Feliz 2021

 

Representación Teatral “Testemuñas anónimas (teatro documental)”. Escola Teatro do Ateneo. Xoves día 17 ás 19,30 h.

 

Representación Teatral “Testemuñas anónimas (teatro documental)”

da Escola de Teatro do Ateneo Ferrolán

Xoves día 17 de decembro ás 19,30 h.

(Aforo limitado restricións Covid)

- Dirección e posta en escena: Plamen Dipchikov

- Escenografía: Ani Petrova

Sinopse: no tren da vida unha muller galega atópase consigo mesmo nas diferentes etapas da súa vida

Elenco: 

Angelica Bores Cuartero, Sabela Carrera Alvarez, Tessy Blan e Fernanda Martinez

Temos Lotaría de Nadal Nº 93577

 

 

Temos Lotaría de Nadal

Participacións de: 2,50 € + 0,50 € (colaboración)= 3 €

Nº 93.577

Colabora e participa!

Selección para a XX MOSTRA de CURTAMETRAXES 2020 16 e 17 de decembro de 2020 ás 19 h. ¡¡¡¡ ADIADAS!!!!

XX MOSTRA de CURTAMETRAXES 2020 16 e 17 de decembro de 2020 ás 19 h. 

Os días 16 e 17 de decembro de 2020, levarase a cabo a XX MOSTRA DE CURTAMETRAXES, comezadas no ano 2001 con grande interese do público en xeral. 

A Mostra de Curtametraxes do Ateneo nace en 2001 coma un espazo de difusión da cultura cinematográfica en formato curto, para abrir unha fiestra cara ese cinema local e internacional de calidade a cotío vetado ao gran público. Como lembranza do que foron estas xornadas ao longo destes vinte anos de andadura dicir que na nosa programación priman as curtas galegas e en galego pero que tamén damos paso para coñecer outros autores a nivel internacional. 

Nestes días amosaremos curtametraxes e creacións de cineastas, case que sempre noveis, e con especial atención aos cineastas galegos e galegas en especial. O obxetivo é dar a coñecer a un público amplo a calidade e variedade das curtametraxes, sobre todo das galegas. Estas xornadas están a converterse nun referente, por ser un esforzo realizado para divulgar a produción de curtametraxes, que en moitos casos fica agochada. Trátase de acceder a unha parte do audiovisual que atesoura gran calidade. 

Curtas e autores seleccionados:

XX MOSTRA de CURTAMETRAXES 2020 16 e 17 de decembro de 2020 ás 19 h. ¡¡¡¡¡ADIADAS!!!!!

XX MOSTRA de CURTAMETRAXES 2020 16 e 17 de decembro de 2020 ás 19 h. no #AteneoFerrolán 

Participa e Difunde!!!! 

Facemos un chamamento a todas as persoas que queiran participar nestas xornadas,nos acheguen os seus traballos de menos de 20’, preferentemente en lingua galega acompañado dunha ficha cumprimentada cos datos da curta e do director antes do día 13 de novembro para poder engadilos ao programa deste ano. 

Normalmente recibimos as curtas a traverso da plataforma vimeo. Se utilizas esta plataforma,necesitamos saber a ligazón á curta máis o contrasinal para poder acceder a ela e coa opción "Descarga" habilitada para que nós a poidamos descargar. Pero tamén estamos totalmente abertos a calquera outro método que utilices (outra plataforma calquera ou se xa está público, a ligazón para poder collelo). Tamén aceptamos correo ordinario ao enderezo físico da nosa entidade. 

Os días 16 e 17 de decembro de 2020, levarase a cabo a XX MOSTRA DE CURTAMETRAXES, comezadas no ano 2001 con grande interese do público en xeral. 

