Curso Intensivo de Adestramento Actoral en Ferrol. Do 16 ao 19 de setembro

CURSO INTENSIVO DE ADESTRAMENTO ACTORAL EN FERROL

con Fernando Tato

Datas do curso: do 16 o 19 de Setembro.

Horario: 10:00 a 14:00 (16 horas) Precio: 120 euros.

A quen vai dirixido: Actores e actrices profesionais e en formación.

Onde: Ateneo Ferrolán, Rúa Magdalena 202-204, Ferrol (A Coruña)

Curso de adestramento intensivo para actores e actrices profesionais e/ou estudantes de arte dramática.  Adestramento práctico onde se aprende a autonomía actoral necesaria á hora de preparar unha proba, personaxe ou escena. Exercicios técnicos, improvisacións, creación de personaxes, escenas de teatro e guións de cine.

Fernando Tato 

Actor con ampla traxectoria en Televisión, cine e teatro. Ten participado en series como Pulsaciones ou Matadero para Antena 3, O Faro , Lobos e Cordeiros ou  Libro de Familia para TVG, en películas como Toro de Kike Maillo e en diversas obras de teatro para diversas compañías. 

Fernando Tato conta con máis de 10 anos de formación continua con distintos mestres e técnicas, mais basea o seu adestramento, fundamentalmente, na súa colaboración de máis de seis anos con Lorena García de Las Bayonas no ‘Centro del Actor’. 

Se che interesa, envíanos o teu currículo, para valorarmos a túa admisión a:

adestramentoactoral@gmail.com ou chama ao 655482008 

Prazas limitadas.

Doazón da colección da Revista Espírita Ferrolana “El Kardeciano” (setembro de 1934 - xullo de 1936)

Doazón da colección da Revista Espírita Ferrolana “El Kardeciano” 

(setembro de 1934 - xullo de 1936)

A Biblioteca do Ateneo Ferrolán recibe a doazón, por parte do investigador Miguel Angel Pradera, da colección da Revista Espírita Ferrolana “El Kardeciano”. Prensa de intereses diversos, que tivo unha duración de un ano e once meses (setembro de 1934 - xullo de 1936). Baixo a dirección de Rodrigo Sanz López e administración de Elías López, a revista estaba vencellada á Federación Española de Espiritismo

Na vontade de seguir traballando culturalmente pola cidade de Ferrol, o Ateneo Ferrolán ven realizando unha tarefa de recollida de fondos bibliográficos e hemerográficos que documentan boa parte da historia social e cultural desta comarca e que pon a disposición da cidadanía..

Revista Espírita Ferrolana “El Kardeciano”.

Constaba de 8 páxinas (35 x 25 cm.), prezo de 20 cts., de periocidade mensual e impresa na imprenta “La Artística”.

Na dirección Rodrigo San López (destacado intelectual ferrolá e socio fundador do Ateneo Ferrolán na súa segunda época, 1903) e administración de Elías López.

A revista estaba vencellada á Federación Española de Espiritismo e, na presentación, o director expón a finalidade da mesma:

“Un grupo de espiritistas hace cinco años viene tanteando su camino, y que hace 18 meses parece haber tomado ruta bajo el nombre significativo de “Amor y Caridad”, ha sentido ahora la necesidad de una revista que, informando de su modesta obra a quien guste enterarse de ella, informe a sus propios adheridos de la gran obra que el Espiritismo está realizando en el mundo”.

Profesa o Grupo o ideario cardeciano, de ahi o título da revista.

Proxección Documental "Los labios apretados". Venres 12 de xullo ás 20 h.

Proxección Documental "Los labios apretados" de Sergio Montero 

sobre a Revolución de Asturias de 1934.

Venres día 12 de xullo ás 20 h.

  
SINOPSE CURTA

Sergio, o fillo dun mineiro asturiano emprende unha viaxe a Buenos Aires sen saber que, en paralelo, inicia outra viaxe: o da memoria. Alí descobre un acontecemento histórico de talla mundial que ocorreu á beira da súa casa. E en ningunha clase de Historia contáranlle  nada…
O mozo navega a ambos os dous lados do océano perseguindo o ronsel daquela revolución do ano 34; que aínda que escoitou nomear algunha vez aos anciáns do seu pobo natal, descoñece por completo.

"Los labios apretados" foi rodado en Uruguai, Arxentina e Asturias durante o últimos nove anos. A investigación levada a cabo para a súa realización esixiu a visita a 22 arquivos de 5 países diferentes. O proxecto, dirixido polo documentalista, fotógrafo e investigador asturiano Sergio Montero, dirixe a súa mirada "cara á historia non contada da revolución de outubro do 34, reflexionando sobre como unha sociedade transmite a súa memoria ás seguintes xeracións".

