos Nós"

Proxección Documental ARTE+MULLER+GALICIA. Venres 20 de abril ás 20 h.



Proxección Documental ARTE+MULLER+GALICIA

dirixido por Rosario Sarmiento

Venres día 20 de abril ás 20 h. no #AteneoFerrolán

Organiza: Club de Prensa Ferrol

Este documental expón un achegamento ao traballo daquelas artistas mulleres cuxa obra result fundamental para entender o desenvolvemento da hstoria da arte contemporánea en Galiza.

O feito de ser muller marcou para moitas delas p desenvolvemento da súa traxectoria profesional e, sobre todo, a súa presenza e protagonismo nos espazos de poder e decisión.


Evento: https://www.facebook.com/events/1657358517688267/


Presentación Documental: "Touro-O Pino: A ameaza do cobre". Mércores 18 de abril ás 19,30 h.


Presentación Documental: "Touro-O Pino: A ameaza do cobre"

Mércores día 18 de abril ás 19,30 h. no #AteneoFerrolán
Entrada libre.


Nós Televisión e Tingalaranga Audiovisual veñen de presentar ‘Touro, O Pino: A ameaza do cobre’, un documentario dirixido por Xosé Bocixa que aborda en 55 minutos a través da voz de científicos, veciñas e veciños, alcaldes, empresari@s, o conflito xurdido polo proxecto de reabrir a mina de Touro e O Pino.


Xosé Bocixa (As Encrobas, 1967) dirixe ‘Touro, O Pino: A ameaza do cobre’, un documentario en que se mergulla na resposta veciñal ao macroproxecto que quer reactivar as antigas minas de cobre. 
Dá voz a veciños, alcaldes, científicos… para ofrecer un relato real do que está en xogo non só nesta comarca, senón tamén no país.

Charla: 15 anos con Couso. Luns 16 de abril às 19 h



Charla-Coloquio: 15 anos con Couso.
Luns día 16 de abril às 19 h no Ateneo Ferrolán

Enrique Santiago, avogado da familia e Secretario Xeral do Partido Comunista.

Presentación Disco "Reflejos" de Adrián Vigo & Banda. Venres 13 de abril ás 20 h.





Presentación Disco "Reflejos" de Adrián Vigo & Banda

Venres día 13 de abril ás 20 h. no #AteneoFerrolán

Entrada: 5 €


Concerto de Adrián Vigo, un virtuoso que rompe barreiras, acompañado da súa banda presentan o seu segundo disco "Reflejos"

https://www.facebook.com/FetenProducciones/

Conferencia: "Actualidade de Marx" por Francisco Sampedro. Mércores 11 de abril ás 19,30 h.


Conferencia: "Actualidade de Marx" por FRANCISCO SAMPEDRO.


Mércores día 11 de abril ás 19,30 h. no #Ateneo

Presenta: Iolanda Teixeiro

Organiza: LiGanDo-LGD


https://gl.wikipedia.org/wiki/Francisco_Sampedro

"Carvalho Calero: profesor e lingüísta". Xoves día 5 de abril as 20 h.


Ferrol reivindica a figura de Ricardo Carvalho Calero 
en todas as súas dimensións.

No Ateneo Ferrolán acolleremos dúas palestras: 
  • A primeira das palestras, "Carvalho Calero: profesor e lingüísta" terá lugar este xoves día 5 de abril as 20 h. con Xosé Mª Dobarro e Aurora Marco.
  • A outra palestra "A acción política de Carvalho" con Bernardo Máiz Vázquez será o xoves día 19 de abril ás 20 h. 

O Concello de Ferrol ven de presentar este mediodía polo miúdo o contido dunha homenaxe ao profesor Ricardo Carvalho Calero, ilustre historiador e lingüista nado en Ferrol Vello, para o que este municipio por unanimidade e co apoio da Mancomunidade da ría de Ferrol segue a reivindicar a Real Academia Galega que se lle adique, en xustiza, en recoñecemento a súa figura e legado o 17 de maio, Día das Letras Galegas.
Máis info na paxina do Concello de Ferrol: http://www.ferrol.gal/Concello/NovasAmpliar/4080

Related Posts with Thumbnails