A Mostra de Curtametraxes do Ateneo nace en 2001 coma un espazo de difusión da cultura cinematográfica en formato curto, para abrir unha fiestra cara ese cinema local e internacional de calidade a cotío vetado ao gran público. Como lembranza do que foron estas xornadas ao longo destes dezasete anos de andadura dicir que na nosa programación priman as curtas galegas e en galego pero que tamén damos paso para coñecer outros autores a nivel internacional. 

Nestes días amosaremos curtametraxes e creacións de cineastas, case que sempre noveis, e con especial atención aos cineastas galegos e galegas en especial. O OBXECTIVO é dar a coñecer a un público amplo a calidade e variedade das curtametraxes, sobre todo das galegas. Estas xornadas están a converterse nun referente, por ser un esforzo realizado para divulgar a produción de curtametraxes, que en moitos casos fica agochada. Trátase de acceder a unha parte do audiovisual que atesoura gran calidade.

Xornadas "O MUNDO DO PORVIR: BICENTENARIO DO NACEMENTO DE CONCEPCIÓN ARENAL PONTE (1820-2020)". Venres día 16 de outubro ás 18 h.

 

O Consello da Cultura Galega, a través do Centro de Documentación en Igualdade e Feminismos, está organizando as Xornadas "O MUNDO DO PORVIR: BICENTENARIO DO NACEMENTO DE CONCEPCIÓN ARENAL PONTE (1820-2020)", que van ter lugar en diversas localidades nas próximas semanas.

A próxima xornada deste ciclo será no ATENEO FERROLÁN, o venres 16 de outubro ás 18 h. e leva por título "AMOR, EDUCACIÓN E IGUALDADE PARA O PROGRESO" e contará coa participación de María Xosé Porteiro, coordinadora do Centro de Documentación en Igualdade e Feminismos do Consello da Cultura Galega, Celia Pereira Porto, coordinadora das xornadas, avogada laboralista e membro da Sección de Pensamento do CCG, Ana Romero Masiá, catedrática de Xeografía e Historia no IES Monte das Moas, e África López Souto, profesora de Filosofía e membro da Sección de Pensamento do CCG.

 

Máis información e inscricións http://consellodacultura.gal/evento.php?id=201082

Club de Lectura do Ateneo. Martes día 6 de outubro ás 17,30 h.

 

Club de Lectura do Ateneo

Martes día 6 de outubro ás 17,30 h. no Ateneo Ferrolán.

Animamos a tod@s a participar desta emblemática actividade.

Dende o ano 2002 que formamos no Ateneo Ferrolán o noso CLUB DE LECTURA, segue levándose a cabo todos os primeiros martes de cada mes. Encontros coa LECTURA onde xúntanse 20 socios e socias todos os primeiros martes de cada mes para reflexionar e comentar un libro guiados pola profesora ANXELES SEOANE.

Estamos a ler "Lluvia fina" unha novela de Luis Landero

 

 

Exposición de pintura do grupo “Catro médicos por Ferrol”. Outubro 2020

 

Exposición de pintura do grupo “Catro médicos por Ferrol”

Do 2 ao 31 de outubro de 2020

Catro médicos por Ferrol está formado por catro compañeiros médicos : Tino Cuesta-Oroso-, Leo Mendez-Vigo-, Pablo Galego-Santiago- e Xesus Vazquez –Lugo-.

Na sala de exposicións do Ateneo Ferrolán - Outubro 2020

#Ateneo #CulturaSegura #SomosCultura #Ferrol #Galiza

Presentación libro "Náufragas no mar e na terra". Venres día 2 de outubro ás 19,30 h.

 

 

Presentación libro "Náufragas no mar e na terra" poemario da autora Elisabeth Oliveira que estará acompañada por Eugénia Sanmartín (actriz e cantora)

Venres día 2 de outubro ás 19,30 h. no Ateneo Ferrolán
 

Elisabeth Oliveira naceu na rexión de Lille (Francia), de pai e nai portugueses. Creceu navegando entre dúas culturas e linguas. É licenciada en Letras Modernas pola Universidade de Lille III e en Filoloxía Francesa pola USC. Instalouse en Galiza en 1995 e namourou definitivamente desta terra e desta xente. En 2016, publicou POESIS, un poemario en catro linguas con cancións creadas a partir dos poemas, tamén en catro linguas.

