A Xunta Directiva do Ateneo Ferrolán deséxavos Feliz 2019


A Xunta Directiva do Ateneo Ferrolán deséxavos Feliz 2019

"Un lugar de encontro para a cultura dende 1879"

#Ferrol

Proxección documental "O soño de papá". Xoves 27 de decembro ás 19,30 h.


Proxección documental "O soño de papá" 
Xoves día 27 de decembro ás 19,30 h. no Ateneo Ferrolán

Chegar a formar parte da elite futbolística é un soño polo que loitar.
Un soño ao que dedicar unha infancia. Dos nenos futbolistas trata O SOÑO DE PAPÁ: un documental sobre o fútbol base en Galicia. Unha reflexión sobre os diferentes problemas que veñen xurdindo ao redor deste deporte que xunta tanta xente e tanta atención mediática.
O SOÑO DE PAPÁ ten unha duración de 57 minutos.
O seu director, Xavier Bermúdez, acudirá á presentación e ao cabo da proxección poderemos ter un coloquio cos asistentes.

Información do documental na web: www.osonodepapadocumental.com
Evento no facebook: https://www.facebook.com/events/1212856435530275/

XVIII MOSTRA de CURTAMETRAXES 2018. Días 19 e 20 de decembro de 2018 ás 19 h.





 XVIII MOSTRA de CURTAMETRAXES 2018


19 e 20 de decembro de 2018 ás 19 h. no #AteneoFerrolán

Participa e Difunde!!!!


Facemos un chamamento a todas as persoas que queiran participar nestas xornadas, nos acheguen os seus traballos de menos de 20’, preferentemente en lingua galega acompañado dunha ficha cumprimentada cos datos da curta e do director antes do día 30 de novembro para poder engadilos ao programa deste ano.

Normalmente recibimos as curtas a traverso da plataforma vimeo. Se utilizas esta plataforma, necesitamos saber a ligazón á curta máis o contrasinal para poder acceder a ela e coa opción "Descarga" habilitada para que nós a poidamos descargar. Pero tamén estamos totalmente abertos a calquera outro método que utilices (outra plataforma calquera ou se xa está público, a ligazón para poder collelo). Tamén aceptamos correo ordinario ao enderezo físico da nosa entidade.


Os días 19 e 20 de decembro de 2018, levarase a cabo a XVIII MOSTRA DE CURTAMETRAXES, comezadas no ano 2001 con grande interese do público en xeral.



A Mostra de Curtametraxes do Ateneo nace en 2001 coma un espazo de difusión da cultura cinematográfica en formato curto, para abrir unha fiestra cara ese cinema local e internacional de calidade a cotío vetado ao gran público. Como lembranza do que foron estas xornadas ao longo destes dezasete anos de andadura dicir que na nosa programación priman as curtas galegas e en galego pero que tamén damos paso para coñecer outros autores a nivel internacional.


Nestes días amosaremos curtametraxes e creacións de cineastas, case que sempre noveis, e con especial atención aos cineastas galegos e galegas en especial.


O OBXECTIVO é dar a coñecer a un público amplo a calidade e variedade das curtametraxes, sobre todo das galegas. Estas xornadas están a converterse nun referente, por ser un esforzo realizado para divulgar a produción de curtametraxes, que en moitos casos fica agochada. Trátase de acceder a unha parte do audiovisual que atesoura gran calidade.

SELECCIONADAS ANO 2018


XVIII "MOSTRA DE CURTAMETRAXES" 2018
AUTOR TITULO DURACION IDIOMA
DÍA 1
José A. Jiménez 3 13' Galego
Uxia Santiago BÁGOAS NEGRAS 16' Galego
Silvia Otero e Andrés Castro METROCABINA 6'24'' Galego
Lautaro Herrera Batallán HOY NO VA A LLOVER 12'21''
Xabier Alconaro EL REDIL DE LOS COBARDES 6'
Jesús Martínez Nota EUSEBIO80 9'
Daniel Romero CAMBIO 9'35''
Javier García CASTING (REMUNERADO) 16'

DÍA 2
Julián Candón CRACK 3'24''
Eiande Setoain EL HOMBRE QUE CONSTRUÍA DRAGONES 8'43''
Macarena Astorga MARTA NO VIENE A CENAR 16'50''
David Rodríguez Muñiz REFUGIADOS 14'
Daniel Olmos Ochoa NÓMADA 15'
Carlos Villafaina SILENCIO POR FAVOR 17'03''
Jorge Naranjo CUMPLEVIDAS 18'20''



Presentación da nova Xunta Directiva do Ateneo Ferrolán



Presentación da nova Xunta Directiva do Ateneo Ferrolán presidida por 

Francisco Javier Montero Dongil e composta por:



