Presentación da "Nova Orquestra Sinfónica Ferrolterra". Venres día 24 de febreiro ás 19 h.

 

 

Presentación da "Nova Orquestra Sinfónica Ferrolterra"

Venres día 24 de febreiro ás 19 h.

 

O violinista e director Pedro Montilla é o impulsor da Nova Orquestra Sinfónica Ferrolterra, que este venres debuta co concerto «Harmonía Artificiosa» no Ateneo Ferrolán 

 

 

XXVIII Xornadas da Gaita Antón Varela (Tonecho) 2022. Sábado 17 de decembro ás 19,30 h.

 

XXVIII Xornadas da Gaita Antón Varela (Tonecho) 2022

 

Sábado día 17 de decembro ás 19,30 h. no Ateneo Ferrolán

 

 

- Presentación do libro "O toque pechado" de Pablo Seoane

- Actuación cuarteto de AGARIMO de CATABOIS ( 45 ANIVERSARIO)

 

 

 

#Ateneo #SomosCultura #Gaitas #Ferrol #Galiza

Concerto Os Peregrinos. Luns día 20 de decembro de 2021 ás 20 h.

 

Concerto Os Peregrinos 

luns día 20 de decembro de 2021 ás 20 h. no Ateneo Ferrolán

 

Os Peregrinos ofrecerán un par de concertos antes de nadal en Galicia, onde deleitarán como só eles saben facelo, nunha mixtura de traballo coordinado, improvisación e providencia divina, con algúns dos seus clásicos- como poden ser Polbo á mugardesa, Playa (yo y mi sombra), Náufragos ou o seu recente EP inspirado en poemas de Rosalía de Castro, así como algunhas versións dos seus favoritos (Vainica Doble, Love, Gino Paoli)- ao público asistente os vindeiros 18 e 20 de decembro en A Ventana de Laxe e o Ateneo Ferrolán, respectivamente. 

 

Nin que decir ten que a ocasión é única para gozar deste singular dúo de pop galaico, para máis inri acompañados de dous fermosos e talentosos músicos coma son Silvia Fralleoni e Sergio Galego. E ti, ¿queres peregrinar a algún destes actos músico- festivos?

 

 

XXVII Xornadas da Gaita Antón Varela "Tonecho". Venres 10 de decembro ás 19,30 h.

XXVII Xornadas da Gaita Antón Varela "Tonecho" Ateneo Ferrolán 

Venres día 10 de decembro ás 19,30 h. 

Programa: 

Presentación do libro “ A gaita na Terra de Melide” de Suso Ascariz 

“A gaita na Terra de Melide” é un percorrido sonoro, literario e fotográfico pola tradición musical dunha comarca. 

Tomando como referencia espacial os concellos de Sobrado dos Monxes, Toques, Melide e Santiso, o autor estuda a evolución da gaita galega nestas terras ao longo do século XX ao tempo que describe o contexto histórico e os acontecementos relevantes que marcaron o devir do instrumento. 

Trátase dun traballo de investigación construído tamén a través das biografías de gaiteiros e artesáns no que se recollen vivencias e anécdotas contadas en primeira persoa e que nos leva de novo ás eiras, ás casas, ás romarías e a todos aqueles espazos da Terra de Melide nos que se tocaba e nos que a gaita foi adquirindo aos poucos unha función social determinante. O libro inclúe un repertorio composto por 60 partituras, moitas delas inéditas, e un CD coa gravación das catro muiñeiras da Terra de Melide compostas polo autor.

Actuación do grupo tradicional "Os Estrobos"

No ano 1976 formase en Ferrol o cuarteto “Os Estrobos” da man do Mestre de Gaita Manuel García Pereira (“Lolete”), con membros do grupo de baile “Terra Meiga”. Dende os inicios comezan a participar en tódalas festas da comarca e mais adiante, por toda a xeografía Galega, viaxando por toda Europa e participando en diversos concursos.