"Náufragas no mar e na terra", poemario integramente en galego (novembro 2019) é unha homenaxe ás mulleres valentes que arriscan a vida nun mar cemmenterio por tentar salvala ou maltratadas na terra. O poemario pecha cun poema esperanzador.

A autora participou en varios festivais (Entreverbas, Kerouak, Poesía Salavxe) e numerosos recitais en Galiza e Portugal.
Leva o grupo "Noite de Letras" de Pontevedra que reúne artistas unha vez ao més e o club de lectura en portugués da libraría Paz (Pontevedra).

Presentación do libro "DramaturGA 20. 11 textos breves". Xoves 24 de setembro ás 20 h.

 

Presentación do libro "DramaturGA 20. 11 textos breves"

Coordinado por Julio Fernández e Franciso Oti Ríos.

Haberá unha lectura dramatizada dalgún dos textos polo grupo Fura Fura Teatro

Xoves día 24 de setembro ás 20 h. no salón de actos do Ateneo Ferrolán

#CulturaSegura

(Entrada libre ate completar aforo permitido)

A Asociación Galega de Dramaturxia, DramaturGA, en colaboración con Ediciones Invasoras, vén de editar o seu primeiro libro, DramaturGA 20. 11 textos breves. O volume, coordinado por Julio Fernández e Franciso Oti Ríos, contén textos de Ana Abad de Larriva, Afonso Becerra de Becerreá, Raquel Castro, sther f. carrodeguas, Julio Fernández, Fran Godón, Ernesto Is, Carlos Labraña, Francisco Oti Ríos, Noelia Toledano e Roi Vidal Ponte e constitúe unha escolma da máis recente literatura dramática contemporánea galega.

Nace este proxecto posible como un berro existencial ceibado coas nosas gorxas dramatúrxicas, un berro permanente das nosas inquedanzas, como unha primeira pedra do novo milladoiro na nosa peregrinaxe teatral colectiva, como unha cantería de asento na catedral da dramaturxia galega que leva as marcas de todas e todos os canteiros asociados que quixeron participar nesta proposta aberta e plural, que recolle a creación de literatura dramática galega actual compendiando algúns textos breves nun exemplar que reúne as condicións de: urxente necesidade, excelencia e liberdade.

http://www.dramaturga.org

Presentación libro: "Soldados de Franco" de Fran Leira Castiñeira. Mércores 23 de setembro ás 19,30 h.

 

Presentación libro: "Soldados de Franco" de Fran Leira Castiñeira
Publicado por Siglo XXI Editores

Mércores día 23 de setembro ás 19,30 h. no Ateneo Ferrolán

O mércores 23 de outubro, preséntase Soldado de Franco. Recrutamento forzoso, experiencia de guerra e desmobilización militar, do historiador ferrolán Francisco J. Leira Castiñeira, (Histagra- Universidade de Santiago) no Ateneo Ferrolán. Estará acompañado polo presidente do Ateneo Ferrolán, Xabier Dongil; polo catedratico da Universidade de Santiago de Compostela, Lourenzo Fernández Prieto, y Aurora Artiaga Rego, profesora da Universidade de Santiago de Compostela.

O libro mereceu o Premio Miguel Artola de Historia 2018, o premio en Ciencias Sociais Juana de Vega 2012 e una mención honorífica no concurso de ensaio histórico George Watt da ALBA-VALB de Nova Iorque.