Presidente: Francisco Javier Montero Dongil
Vicepresidente: Luis Calvo Teijo
Tesoureria: Sonia Mauriz Pereira
Contador: Ana Pernas Marquez
Secretaria: Angeles Delgado Pérez
Bibliotecario: Alejandro Rey López
Vogais:
Florentino Martínez Vazquez e Anxeles Seoane Fernandez

O ATENEO FERROLÁN (Un lugar de encontro para a cultura dende 1879) promove unha ampla e diversa oferta de actividades (conferencias, seminarios, debates, exposicións…) orientada á posta en valor dos recursos humanos e o potencial de saber da cidade. 
Sen perder de vista o seu obxectivo principal de converterse en foro de debate e de opinión plural e independente, aberto a toda a sociedade.

https://ateneo-ferrolan.blogspot.com

Presentación 'Xenio indomable', a biografía de Nóvoa Santos. Xoves 13 de decembro ás 19,30 h


O xoves día 13 de decembro ás 19,30 h. Xosé A. Fraga presenta a súa obra
 'Xenio indomable', a biografía de Nóvoa Santos. 

No acto intervirá tamén Eliseo Fernández (Historiador e ex-presidente do Ateneo)


Libro para dar a coñecer o primeiro traballo elaborado sobre a vida de Nóvoa Santos do que Xosé Fraga considera como o mellor médico da historia de Galicia, falecido con tan só 48 anos pero que deixou un importante legado científico. Na obra, o investigador detalla o enfrontamento que Nóvoa mantivo co estamento académico compostelán da súa época.

Evento: https://www.facebook.com/events/591445957979201/

Exposición "Naturalidad" de Anabel Viñas. Do 5 ao 31 de decembro de 2018


Exposición "Naturalidad" de  Anabel Viñas 
Diferentes pezas pintadas de acrílico sobre madeira e pedra. 
Do 5 ao 31 de decembro de 2018

Inauguración o mércores día 5 de decembro ás 20 h. na sala de exposicións do Ateneo (Sala 1)

Evento: https://www.facebook.com/events/330861977495485/

Temos Lotaría de Nadal nº 78516


Temos Lotaría de Nadal nº 78516

Merca a túa participación e colabora co Ateneo!

Ateneo Ferrolán: Un lugar de encontro para a cultura dende 1879 na cidade!

Presentación "22 Sonetos de los sentimientos oscuros". Venres día 30 de novembro ás 19 h.


Presentación "22 Sonetos de los sentimientos oscuros" de
Rafael Malvido Díaz. Con ilustracións de Sofía Piñeiro.

Venres día 30 de novembro ás 19 h. no Ateneo Ferrolán

Editorial Círculo Rojo

O mariño e escritor ferrolán, nacido en San Felipe, Rafael Malvido ten moi presentes as súas raíces. Os lugares que máis lle inspiran para escribir están relacionados co mar.-Posiblemente Punta Penencia sexa o lugar que máis me inspire. Ten que estar presente o mar, o encontro da terra co mar, a praia, as ondas... Eu crieime en San Felipe, e desde pequeno tiña un bote de remos e ía pescar, entón teño o privilexio de haber nado e crecido nunha contorna natural.

Teño unha imprimación dese neno que fun que estaba en contacto coa natureza e os elementos. Nesa contorna sinto moi a gusto, teño unha unión mística coa natureza.


Asemblea Xeral Ordinaria. Mércores 28 de novembro ás 19,30 h.

CONVOCATORIA ASEMBLEA XERAL ORDINARIA

Benquerido socio e socia:



En reunión de Asemblea Xeral Ordinaria celebrada o día 28 de novembro de 2018, resolveuse o seguinte:

Nomear a candidatura á Xunta Directiva da entidade cultural Ateneo Ferrolán, composta por:


Presidente: Francisco Javier Montero Dongil
Vicepresidente: Luis Calvo Teijo
Tesoureria: Sonia Mauriz Pereira *
Contador: Ana Pernas Marquez
Secretaria: Angeles Delgado Pérez
Bibliotecario: Alejandro Rey López
Vogais:
Florentino Martínez Vazquez
Anxeles Seoane Fernandez

* Con data 06.02.2019 na reunión da Xunta Directiva 
Acórdase: Nomear a Florentino Martínez Vázquez como Tesoureiro desta entidade en sustitución de Sonia Mauriz Pereira, ao asumir ésta unha nova responsabilidad en política que podría ser funcionalmente incompatible 

.........................................................................................................................................................