Pasaron por “Os Estrobos” moitos componentes dende o seu comezo, destacando os fundadores (“Lolete” e Joaquín con gaitas, Aldo tamboril e Vicente co Bombo), como Ana “A Gaiteira”, Camilo Ces ou Fran Cuétara, ata os actuáis compoñentes, Marcos García e Daniel López coas gaitas, Rufino Cuétara co Bombo e Jorge García co Tamboril.

Na súa participación nos concursos podemos destacar os seguintes premios:

3º Premio en Ponteareas no ano 1981.

2º Premio en Portomarín no 1981.

1º e 2º Premios en Cerdido, ano 91 e 92.

2º e 3º Premio en Vedra, nos anos 2001 e 2006.

2º Premio en Ortigueira no 2006.

2º Premio en Miño no 2001 con 1º Premio para a mellor percusión.

1º e 2º Premio no certame Europero de Saint Chartier, Francia. 2003 e 2019.

 

 

Presentación de "Strange Mystery Flower sing Willliam Blake". Venres 29 de novembro ás 20,30 h.

Presentación de "Strange Mystery Flower sing Willliam Blake". 

Así se chama a nova criatura discográfica de Amparo e Roger Arias. 

Venres 29 de novembro ás 20,30 h. no #AteneoFerrolán

Todo comezou durante unha viaxe fascinante polo norte de Italia hai cinco anos, onde Roger descobre unha misteriosa relación cos poemas de William Blake. 

Eses escritos místicos e visionarios espertan o desexo do músico de compoñer melodías e cantalas. Así é como se orixina SMF; e baixo este pseudónimo decídese a gravar dez desas cancións xurdidas durante a viaxe coa colaboración fundamental da súa irmá Amparo e outros músicos afíns, para poder compartir este tesouro atopado hai xa un lustro, que foi cociñándose a lume lento nun proceso de creación e gravación máxicos. 

A presentación deste disco singular será o próximo 29 de novembro ás 20:30h no Ateneo Ferrolán. Para este directo contan cun espectáculo multidisciplinar que en pouco máis dunha hora percorre o imaxinario poético de William Blake a través destas xoias pop atemporal de dous/tres minutos, algún que outro poema recitado e a proxección dalgunhas das súas ilustracións e pinturas máis emblemáticas. 

Entrada: 3 euros.

Presentación videoclip "Me pierdo" de Marcos Mella. Xoves 28 de novembro ás 20 h.

 

O xoves dia 28 de novembro ás 20 h., presentaremos no Ateneo Ferrolán o videoclip pertecente á canción "Me pierdo", do autor Marcos Mella, que neste caso conta coa colaboración de Rosa Cedrón. 

 

Na presentación se falará de como xurdiu a idea de realizar o videoclip ma linguaxe de signos, e da importancia que ten a incursión na música e noutros artes. Contaremos coa presenza dunha interprete.

A presentación constará da presentación e o publico poderá facer preguntas e logo coa proxección do videoclip, para rematar cun pequeno concerto do autor, no que interpretará 4 temas coa axuda da interprete.

Enlace do video

https://www.youtube.com/watch?v=nOjrZ_XNHWw

Ficha do videoclip:

Videoclip oficial da canción "Me pierdo" do intérprete ferrolán Marcos Mella, incluído no disco que esta a piques de sair "300 meses", e gravado nesta ocasión coa cantante Rosa Cedrón .
O videoclip é interpretado en lingua de signos polos actores galegos Lucia Regueiro e Oswaldo Digon, que coa axuda da intérprete Natalia Navaza aprenderon a interpretar a letra da canción.
Os bailaríns Silvana Castelo e Fernando Piñeiro foron os encargados de interpretar o sólo de violonchelo a partir dunha coreografía creada por eles mesmos para a ocasión.
O videoclip está gravado pola empresa Filmate de Santiago
A maquillaxe e perruquería estivo a cargo de Instetic Yolanda

Presentación Disco "Reflejos" de Adrián Vigo & Banda. Venres 13 de abril ás 20 h.

