Camiseta "Concepción Arenal" á venda/solidaria co Ateneo



Concepción Arenal Ponte nace o 31 de xaneiro de 1820 en Ferrol, no seno dunha familia acomodada con ideais liberais. A nai do feminismo español, Concepción Arenal (1820-1893)
No Ateneo temos a camiseta como lembranza:
"As forzas que se asocian para o ben non se suman, multiplícanse"#ConcepciónArenal

#Ateneo #SomosCultura #SomosIlustracion #FerrolEnPositivo


Camiseta á venda/solidaria co Ateneo Ferrolán

Para muller, home e nen@s en diferentes tallas e cores na secretaría do Ateneo.

Presentación do libro: "O Novo Teatro Galego en Perlío: O Teatro Círculo e Tagallo". Venres 1 de febreiro ás 19,30 h.





Presentación do libro: 

"O Novo Teatro Galego en Perlío: O Teatro Círculo e Tagallo" 

tamén do artigo 
"Dramaturxia de Ferrol. O Grupo Autónomo de Lectura de Obras (GALO)"

Venres día 1 de febreiro ás 19,30 h.


Francisco Oti Ríos presenta dous traballos no Ateneo; o primeiro, un libro que recolle a historia do Teatro Círculo de Perlío e o segundo a revista Madrygal da UCM, no que recupera a historia dun grupo de Ferrol que elaboraba fichas sobre textos de teatro o grupo autónomo de lectura de obras GALO.

Na presentación estarán con Francisco Oti, Xoana Balado Fernández actriz fundadora do Teatro Círculo de Perlio como presentadora e Gonzalo Rodríguez Calvo como Membro do Grupo Autónomo de Lectura de Obras GALO e tamén actor no T. Círculo de Perlío.



Evento no facebook: https://www.facebook.com/events/1788974061207416/

Charla/Obradorio con Guillermo Ferrandez sobre "Cidade. Recuperación do público". Venres día 25 de xaneiro ás 19 h.




Venres día 25 de xaneiro ás 19 h. no #AteneoFerrolán

Charla/Obradorio con Guillermo Ferrandez sobre "Cidade. Recuperación do público"

Conduce o acto Susana López

Organiza: Círculo PODEMOS Ferrol

Asembleas locais Galegas 8M cara ao #8m2019. Xoves día 24 de xaneiro ás 19 h.

Asembleas locais Galegas 8M cara ao #8m2019
Este xoves 24 de xaneiro, no Ateneo Ferrolán, ás 19 h. seguirán as Mesas de Traballo da Asemblea Aberta de Galegas 8M de Ferrol.
A asemblea aberta Galegas 8M traballa na organización conxunta das mobilizacións feministas para este ano 2019. Manifestación nacional, o 4 de marzo en Lugo, Folga de Mulleres do 8 de marzo e a apoio ás convocatorias locais dese mesmo día!
"As mulleres decidimos" #4mVouAVigo #8mEuParo.

Presentación do libro “Concepción Arenal, la caminante y su sombra”. Vernes 18 de xaneiro ás 20 h.


O vindeiro vernes día 18 de xaneiro ás 20 h. no Ateneo Ferrolán terá lugar a presentación do libro “Concepción Arenal, la caminante y su sombra” cuxa autora é Anna Caballé que é profesora titular de Literatura española da Universidade de Barcelona e responsable da Unidade de Estudos Bibliográficos de dita universidade.
Autora de moitos libros, a súa liña de investigación é o estudo e divulgación da escritura autobiográfica en lingua española. Non é esaxerado manifestar que este libro que o vernes se presenta baixo os auspicios do Club de Prensa de Ferrol pode representar unha obra biográfica de referencia da nosa ilustre xurista Concepción Arenal.
O acto terá lugar no salón de actos do Ateneo e a autora será presentada por Fernando Bores, membro da directiva do Club de Prensa 

Organiza: Club de Prensa de Ferrol

Asembleas locais Galegas 8M cara ao #8m2019. Xoves 17 de xaneiro ás 19 h.





Asembleas locais Galegas 8M cara ao #8m2019
Constitución da Asemblea Local de Ferrol Galegas 8M
Este xoves 17 de xaneiro, no Ateneo Ferrolán, ás 19 h. terá lugar a constitución da Asemblea de Galegas 8M de Ferrol. A finalidade da reunión é impulsar e organizar a convocatoria da manifestación nacional que se desenvolverá o 3 de marzo en Lugo e a posterior folga de coidados, consumo e laboral do próximo 8 de Marzo.

A Asemblea Galegas 8M naceu o ano pasado co obxectivo de dar un novo sentido á conmemoración do 8 de Marzo, “en clave galega, diversa, inclusiva e horizontal”. Desde este conxunto amplo e plural de colectivos e mulleres feministas, convocouse a mobilización feminista do 3 de marzo de 2018 en Vigo, unha das maiores mobilizacións que se acordan en Galiza. Así mesmo, Galegas 8M impulsou a convocatoria de folga e mobilizacións do propio día 8 de Marzo.

"As mulleres decidimos"

Related Posts with Thumbnails