Recentemente o documentalista asturiano Sergio Montero recibiu o premio á mellor cinematografía nun documental no  SOUTH  INTERNATIONAL FILM FESTIVAL 2019 pola súa ópera prima Os Beizos Apertados foi rodado en Uruguai, Arxentina e Asturias durante o últimos nove anos. A investigación levada a cabo para a súa realización esixiu a visita a 22 arquivos de 5 países diferentes. O proxecto, dirixido polo documentalista, fotógrafo e investigador asturiano Sergio Montero, dirixe a súa mirada "cara á historia non contada da revolución de outubro do 34, reflexionando sobre como unha sociedade transmite a súa memoria ás seguintes xeracións".

Recentemente o documentalista asturiano Sergio Montero recibiu o premio á mellor cinematografía nun documental no  SOUTH  INTERNATIONAL FILM FESTIVAL 2019 pola súa ópera prima "Los labios apretados"

  Trailer do documental  https://vimeo.com/295083784

Máis info:  https://www.facebook.com/los.labios.apretados.el.documental/

Proxección documental Federal. Xoves 27 de xuño ás 19,30 h.

Proxección documental Federal de Albert Solé 
Xoves 27 de xuño ás 19,30 h. no Ateneo Ferrolán

Participará no debate: Jordi Pedret ( Membro da xunta de Federalistes d’Esquerres)

Historia, presente e futuro dunha proposta que busca conciliar os beneficios da autonomía e a integración en sociedades marcadas pola presenza de identidades múltiples.
O estado da cuestión da man de pensadores e líderes políticos de alcance internacional como Daniel Cohn- Bendit, Romano Prodi, Joan Botella, André Lecours ou Emma Bonino.
 
Pero tamén o federalismo explicado desde dentro, a partir da experiencia de cidadáns anónimos: que sabemos, de onde provén, cales son as súas posibilidades nun mundo cada vez máis globalizado.
E unha mirada a experiencias e tradicións federais, os éxitos e fracasos do modelo.

 https://minimalfilms.com/portfolio/items/federal/

Evento:  https://www.facebook.com/events/463550257540108

Convocatoria Asemblea Xeral Extraordinaria. Mércores 26 de xuño

Ferrol a 7 de xuño de 2019

CONVOCATORIA ASEMBLEA XERAL EXTRAORDINARIA

Benquerido/a socio/a:

Por medio da presente convocámoste á Asemblea Xeral Extraordinaria que se celebrará o mércores día 26 de xuño ás 21 h. coa seguinte

ORDE DO DÍA

1.- Aprobación da creación e da incorporación do Ateneo Ferrolán na Federación de Ateneos de Galicia

Sen máis e agardando a túa imprescindible asistencia, recibe un cordial saúdo da Xunta Directiva,

Asdo.- Xavier M. Dongil

Presidente

Convocatoria Asemblea Xeral Ordinaria. 26 de xuño

Ferrol 7 de xuño de 2019

CONVOCATORIA ASEMBLEA XERAL ORDINARIA

Benquerido socio /socia:

Por medio da presente convocámoste á Asemblea Xeral Ordinaria que se celebrará o mércores día 26 de xuño ás 19,30 h. en primeira convocatoria e ás 20 h. en segundo, coa seguinte

ORDE DO DÍA

1.- Lectura e aprobación da Acta da Asemblea Xeral anterior.

2.- Informe de xestión.

3.- Informe económico.

4.- Informe Modificación Estatutos do Ateneo.

5.- Rogos e preguntas

Sen máis e agardando a túa asistencia, recibe un cordial saúdo da Xunta Directiva,

Asdo.- Xavier M. Dongil

Presidente

Representación Teatral HAMLINHO. Venres 14 de xuño ás 20 h.

Representación Teatral HAMLINHO.
     Venres día 14 de xuño ás 20 h. no Ateneo Ferrolán

HAMLINHO

Que sabes de Hamlet a famosa obra de Shakespeare, alén de “Ser ou non ser”? 

Ou es das persoas expertas na xenial peza?

Sexa como for, o grupo de teatro A Espelunca vai desvendar para ti a realidade do que ocorreu en Hamlet con esta “versión moi libre” imaxinada por Pepablo Patinho. Unha divertida parodia que non podes perder.