Presentación Disco "Reflejos" de Adrián Vigo & Banda

Venres día 13 de abril ás 20 h. no #AteneoFerrolán

Entrada: 5 €

Concerto de Adrián Vigo, un virtuoso que rompe barreiras, acompañado da súa banda presentan o seu segundo disco "Reflejos"

https://www.facebook.com/FetenProducciones/

Presentación do disco “Amandangadamente” de Javi Mandango. Venres 8 de setembro ás 20,30 h.

Presentación do disco “Amandangadamente” de Javi Mandango

Venres día 8 de setembro ás 20,30 h. no #AteneoFerrolán

Entrada 2 €

JAVI MANDANGO - AMANDANGADAMENTE

O disco “Amandangadamente” de Javi Mandango sae á luz tras un longo período de espera. Trátase do primeiro traballo en solitario deste cantante cómico e artista multidisciplinar precario, logo de convertires o antigo dúo “La Mandanga” no seu proxecto persoal actual.

Grabado durante os meses de Xullo, Agosto e Setembro de 2016 nos estudios 'Mi Puta Casa Records' e 'Ansede Mordor Studios' e autoproducido polo propio artista, conta con colaboracións estelares como a do agropachangueiro 'Xente de Lona', a sedosa voz de Tania Redondo, o baixo eléctrico do seu irmán Sonic, Fernán Varela (cantante de Sandford Music Factory) ou o RnR One Man Band 'O Bo de Vil', que prestou a súa voz e instrumentos, así como tamén a súa sabedoría nas labores de masterización.

O traballo consta de dez temas e unha pista extra, nos que se atopan letras con altas doses de humor satírico e políticamente incorrecto, non apto para mentes fácilmente traumatizables. Drogas, sexo e humor escatolóxico mesturado con guitarras, turutas e moito desenfado.

Está dispoñible en formato físico e tamén en descarga dixital na web lamandanga.bandcamp.com

Máis info:
https://drive.google.com/file/d/0BwOQ0rnaU36ROTV0WkEtcTZ5dVk/view?usp=sharing

Concerto "Tu Otra Bonita" e "Club del Río". Sábado día 29 de abril ás 21,30 h.

Concerto "Tu otra bonita" e "Club del río" no #AteneoFerrolán

Sábado día 29 de abril ás 21,30 h.

Quizais non sabiades que algo tan bo estaba a cociñarse.... pero si, era así, e aquí está!!!! Na ponte de maio imos todos a Campeiras! Será unha escapada chea de MÚSICA, SURF, ONDAS, PULPO E LICOR CAFÉ!

Alguén ten algunha dúbida de cal é o plan? Ven connosco, "Tu otra bonita" e "Club del río" do 28 de abril ao 2 de maio e non te perdas o concertazo que nos darán ambos o SÁBADO 29 de abril, ás 21.30 no Ateneo Ferrolan ♥ ♥

Consegue as túas entradas en Wegow antes de que voen!!!!

https://tickets.wegow.com/entradas/campeiras-live-presenta-tu-otra-bonita-club-del-rio#tickets

Sesión Vermú con Eugenia Sanmartin. Xoves día 13 a partir das 12 h.

Ven celebrar con nós 

"IX Conspirando por unha radio libre e comunitaria da terra de Trasancos"

Xoves día 13 de abril a partir das 12 h. 

Argallan: Ateneo Ferrolán e Radio Filispim-Colectivo OPAÍI

Este ano Rádio FilispiM e o Ateneo Ferrolán argalharom também umha Sessiom Vermut para celebrar o IX Conspirando por umha rádio livre, nela actuará Eugenia Sanmartín (Músicas do Brasil e outras Terras), vem e participa na autogestom do Ateneo e da Rádio livre e comunitária da Terra de Trasancos. 

Haberá petiscos, photocall e sorteio de camisolas

Presentación do libro "Bestiario do vestiario" de Martiño Suárez. Venres 27 ás 20 h.