Sinopse: O golpe de estado de xullo de 1936 partiu España en dous, configurando un taboleiro de terror, miseria e morte que daría fin á República e sustento á ditadura. No territorio sublevado, os soldados de Franco a miúdo non eran adeptos convencidos, senón meros peóns obrigados a loitar polo devir dunha España na que o único elemento de cohesión ía ser o medo. Desvélase como o Exército sublevado formouse mediante levas forzosas e desmitifica a historia, unha e outra vez repetida, de que media España alzouse contra a República por cuestións ideolóxicas ou políticas. Soldados de Franco é o relato de cómo o ditador situou ao país ante un terrible dilema: converterse en verdugos ou morrer.

Francisco J. Leira Castiñeira é doutor en Historia pola Universidade de Santiago de Compostela que mereceu o Premio Miguel Artola para teses doutorais en Historia Contemporánea, prestixioso galardón que convoca anualmente a Asociación de Historia Contemporánea en colaboración co Centro de Estudos Políticos e Constitucionais do Ministerio de Presidencia. Máster en Historia Contemporánea pola Universidade de Santiago de Compostela e Máster en Ciencias Documentais pola Universidade da Coruña, foi visiting fellow na University College Dublin - Center War Studies. Entre outros recoñecementos, o autor recibiu así mesmo o Premio en Ciencias Sociais Juana de Vega, así como unha mención honorífica no concurso de ensaio George Watt da ALBA- VALB de Nova York, ambos por avances desta investigación en 2012.

Avance Programación Cultural

 

Avance Programación Cultural no Ateneo Ferrolán

 

* ESCOLA de TEATRO dirixida por Plamen Dipchikov – Martes e xoves de 18 h. a 20 h.

8 de outubro preestreno obra teatral e 15 de outubro estreno da obra da nosa Escola de Teatro

* CLUB de LECTURA dirixido pola profesora Anxeles Seoane tódolos primeiros martes de cada mes – Martes 6 de outubro de 17,30 h. a 19 h.

* MARTES de CINE – Ciclos de Cine todos os martes ás 19 h.. Comezo martes día 6 de outubro.

* EXPOSICIÓNS OUTUBRO: Pinturas “Catro médicos por Ferrol”. Do 2 ao 30 de outubro.

O grupo “Catro médicos por…..”, esta formado por catro compañeiros médicos: Tino Cuesta (Oroso), Leo Mendez (Vigo), Pablo Galego (Santiago) e Xesus Vazquez (Lugo).

* PRESENTACIÓNS LIBROS:

- Mércores día 23 de setembro ás 19,30 h. “Soldados de Franco” de Francisco Leira, doutor en Historia. "Soldados de Franco" (Siglo XXI) versa sobre os reclutados forzosos en Galicia na guerra civil. Participará o autor e tamén Lourenzo Fernández Prieto.

- Xoves día 24 de setembro ás 20 h. Presentación do libro "DramaturGA 20. 11 textos breves". Coordinado por Julio Fernández e Franciso Oti Ríos.
Haberá unha lectura dramatizada dalgún dos textos polo grupo Fura Fura Teatro

- Venres día 2 de outubro ás 19,30 h. Presentación do libro "Náufragas no mar e na terra" poemario da autora Elisabeth Oliveira que estará acompañada por Eugénia Sanmartín (actriz e cantora).

 - Xoves día 22 de outubro ás 19,30 h. Presentación libro "El sueño de Julia y otros relatos" de Angel Ruiz de Velasco presentado xunto a Guillermo Llorca

* BIBLIOTECA-HEMEROTECA:

O Ateneo Ferrolán mantén aberta libre e gratuítamente a súa Biblioteca-Hemeroteca, sendo a única hemeroteca de Ferrol e Comarca. Facilita aos seus usuarios coñecementos e información mediante unha colección organizada de documentos, así como a través dos novos sistemas de información e tecnoloxías, que garante o acceso libre e directo ao coñecemento, á información, ao ocio e á cultura.

Sen cultura non hai futuro!

 

Sen cultura non hai futuro #Ateneo

#CulturaSegura #apoio17s #facemoseventos #alertavermella #SomosCultura #FerrolEnPositivo #Galiza

Retomaremos a actividade neste mes de xuño

ATENCIÓN!