Estará representada en portugués polo grupo teatral da asociación do Beco da Língua “ A Espelunca”, un grupo de teatro que nace do alumnado e exalumnado de portugués da EOI de Ferrol.

ELENCO:

Hamlinho , Roque Rodríguez.

Ofelia, Esther Pinheiro.

Polônio, Lan Couce.

Laertes, Manuel Buján.

Gertude, Maria Montero.

Rei Cláudio, Xam Lôpes.

Horacio, Avelino Penedo.

Fantasma e Fortimbrás, Vitor Santalha.

Macbeth, Glória Quintián

Othelo , Anxo Fernández

Julieta, Iago Bragado

Directora: Pim Patinho

Dramaturgo: Pepablo Patinho

Versión ao portugués: Catarina Cortiças

Presentación do libro “NO ME LLAMES OLVIDO “. Xoves 13 de xuño ás 19 hs.

Presentación do libro “NO ME LLAMES OLVIDO “

de Ruth UTANDE

O libro presentarase no Ateneo Ferrolán o xoves 13 de xuño ás 19 hs. 

Participarán ademáis da autora Rosa Cal e o vicepresidente do Ateneo Luis Calvo

“No me llames Olvido” é o primeiro libro de relatos curtos da coruñesa Ruth Utande. Está composto de dezaseis historias de persoas con vidas difíciles, que nadan sempre ao contraxeito para superar as situacións que lles toca afrontar. Son mulleres e homes que caen e levántanse e que, a pesar dos avatares da vida, aínda confían en que hai lugar para a esperanza. Os relatos están baseados en experiencias reais e todas eles ocorren en tempos e situacións diferentes pero cun denominador común que a escritora recolle no título: os protagonistas son capaces de perdoar e vivir sen rancor, pero non de esquecer.

Ruth Utande naceu na Coruña, e despois de vivir tres décadas en Madrid, a illa de Tenerife adoptouna de forma permanente fai tres anos. Xornalista de formación e escritora por vocación, traballou en prensa escrita e en comunicación empresarial durante moitos anos, actividade esta última que continua realizando na actualidade. Tamén colaborou no sector das organizacións non gobernamentais coa ONG Infancia sen Fronteiras, onde se ocupou de diversos proxectos en Níxer e en Nicaragua.

Durante todo este tempo nunca deixou de escribir. Biografías por encargo, contos para nenos e outros relatos para diversos eventos. Gústalle dicir que os ventos alisios da illa canaria déronlle a forza suficiente para dar vida a “No me llames Olvido” e voz aos seus protagonistas. Eles, máis que ninguén, merécenllo.

Evento: https://www.facebook.com/events/373518766604342/

Recital "A erótica do contrapoder". Venres 31 de maio ás 19 h.

Recital "A erótica do contrapoder"

Venres día 31 de maio de 2019 ás 19 h.

 

Se queres escoitar os versos máis fermosos, se queres disfrutar coa sensualidade e a elegancia feita poesía tes unha cita con Ricardo Carvalho Calero no Ateneo Ferrolán.
 

Recitarán os seus poemas eróticos,de amor e algúns dos seus textos contra o poder Fer Ocampo M, Andrés C. M. Riveira,Rosa Salanova Shakti,Adelaida Abad,Miguel Costoya Kostoia,Cris Balseiro,Mariola Hermida Romero e Loreto De Castro

Presentación do nº 31 do Caderno FerrolAnálisis. Xoves día 30 de maio ás 20 h.

Presentación do nº 31 do Caderno FerrolAnálisis 

o xoves día 30 de maio no Ateneo Ferrolán ás 20 h.

O Salón de actos do Ateneo Ferrolán acollerá o vindeiro xoves 30 de maio as 20:00 horas o acto de presentación do Nº 31 do Caderno FerrolAnálisis, que está adicado a presenza do 

“Maragatos en Ferrol”, cuia autora é Eva Mª Ocampo.

 

Catedrática de Lingua e Literatura castelá en Bacharelato e doutora en Filoloxía, Eva Mª Ocampo, convídanos desde a vistosa portada na que nos mostra a face riseira das sobriñas e netos da familia Martínez, a mergullarnos no detallado estudo dos maragatos e introdúcenos nun capítulo da historia da sociedade ferrolá, que sendo dunha gran importancia no desenvolvemento socio-económico da cidade, carecía até o momento dun estudo froito da investigación, o rigor e densidade historiográfica que nos ofrece a profesora Eva Ocampo.

 

No acto de presentación a autora estará acompañada por Man Castro, presidente de Honra do Club de Prensa e Xulia Díaz.