Venres día 27 de xaneiro ás 20 h. no Ateneo Ferrolán 

Presentación do libro Bestiario do vestiario, de Martiño Suárez, editado por Carlos Meixide. O grupo Grampoder interpretará un miniconcerto con cancións dedicadas ao deporte.

Pioneiras incomprendidas, goleadores borrachos, nazis, ciclistas drogados, 'hooligans' bizantinos, campións negros, perdedores exemplares, rastafaris, filósofos gregos, santos, espías da RDA, Elvis e Bob Marley...

Bestiario do vestiario xunta un zoolóxico de deportistas desviados en cincuenta historias nas marxes do heroísmo habitual do xénero, regadas con sangue, alcohol, épica e humor.

Estes textos do Bestiario do Vestiario (fóra tres escritos para a ocasión) foron publicados orixinalmente en DIOIVO na sección do mesmo nome e tiveron unha excelente acollida por parte dos lectores.

Evento no facebook: https://www.facebook.com/events/207466569715982/

Concerto do cantautor Víctor Bueno. Venres día 4 de novembro ás 20 h.

Concerto do cantautor Víctor Bueno

Venres día 4 de novembro ás 20 h. no Ateneo

Entrada de balde.

Víctor Bueno, de pais ferroláns, nace un martes de setembro do 96, na cidade de Guadalaxara (España).

Desde moi pequeno deixa ver o seu interese pola música e dedícase a experimentar con gran cantidade de instrumentos.

O espectáculo está sempre presente na súa nenez e organiza, de maneira caseira e familiar, numerosas pezas teatrais e artísticas.

Desde estes anos ata a adolescencia trata de integrarse nalgún grupo musical (banda, conservatorio...etc) pero finalmente ata os 13 anos non é cando tenta formar unha banda cos compañeiros do colexio. Banda abocada ao fracaso en pouco tempo.

Tras varios intentos con distintas bandas, Víctor decide empezar a compoñer as súas cancións en setembro de 2012. É ese mesmo ano no que se traslada a vivir a Madrid. Tras escribir varias cancións, preparalas...etc ofrece o seu primeiro concerto en maio do 2013,na súa cidade natal.

Ese mesmo ano ofrece varios concertos, algúns acompañado de banda, nos que a parte das súas cancións tamén había versións doutros artistas no seu repertorio.

Actualmente está en proceso de gravación do seu primeiro disco, realizando concertos, escribindo, compoñendo....etc

"Arte made in Ferrol". Martes día 29 ás 20 h

"Arte made in Ferrol" o martes día 29 de decembro ás 20 h. no Ateneo.
Entrada libre. 

Organiza: Xeración Asociación Cultural 

(Asociación cultural con base en Narón especializada en proxectos de mobilidade e cooperación internacional). 

Concerto acustico, Presentación do proxecto e Proxección do documental.
O finalizar abriremos un pequeno debate sobre a situación da mocidade no sur de Europa.

O proxecto chámase "The found generation" (A xeración atopada) e consiste nunha serie de entrevistas a mozos activos (emprendedores, artistas, activistas) dos tres países que teñen unha historia inspiradora que compartir. A idea consiste en dar a coñecer ideas que están a funcionar a todos aqueles mozos/as que, tras rematar os estudos, non saben que facer coa súa vida.

O documental ten un formato curto (o redor de 20 min) e está grabado en inglés con subtitulos en español, grego e portugués.

Co fin de dar difusión o noso proxecto, temos previsto organizar sendos eventos públicos en Galicia, Lisboa e Kalamata.

A nosa idea consiste en organizar unha velada de Arte made in Ferrol no que poidamos presentar o noso proxecto á vez que tocan dous grupos locais (concertos acusticos).

Info no Diario de Ferrol:

http://www.diariodeferrol.com/articulo/ferrol/fomento-da-participacion-xuvenil-obxectivo-do-proxecto-xeracion-asociacion-cultural/20151228223815142292.html

I Ciclo de Jazz. "Os Bregadiers". Sábado día 10 ás 21 h.