No Ateneo Ferrolán retomaremos a actividade neste mes de xuño, a partir do xoves día 4 limpeza e hixiene das instalacións para ter todo disposto para afrontar a nova normalidade.

Vémonos en horario de verán de 10 a 14 h. de luns a venres.

#Ateneo #SomosCultura #SomosIlustración #FerrolEnPositivo #COVID19

Aviso: Suspendemos Actividades Culturais #Coronavirus

SUSPÉNDENSE as VII Xornadas de AGAMME "Ludopatía en infancia e adolescencia". Venres día 13 de marzo ás 18 h.

VII Xornadas de AGAMME "Ludopatía en infancia e adolescencia" (2ª parte)

ADIADAS

O vindeiro venres 13 de marzo AGAMME organiza a segunda parte das súas VII Xornadas, baixo o título “Ludopatía en infancia e adolescencia”. Terá lugar no Ateneo Ferrolán, a partir das 18 h.

O evento comezará cun relatorio a cargo de Antonio Rial Boubeta, profesor de psicoloxía da USC, experto en adiccións na infancia e na adolescencia. A continuación, darase paso a unha mesa redonda na que participarán representantes dos partidos políticos. Finalizará cunha quenda aberta para que o público presente poida trasladar preguntas e propostas. Contaremos coa presenza de (por orde alfabética):

• Casal, por En Marea
• Prado, polo Partido Popular
• Rodil, polo Bloque Nacionalista Galego
• Solla, pola coalición Galicia en Común
• Torrado, polo Partido Socialista

Lembramos que o aumento alarmante do número de locais de xogo e apostas en territorio galego e o seu impacto na poboación máis nova, así como a existencia de plataformas dixitais de apostas deportivas e outros tipos de xogo on line, están causando gran preocupación na cidadanía. Nos últimos meses creáronse en Galiza diversos colectivos que se opoñen á proliferación de salóns de xogo e máquinas de apostas en puntos próximos a centros educativos, bibliotecas, etc.

Por outra banda, numerosos xogos electrónicos, que non presentan a primeira vista formato de xogo de azar ou de apostas, están supoñendo a vía de entrada neste universo de moitos rapaces e rapazas, cada vez de menor idade. Esta modalidade de xogo presenta dificultades específicas de regulación polo seu carácter electrónico e deslocalizado.

Durante o ano pasado estivo a trámite unha nova lei do xogo que modificaría a do ano 1985. Sen embargo, o texto recibiu fortes críticas por supoñer unha regulación frouxa do negocio do xogo en Galiza, favorecendo así ás empresas e non priorizando a protección da cidadanía e en especial os nenos, nenas e adolescentes como colectivo especialmente vulnerable.

http://agamme.org/vii-xornadas-de-agamme-ludopatia-en-infancia-e-adolescencia-2a-parte/ 

SUSPENDIDA a Palestra "O rural galego sobre a mesa". Xoves día 12 de marzo ás 19 h.

SUSPENDESE #CORONAVIRUS

O xoves, 12 de marzo chega a campaña "O rural galego sobre a mesa" a Ferrol cunha palestra para analizar a crise do mundo rural e da agricultura con Xoán Carlos Carreira e Xosé María García. 

No #AteneoFerrolan ás 19:00 horas. #Oruralgalegosobreamesa

Presentación da novela do xornalista Félix Soria, “Irán a por ti”. Mércores día 11 de marzo ás 19,30 h.

A novela “Irán a por ti”, do xornalista Félix Soria, presentarase o vindeiro mércores, 11 de marzo, no Ateneo Ferrolán.

O vindeiro mércores, 11 de marzo, as 19:30 horas, terá lugar no Ateneo Ferrolán a presentación da novela do xornalista Félix Soria, “Irán a por ti”. No acto de presentación, organizado polo Club de Prensa de Ferrol, participará o escritor Xavier Alcalá.