Por medio da presente convocámoste á Asemblea Xeral Ordinaria que se celebrará no Salón de Actos do Ateneo, o
mércores día 28 de novembro de 2018 ás 19,30 horas en primeira convocatoria e ás 20 horas en segunda, coa seguinte
ORDE DO DÍA
1.- Lectura e aprobación da Acta da Asemblea Xeral anterior.
2.- Informe de xestión da Xunta Xestora
3.- Informe económico da Xunta Xestora
4.- Rogos e preguntas
5.- Elección da nova Xunta Directiva


O proceso electoral rexerase polo establecido no Capítulo XI dos Estatutos segundo o seguinte calendario:


16 de outubro - Último día para posible impugnación da Convocatoria de Eleccións
18 de outubro - Último día para Constitución da Mesa Electoral
26 de outubro - Inicio prazo para presentación de Candidaturas
5 de novembro - Último día para presentación de Candidaturas
12 de novembro - Proclamación de Candidaturas
14 de novembro - Inicio da Campaña Electoral
28 de novembro - Celebración da Asemblea Xeral
- Elección da nova Xunta Directiva


No período da Campaña Electoral (entre os días 14 e 27 de novembro) tódalas Candidaturas poderán utiliza-lo Censo de Socios/as, así como dispoñer das dependencias do Ateneo Ferrolán para desenvolvela súa campaña.

Sen máis e agardando a túa asistencia, recibe un cordial saúdo,

Asdo.- A Xunta Xestora


Ferrol 11 de outubro de 2018

VI Xornadas AGAMME «Nenas, nenos e adolescentes nas fronteiras de Europa». Venres 23 de novembro ás 17 h.


Agamme. Asociación Galega contra o Maltrato a Menores celebra as súas VI Xornadas centradas na situación das «Nenas, nenos e adolescentes nas fronteiras de Europa». 
O acto terá lugar no Ateneo Ferrolan o venres 23 de novembro ás 17:00.

Nesta ocasión a xornada pretende salientar a dramática situación dos nenos, nenas e adolescentes que están a chegar ás fronteiras de Europa fuxindo da guerra, do empobrecemento e a desnutrición extremas dos seus lugares de orixe.
Crianzas desaparecidas dos centros de persoas refuxiadas en territorio comunitario, captadas por redes de trata, centros de menores non acompañados-as saturados, adolescentes vivindo na rúa en grandes ciudades europeas, nenos e nenas de curta idade que tentan suicidarse en centros de refuxiados. Os centos de menores de idade que perden a vida nas rotas terrestres e marítimas. Este é o escenario do que parte esta VI Xornada, que ten por título “Nenos, nenas e adolescentes nas fronteiras de Europa. Unha revisión dende a perspectiva de dereitos de infancia”.
O primeiro relatorio correrá a cargo de Xabier Ron, membro do Foro Galego de Inmigración desde a súa fundación, docente, activista e militante de Esquerda Unida.
A continuación intervirá Ana Miranda, deputada no Parlamento Europeo polo BNG - Bloque Nacionalista Galego, membro da Comisión de Inmigración, embarcada no buque Proactiva Open Armsdurante a crise do Aquarius.
Finalizará a quenda de intervencións José Palazón, presidente da Asociación PRODEIN, que leva décadas denunciando a situación dos nenos, nenas e adolescentes non acompañados-as en Ceuta e Melilla e as condicións nas que se atopan os centros de menores destas ciudades.
Para finalizar o evento abrirase un coloquio.

Presentación de "Galicia no labirinto da nova política" . Xoves 22 de novembro ás 19,30 h.


O xoves 22 de novembro, ás 19:30h, terá lugar no Ateneo Ferrolán a 
presentación de "Galicia no labirinto da nova política" de Xoán Hermida González. 

Estarán acompañando ao autor 
Bernardo Lorenzo Cuétara e Bárbara Primo.

Editorial Galaxia


Nos últimos anos obsérvase un cambio de paradigma na política global, que, no caso do Estado español, adquiriu particularidades específicas, e onde Galicia actuou como epicentro. Neste libro, Xoán Hermida González analiza as organizacións que se orixinaron nas correntes altermundistas, colleron forza nos movementos Nunca Máis e 15M e materializáronse nas Mareas, que hoxe detentan o poder municipal en non poucos concellos de Galicia e xa son unha forza determinante no espazo sempre en movemento da esquerda en Galicia. Unha análise profunda sobre unhas plataformas que naceron para mudar o panorama político de xeito irreversible.

Exposición “Urbanismo. 10 anos do Plan Especial da Magdalena”. Ate o 30 de novembro.


Exposición “Urbanismo. 10 anos do Plan Especial da Magdalena”.
Do 31 de outubro ao 30 de novembro no Ateneo

Imaxes que explican o antes e o despois do barrio de A Magdalena 
nestes dez anos.

Presentación libro "Yo siendo otra" de Randi E. Montero. Xoves 15 de novembro ás 19,30 h.



Presentación libro "Yo siendo otra" de Randi E. Montero.
Xoves día 15 de novembro ás 19,30 h. no Ateneo Ferrolán

Unha cuestión de Xénero. Identidade sexual. 
Unha reivindicación sobre a liberdade persoal de decidir ser quen queres ser, partindo en grao sumo íntimo de cada persoa. Libre sen xuízos, sen condicionamentos externos.