I Ciclo de Jazz

“Os Bregadiers” organizado por ARTERIOLA traerán a súa música ata o ATENEO FERROLÁN o sábado 10 de outubro ás 21:00 horas.

Tivemos todo un mes por diante para gozar, e tamén aprender, sobre o Jazz. E é que a Asociación de Hostelería Arteriola organiza o I Ciclo de Jazz cunha programación variada composta por concertos, cine e unha mesa redonda. Suso Eiroá, membro da entidade, indica que «facía tempo que en Ferrol non había concertos de jazz» e por iso decidiron poñer en marcha esta iniciativa.

Os encargados de pechar o ciclo son Os Bregadiers, 

que traerán a súa música ata o ATENEO FERROLÁN 

o sábado 10 de outubro ás 21:00 horas.

Eiroá asegura que «tentamos compaxinar grupos locais e de fora» para compoñer o programa. Unha fórmula que manterán nas vindeiras actividades que organicen porque a súa intención é ofertar unha programación continua.

«Interésanos facer unha aposta polo mundo da cultura»

Sesión Vermú con Weather Underground e Agostinho DJ. Sábado 22 ás 12 h.

Sesión Vermú  no Ateneo Ferrolán

o sábado día 22 de agosto ás 12 h.

con Weather Underground e Agostinho DJ

haberá petiscos, cervexas e por suposto vermú
Entrada de balde 

Agradecemos difusión "Ateneo un lugar de encontro para a cultura dende 1879"

Máis info:

 https://www.facebook.com/weatherundergroundGZ

Concerto do grupo folk "Lenda Ártabra". Venres 10 de xullo ás 20 h.

Concerto do grupo folk "Lenda Ártabra"

Venres día 10 de xullo ás 20 h. no salón de actos do Ateneo

Entrada de balde

Cancións tradicionais, temas propios e letras de grandes escritores galegos xunto a unha diversidade de músicas como o fado portugués, a música clásica, os ritmos africanos 

e o folk tradicional galego

www.lendaartabra.com

Concerto de Sergio Sleiman. Presentación do Álbum "Si supieras". Xoves 25 ás 20 h.

Concerto de Sergio Sleiman

Presentación do Álbum "Si supieras"

Xoves día 25 de xuño ás 20 h. no salón de actos do Ateneo

Entrada: Soci@s 3€ e Non Soci@s 5 € 

Canción de autor con alma de tango, jazz e pop

O canto e a guitarra de concerto trouxérono a España en 1995. Aqui compuxo a maior parte das súas cancións impregnadas de Tango, Brasil, Miguel Hernández, Nova Troba, Antonio Vega, Rapaz Buarque, Police,....

EN MI CIUDAD

https://www.youtube.com/watch?v=i9gzGErpTBw 

 

INJURIADO

https://www.youtube.com/watch?v=i9e8Q77ilKo

 

CARDO O CENIZA

https://www.youtube.com/watch?v=Xmu0wyOOY6I

 

REPORTAJE DE UN CONCIERTO (2 minutos)

https://www.youtube.com/watch?v=HFHCkU3eLMU&list=PLSDLohXnCLBwOp2RF4Cm46YEXoS8JWqKr

ALFONSINA Y EL MAR (Versión instrumental) https://soundcloud.com/sergiosleiman/alfonsina-y-el-m

Concerto do músico arxentino Gabriel Guerramayor. Venres 12 ás 20 h.

Concerto do músico arxentino Gabriel Guerramayor

Bolero / Tango / Jazz / Latino

Venres día 12 de xuño ás 20 h. no salón de actos do Ateneo.

 

Entrada: 5€ en solidariedade co Ateneo

Avance Programación Cultural no Ateneo. Semana do 8 ao 13 de xuño.