 

"Irán a por ti" é unha novela negra e fresco social que relata as vidas de personas orixinarías de Galicia, Andalucía, Aragón e Catalunya que conflúen na Barcelona dos primeiros anos setenta nun episodio “coral” no que o tempo e o lugar son secundarios.

 

Félix Soria (Lugo, 1953) é xornalista e reside na Coruña desde o 2001. Estudou Filosofía e Letras e Dereito en Barcelona, onde viviu 28 anos, e tamén en Andalucia, Bélxica, Castela e Francia. Traballou ou colaborou con medios cataláns, andaluces, galegos e nunha axencia francesa. Como xornalista, especializouse en información local, económica, xeopolítica e da Unión Europea, como correspondente en Bruxelas durante 6 anos. É o administrador do blogue http://im-pulso.blogspot.com.es/

Club de Lectura con "Fábulas" de Concepción Arenal. Martes día 31 de marzo ás 17,30 h.

 

 

 

 

 

Club de Lectura con "Fábulas" de Concepción Arenal

O martes día 3 e 31 de marzo ás 17,30 h. no Ateneo

O Club de Lectura do #AteneoFerrolán con #ConcepciónArenal
A próxima lectura será o martes día 31 de marzo (por mor dos festivos de abril)

Animamos a tod@s a participar desta emblemática actividade. Dende o ano 2002 que formamos no Ateneo Ferrolán o noso CLUB DE LECTURA, segue levándose a cabo todos os primeiros martes de cada mes.

Estamos a ler "Fabulas" de Concepción Arenal

A estrutura do libro está composta por cincuenta poemas de extensión variable. Tres poemas alcanzan ou superan os cen versos, sendo o máis extenso o VI A verdade na feira, que conta con cento sesenta e seis versos. O o outro extremo, hai nove que están por baixo dos vinte e cinco versos, sendo o máis curto o XXVI.

Están escritas en verso, cúmpre a súa finalidade didáctica e todos os versos terminan nunha ensinanza baseadas no sentido común e na experiencia serena. Nunhas fábulas o diálogo corresponde a persoa, noutras a animais. O sentido da xustiza da que fose avogada penalista queda, igualmente, patente.

Encontros coa LECTURA onde xúntanse 20 socios e socias todos os primeiros martes de cada mes para reflexionar e comentar un libro guiados pola profesora ANXELES SEOANE.

Asemblea Aberta do Movemento Galego polo Clima. Venres día 6 de marzo ás 19 h.

O proximo venres día 6 de marzo ás 19 h., o Movemento Galego polo Clima celebra no Ateneo Ferrolán unha asemblea aberta para definir entre todas a folla de ruta do MGpC para os vindeiros meses.

O Movemento Galego polo Clima xurdiu en Galiza como resposta á convocatoria de mobilización mundial feita polo movemento xuvenil Fridays For Future (Venres por Un Futuro), co obxectivo de saír á rúa a reclamar accións urxentes que fagan fronte á mudanza climática e que garantan un futuro ecosocial xusto para todas.

Até o momento, o Movemento Galego polo Clima está conformado por máis de 85 colectivos e entidades galegas co fin de facer fronte todas xuntas á situación de Emerxencia Climática que vive o planeta enteiro, e particularmente Galiza. É por iso que temos intención de afrontar este reto tendo presente cales son as causas que máis están alentando o quecemento global no noso país e cales son as medidas que poderían evitar as consecuencias drásticas para o noso territorio e para o pobo galego no seu conxunto.

E para acadar este cometido, o MGpC está a redactar durante este primeiro trimestre do 2020 un manifesto encamiñado a establecer propostas para a transformación ecolóxica e social da Galiza, dándolle continuidade así ao manifesto do 2019.

https://movementogalegopoloclima.wordpress.com/

Exposición "Don Ricardo de Fingoi (Carvalho Calero en Lugo)". Luns día 2 de marzo ás 19,30 h.