PALESTRA “Lingua, poder e adolescencia no proceso de substitución lingüística”. Mércores 29 ás 19 h.

O vindeiro mércores 29 de maio, a partir das 19:00h no Ateneo Ferrolán, AGAMME organiza a PALESTRA “Lingua, poder e adolescencia no proceso de substitución lingüística”, a cargo do profesor Miguel Rodríguez Carnota.

A través do seu relatorio, Carnota expoñerá os resultados da súa tese doutoral na que investiga a existencia dunha realidade de acoso escolar por razón de lingua no noso sistema educativo que non se está a identificar nin abordar.

http://agamme.org/palestra-a-cargo-de-miguel-rodriguez-carnota-lingua-poder-e-adolescencia-no-proceso-de-substitucion-linguistica-o-vindeiro-mercores-29-de-maio-no-ateneo-ferrolan/

Mesas de Debate: Eleccións Municipais 2019. Martes día 21 e Xoves día 23 ás 19,30 h.

Mesas de Debate no Ateneo Ferrolán
Eleccións Municipais 2019 #Ferrol

Martes 21 e xoves 23 de maio ás 19,30 h.
Modera: Club de Prensa de Ferrol 

Entrada libre

 - Día 21 de maio ás 19,30 h. cos representantes dos Grupos Políticos con representación actualmente no Concello: FeC, PSOE, PP, BNG e CS

- Día 23 de maio ás 19,30 h. cos representantes dos Grupos Políticos que buscan obter representación nestas eleccións municipais: Marea de Ferrol, Centristas, *Sentimiento Ferrolano, LiGanDo, Xuntos Actúa.

* (Sentimiento Ferrolano foi invitado pero mandounos un correo desculpándose por non poder acudir ao debate do día 23 xa que lles coincidía a data co seu mitin central)

Venres día 17 de maio - Día das Letras Galegas ás 12 na Praza Vella (Ferrol)

Venres día 17 de maio - Día das Letras Galegas
Ferrol ás 12 na Praza Vella

 Queremos Galego!

#Ateneo #SomosCultura #SomosIluistración #FerrolEnPositivo

Voces da Rock School. Recital das Letras Galegas. Xoves 16 de maio ás 19,30 h.

Voces da Rock School. 🎼🎶  
Recital das Letras Galegas

O xoves 16 de maio ás 19,30 h. no Ateneo Ferrolán

Entrada libre

Exposición fotográfica "Os soños esquecidos". Ata o 30 de xuño

Exposición fotográfica "Os soños esquecidos" de espazos abandonados feita por Carlos Muiños Mfh Ferrol, fotógrafo afeccionado de Ferrol.

Do 13 de maio ata o 30 de xuño na sala de exposicións do Ateneo Ferrolán

Cerca de 40 fotografías da súa temática preferida; as fotos de espazos abandonados. Nesta nova mostra poderanse ver algunhas fotos inéditas e outras xa coñecidas da súa ampla colección.

Presentación do poemario "EN INÉDITO SILENCIO". Venres 10 de maio ás 19,30 h.

Presentación do poemario "EN INÉDITO SILENCIO"
Venres día 10 de maio ás 19,30 h. no Ateneo Ferrolán

#Ateneo #SomosCultura #SomosIlustración #FerrolEnPositivo

Temos o gosto de apresentarvos a preciosa edición en audio CD do poemario EN INÉDITO SILENCIO. Apresentarémola, xunto ao libro, este venres 10 de maio, ás 7:00 pm no Ateneo Ferrolán. Un traballo de coidada produción, que impactou emocionalmente a aquelas persoas que ouviron a súa versión maqueta. Non vola perdades, edición limitada.

Ana Fernández (deseño e arte), Esther Raíndo (debuxos), André Cerdido Pastor (poemas, declamacións e selección musical).

Exposición Retratos "Poetas" de Juan Manuel Álvarez Romero (Mané). Ata o 9 de maio

Exposición Retratos "Poetas" de Juan Manuel Álvarez Romero (Mané)

Do xoves 25 de abril ata o 9 de maio

Actos da "XII Semana de Poesía Salvaxe" no Ateneo Ferrolán

A obra de Juan Manuel Álvarez Romero, Mané, pode pasar dunha poética simbolista ao caos máis absoluto sen perder a súa esencia, a súa pegada máis profunda. 
Roberto Matta. 