Avance Programación Cultural no Ateneo Ferrolán

Semana do 8 ao 13 de xuño de 2015

Martes día 9 -

Exposición de Pinturas de Esther Sanchez Espiñeira

 

BIBLIOTECA – HEMEROTECA de 17 a 21 h.

 

ás 19 h. na 3ª planta (sala 1): Escola Teatro do Ateneo

 

ás 19,30 h. MARTES DE CINE. CICLO DE CINE: “Aleg(o)ria de vivir”

 

"Capitanes intrépidos" (Captains Courageous; Victor Fleming, 1937) Sinopse: Harvey Cheyne é un caprichoso e malcriado neno rico que está a facer un cruceiro co seu pai. Inesperadamente, cae pola borda do iate e é rescatado por un barco de pesca ao mando dun intrépido capitán. O pesqueiro ten que rematar a longa campaña de pesca antes de levar o rapaz a terra firme. Harvey, ao principio de mala gana, conseguirá adaptarse á dura vida en alta mar grazas á súa íntima relación con Manuel, un bondadoso mariñeiro portugués que exercerá sobre o neno unha benéfica influencia.

Mércores día 10

Exposición de Pinturas de Esther Sanchez Espiñeira

BIBLIOTECA – HEMEROTECA de 17 a 21 h.

ás 19,30 h. - Palestra – Debate: 

“A revolución de ROJAVA e a loita do pobo kurdo”.

Acto organizado por Union Libertaria.

Xoves día 11

Exposición de Pinturas de Esther Sanchez Espiñeira

BIBLIOTECA – HEMEROTECA de 17 a 21 h.

 

ás 19 h. na 3ª planta (sala 1) Escola Teatro do Ateneo

 

ás 18 h. Concerto de Piano alumn@s de A Escola da Vaca.

ás 20 h. Charla – Coloquio. Organiza Fuco Buxán

Venres día 12

Exposición de Pinturas de Esther Sanchez Espiñeira

 

BIBLIOTECA – HEMEROTECA de 17 a 21 h.

 

ás 20 h. Concerto “Tangos” co músico Gabriel Guerramayor

Sábado día 13 –

BIBLIOTECA – HEMEROTECA de 10,30 a 13,30 h.

Exposición de Pinturas de Esther Sanchez Espiñeira

 

Concerto de Miguel Castro "Canciones para pensantes". Venres día 15 ás 20,30 h.

MIGUEL CASTRO en CONCERTO "Canciones para pensantes" 

venres día 15 ás 20,30 h. no salón de actos do Ateneo.

Entrada: Soci@s: 2€ / Non Soci@s: 4€

 
 
Semifinalista no I Concurso Internacional de Cantautores Olga Xirinacs (Tarragona 2009), finalista no Certamen de Cantautores XpressiónK (A Coruña 2009) e no II Sadacústico (Sada 2014) e colaborador habitual da Asociación Venres de Cantautar (A Coruña), Miguel Castro bebe de fontes tan dispares como Bob Dylan, Silvio Rodríguez, Jorge Drexler, ou Glen Hansard, e acariña estilos musicais diversos (bossanova, blues, country, swing, pop, folk), aderezados en ocasións co uso de loops gravados sempre en rigoroso directo.
 
Comunícase desde rexistros variados (o amante patético e perplexo que chora polas esquinas, o canalla que chama a cada cousa polo seu nome, o peatón que protesta indignado ante as incongruencias da sociedade) e aborda os temas das súas cancións desde moi distintas perspectivas. Crea así un estilo de canción de autor, con poucos pelos na lingua, no que nada predomina, pero no que atopamos intimismo e desnudez, rabia, tenrura, calidez e unha boa dose de ironía e sarcasmo moi propia de terras galegas.
 
Nesta ocasión, proponnos un paseo polo resbaladizo terreo do amor e os sentimentos que o acompañan (Dos Toboganes), máis algunhas reflexións sobre o mundo que nos rodea que integrarán o seu próximo traballo, "Cosillas (os martes os tenedores non se caen)".