A presidenta do Club de Prensa de Ferrol, Julia Díaz Sixto, xunto ca Real Academia Galega e o colectivo Egeria, comprácese en convidala/o á inauguración da exposición 

"Don Ricardo de Fingoi (Carvalho Calero en Lugo)" 

  luns, 2 de marzo, ás 19:30 horas no Ateneo Ferrolán.

Inauguración da mostra Don Ricardo de Fingoi (Carvalho Calero en Lugo), que conmemora os 15 anos en que o autor a quen a Real Academia Galega (RAG) lle dedicará o vindeiro 17 de maio residiu na cidade da Muralla para exercer como profesor.

A exposición Don Ricardo de Fingoi, elaborada polo Colectivo Egeria para dar conta da presenza en Lugo de Ricardo Carvalho Calero entre 1950 en 1965, conta co patrocinio da Consellería de Cultura e Turismo da Xunta de Galicia e a colaboración da RAG e do Colexio Fingoi. Consta de trece paneis que percorren a relación do autor das Letras Galegas 2020 coa cidade da Muralla, acompañados de sinaladores de lectura e dun folleto que recolle os mesmos contidos dos paneis.

 https://www.facebook.com/events/592066304969779/

Exposición de Pinturas "Nais da Terra" de Montse Pernas

Exposición de Pinturas "Nais da Terra" de Montse Pernas
Do 2 ao 31 de marzo na Salas de Exposicións (Sala 2) do #Ateneo

Inauguración este venres día 28 de febreiro ás 19,30 h.
Entrada libre

Entrevista ao responsable da Biblioteca – Hemeroteca «Ángeles Alvariño» do Ateneo Ferrolán

 






 Entrevista ao responsable da Biblioteca – Hemeroteca «Ángeles Alvariño» do Ateneo Ferrolán, unha entidade cultural fundada en 1879 e que desde entón mantén vixente o seu compromiso coa cultura na cidade de Ferrol.

Archivoz: International Archives Magazine

A cidade de Ferrol foi berce de numerosas cabeceiras, moitas delas de carácter efémero apenas superaron o primeiro número, outras aínda perviven, aínda que lle fosen amputadas á cidade, como o diario El Correo Gallego. Esta cabeceira, nacida en Ferrol foi trasladada a Santiago de Compostela en plena guerra civil. Todas estas cabeceiras son como instantáneas mecanoscritas da historia, fiel reflexo dun momento da cidade. Na Hemeroteca do Ateneo conservamos exemplares de gran interese –moitos deles únicos– da prensa local dos séculos XIX e XX.

Por outra banda, a colección da biblioteca está orientada cara aos estudos de carácter local. Queremos ser moi selectivos con esta colección sobre, temas ferroláns e galegos, que na actualidade crece grazas a doazóns públicas e privadas que son sempre moi benvidas. Como mostra da importancia deste tipo de coleccións, este ano por exemplo temos dúas celebracións protagonizadas por personaxes históricos ferroláns que transcenden o interese local, como son a conmemoración do 200 aniversario do nacemento de Concepción Arenal, ou a celebración do Día dás Letras Galegas en homenaxe á figura de Ricardo Carvalho Calero.

As nosas coleccións son o reflexo do devir histórico do Ateneo Ferrolán como entidade, e da cidade en xeral. Gonzalo Torrente Ballester dicía sobre a súa cidade natal que é “unha cidade lóxica situada nunha terra máxica”. Ferrol foi creada a mediados do século XVIII practicamente desde a nada para erixir os Reais Arsenais da Armada seguindo os ideais de racionalidade da Ilustración. Esta inxente realización atraeu a miles de persoas, chegando a ser a primeira cidade de Galicia en número de habitantes no último terzo do XVIII.