O artista andaluz afincado en Galicia expón no prestixioso Ateneo Ferrolán unha serie de obras intimas inspiradas no evento cultural "Poesía Salvaxe" que vén realizando desde fai máis dunha década nesta cidade, o artista sevillano retrata cun concepto post-minimalista a un grupo de amigos e poetas da cidade e outros que proveñen de toda a xeografía do país. 

Con esta mostra volve sorprender coa súa poética conceptual e simbólica un dos artistas que é recoñecido polo seu traballo no campo da simboloxía tartésica e fenicia que tan ben nos transmite a través dos seus cadros, contándonos historias mitolóxicas destas antigas civilizacións que deixaron unha gran influencia na nosa península. 

Esta mostra que se expón en Ferrol, intima e persoal do autor que sen dúbida nos deixará coñecer un pouco máis no seu labor como creador poderase ver a partir do 25 de Abril ao 9 de Maio. Ferrol, Galicia.

Tamén na XII Semana de Poesía Salvaxe estarán este 25 de Abril, as poetas Sandra Santos - Portugal e Raquel Lima a partir das 18 h. no Ateneo Ferrolán

Doce Semana da Poesía Salvaxe

Exposición de Pinturas de LIS "Nueva York". Do 3 ao 31 de maio

Exposición de Pinturas de LIS "Nueva York"

Do 3 ao 31 de maio

Inauguración venres día 3 de maio ás 20 h.

Lis (José Luis Pérez López, Ferrol, 1944), é un pintor ferrolán, fincado en Lleida fai xa preto de corenta anos. Autodidacta, de pintura impresionista, recibiu varios premios en concursos de pintura rápida en distintas localidades españolas. Traballa fundamentalmente o óleo con espátula, aínda que pode utilizar o pincel con notables resultados. Realiza exposicións en Cataluña e Galicia nos últimos anos con bo éxito de público. 

Atrapa Lis o instante preciso, o momento en que a luz e a forma adquiren a súa imaxe mais enaltecedora; con pincelada redonda impregnada de intención e con gran sentido da cor. Lis transmítenos visións precisas, Momentos concretos, nos que a beleza alcanza o seu punto culminante. A súa obra ofrécesenos impregnada de frescura, de fluidez, nunha visión impresionista atrapando o fundamental, pero deixando que todo, coas súas paisaxes e mariñas sexa reconocible, vendo luz, cor e forma e unha obra que é fiel reflexo da súa personalidade creativa, plena de impulso e emoción que sabe transmitir. 

M. Losada, xornalista e Crítico de Arte http://www.pintoresgallegos.com/lis/

Presentación do libro "Sé por qué no vendes". Mércores 17 de abril ás 19,30 h.

Presentación do libro "Sé por qué no vendes" 

do autor Jesús Vázquez Montero

Mércores día 17 de abril ás 19,30 h. 

Presentado por Isidoro Valerio Prega - xornalista de RadioVoz

Letrame Editorial

Ver que o teu stock aumenta e as vendas non chegan desespera a calquera por moi rudo que un sexa. "Sé por qué no vendes" é unha obra escrita a peito aberto, con valentía e non con desprezo.

Ínstovos a descubrir a trama da venda afastándoos da zona de confort, cunha visión diferente, de lectura entretida, sensitiva, crí tica, vivaz e bastante áxil. É un libro que aborda a temática central con destreza, presenta carácter propio, mergullando ao lector con facilidade entre os conflictos diarios. É unha obra actual, emotiva que che atraerá desde as súas primeiras líñas... o produto, o cliente e o vendedor polo medio sabendo todo o que ocorre ao redor da venda, esa é a verdadeira trama e o seu final irresistible e concluínte.

Proxección Documental "O meu nome é Luís Ferreiro". Martes 16 de abril ás 19 h.

 Proxección Documental "O meu nome é Luís Ferreiro"

Martes día 16 de abril ás 19 h. no #Ateneo 

Conmemorando o 14 de abril - Día da República

Unha historia do antifranquismo galego, é unha viaxe pola vida do militante comunista na clandestinidade Luis González Ferreiro. Abórdanse diferentes etapas e cuestións relativas á loita durante a ditadura, tales como a guerrilla, o exilio, a emigración e a estratexia de folga nacional pacífica no tramo final da ditadura.

Co asesoramento histórico de Víctor Santidrián e Xesús Alonso Montero.

Titulo orixinal: O meu nome é Luís Ferreiro
Tipo: Documental
Xénero: Biográfico
Produción propia
Realizada a cor
Duración: 78'
Orixe: Galicia
Ano: 2010
Idioma V.O.: Galego