Randi E. Montero, nado na cidade de Lugo e fundador da compañía 
teatral Parápono Teatro.

Taller de construción de monicreques para nenos e nenas. Venres 16 de novembro de 18 a 20 h.

Taller de construción de monicreques para nenos e nenas

Venres día 16 de novembro de 18 a 20 h. 

Apúntate antes do 14 de novembro 

Taller de construción de monicreques para nenos e nenas 
de dúas horas de duración. 
As idades de 6 a 12 anos (máximo 30 alumn@s por taller). 
O taller é de materiais rápidos de utilizar, como esponxas, cartolinas e demais.

12 € por persona (engade os materiais para o taller)

Imparte:

Presentación do libro "Real Club Celta. Una pasión inagotable", de Santi Peón. Martes 30 outubro ás 20 h.


Presentación do libro "Real Club Celta. Una pasión inagotable", de Santi Peón.
 O martes 30 de outubro ás 20 h. no Ateneo Ferrolán

Descobre todas as aventuras dos periodistas que acompañaron ao clube vigués no seu periplo por Europa no ano que alcanzou as semifinais da Europa League.
Estades todos convidados. Non o perdades!


“Anda campeón, hazte feminista en diez cómodos plazos”. Luns 29 outubro ás 20 h.


O luns 29 de outubro presentamos no Ateneo Ferrolán ás 20 h.
“Anda campeón, hazte feminista en diez cómodos plazos”, de María Donapetry.
 
A autora propón como chegar a ser feminista en dez prácticos e sinxelos prazos. Todo o que hai que facer é cambiar o chip e recorda o que dicía #gabrielgarciamarquez sobre o tema: “unha muller é como a boa literatura: ao alcance de todos, pero incomprensible para os estúpidos”.

 Edicións Embora: https://www.facebook.com/Edici%C3%B3ns-Embora-508686049283883/

Encontros Monográficos co Patrimonio Cultural:IN SITU. Mércores 31 de outubro ás 17 h.

Encontros Monográficos co Patrimonio Cultural: IN SITU.
"Ferrol Vello a A Magdalena. As estratexias de recuperación patrimonial, rehabilitación e rexeneración urbana"
Mércores día 31 de outubro ás 17 h. no Ateneo Ferrolán



O programa IN SITU pretende crear outros lugares de reflexión fóra do habitual espazo dos Encontros, trasladando o espazo de debate ao contexto xeográkco e social dos bens. A elección dos conxuntos históricos onde se van desenvolver os Encontros (Vigo, Ferrol, Ourense-Ribadavia) pretende mostrar a diversidade das situacións nas que se atopan e introducir no debate os aspectos complexos do debate arredor da protección patrimonial da cidade histórica.
O barrio da Madalena e Ferrol Vello son dúas realidades diferenciadas que forman, en palabras de Alfredo Vigo Trasancos, unha especie de binomio imprescindible inmerso nun contexto de crise urbana que se prolonga dende hai décadas. Esta condición danos a analizar e confrontar a aplicación nos dous barrios das estratexias e criterios de recuperación establecidos dende a lexislación, o planeamento e as políticas públicas de rehabilitación, así como a súa capacidade de adecuación a esas realidades.






PROGRAMA


17:00 horas Presentación
Rebeca Blanco-Rotea, coordinadora da Sección de Patrimonio e Bens Culturais do Consello da Cultura Galega
Teresa Nieto, arquitecta, membro da sección de Patrimonio e Bens Culturais do CCG

17:15 horas
A participación veciñal no recoñecemento patrimonial e na recuperación de Ferrol Vello e da Madalena
Miguel Reimúndez González, arquitecto

17:45 horas
Os plans especiais nas estratexias para a recuperación da Madalena e a rexeneración urbana de Ferrol Vello
Alfonso Díaz Revilla, arquitecto, Oficina de Planeamento, S.A.

18:30 horas
A xestión da área de rehabilitación da Madalena e Ferrol Vello
Ignacio Mendizábal Ferreiro, arquitecto, Oficina de Rehabilitación de Ferrol


19:15 horas Debate


 ORGANIZA

Sección de Patrimonio e Bens Culturais (CCG)

COLABORA

Ateneo Ferrolán

COORDINA

Rebeca Blanco Rotea Teresa Nieto

LUGAR

Ateneo Ferrolán
Rúa Magdalena 202-204
15402 Ferrol

INSCRICIÓN

A inscrición é gratuíta.
O número de prazas é limitado.
As prazas cubriranse por rigorosa orde de inscrición.

MÁIS INFORMACIÓN

www.consellodacultura.gal difusion@consellodacultura.gal

Consulta os materiais en http://consellodacultura.gal/mediateca






Related Posts with Thumbnails