Desde entón ata hoxe a cidade está suxeita e acusa especialmente as vicisitudes históricas de Galicia e España, pola súa forte dependencia das políticas estatais cos seus núcleos de decisión por centos de quilómetros, acentuando os efectos das cíclicas crises sociais e económicas. No seo da sociedade local, altamente estamental, creceron os ideais conservadores e liberais; e tamén o movemento obreiro, xa que Ferrol era unha illa industrial nunha Galicia que foi practicamente allea á revolución das máquinas.

 Entrevista completa: https://www.archivozmagazine.org/fernando-rivera-ateneo-ferrolan/

#Ateneo #SomosCultura #SomosIlustración #FerrolEnPositivo

Día de Rosalía de Castro. Venres día 21 de febreiro ás 20 h.

A Asociación Escritoras-es Lingua Galega - AELG 

conmemora un ano máis o Día de Rosalía de Castro.

Ao redor do 24 de febreiro en diversos espazos e localidades organízanse lecturas públicas da obra de Rosalía de Castro. En todos estes actos lerase o tradicional manifesto da AELG, que este ano elaborou o escritor Daniel Asorey.

No #AteneoFerrolán realizarase o venres 21 de febreiro ás 20 h. coa participación de: Mariola Hermida, Rosa Martínez, Aurora Varela e Rosa Méndez.

Compartimos as palabras do autor homenaxeado no Día das Letras Galegas deste 2020, Ricardo Carvalho Calero, sobre a nosa poeta, a quen dedicou gran parte do seu rigoroso traballo crítico: “A realidade rosaliana é particularmente complexa -mesmo, a nível superficial, contraditória, ainda que, a nível profundo, se conciliem as contradiçons na raiz unitária da singularidade pessoal de Rosalia. […] Enfim, Rosalia é umha rosa de cem folhas.”

#ErrantesPoloMundo_rdc_20 #LetrasGalegas #SomosCultura

https://www.facebook.com/events/2726556224281320/ 

Andrés Comerma y Batalla elixido "Científico Galego do Ano 2020"

Andrés Comerma está considerado unha das figuras clave da enxeñaría naval en España. 

Esta fotografía apareceu no Almanaque Gallego de 1913.

O “visionario” enxeñeiro Andrés Comerma, Científico Galego do Ano 2020

O investigador, que viviu gran parte da súa vida en Ferrol, foi tamén farmacéutico, xornalista e impulsor de diversas iniciativas culturais na cidade

É unha das figuras clave da tecnoloxía naval en España nos últimos séculos. Ideou e dirixou a construción do Dique da Campá de Ferrol, foi fundador tamén en 1879 do Ateneo Ferrolan

  

Recoñecido na comunidade científica como unha das figuras máis relevantes da tecnoloxía naval española dos últimos séculos, Comerma foi o autor do proxecto e director da construción da obra máis importante realizada en Galicia en todo o século XIX: o Dique da Campá no Arsenal de Ferrol, que polas súas dimensións se converteu nun dos máis grandes do mundo na súa época.

O enxeñeiro e arquitecto naval, farmacéutico, escritor e divulgador Andrés Comerma y Batalla (1842-1917) será o homenaxeado este ano no 

Día da Ciencia en Galicia

A celebración promovida pola Real Academia Galega de Ciencias (RAGC) para reivindicar a importancia da investigación a través das súas figuras máis destacadas e, en moitos casos, descoñecidas para o gran público. 

O carácter polifacético e visionario deste intelectual, xunto coas importantes achegas en termos de progreso e modernidade que o seu traballo supuxo para Galicia, foron os principais motivos da súa elección unánime por parte do pleno da RAGC.

O acto académico de homenaxe terá lugar o 8 de outubro, a RAGC iniciará de inmediato os contactos con todas as institucións científicas vinculadas a Comerma para organizar nos vindeiros meses actividades de difusión e divulgación sobre a súa figura.

Info:  https://www.gciencia.com/ciencia/andres-comerma-cientifico-galego-2020/