XXVI Xornadas da Gaita "Antón Varela (Tonecho)" Ateneo Ferrolán. 20 de decembro ás 20 h.


XXVI Xornadas da Gaita "Antón Varela (Tonecho)" Ateneo Ferrolán
20 de decembro de 2019 ás 20 h.



XORNADAS DA GAITA
A celebrar en decembro no Ateneo Ferrolán

O Ateneo Ferrolán dentro das súas actividades de promoción da música galega ven propiciando e celebrando, case continuo, unhas Xornadas de Gaita, como un lugar de encontro para grupos ou xentes que utilizan a gaita como un dos instrumentos básicos nas súas actuacións e composicións.

Pois ben, logo dun tempo retomamos estas Xornadas renomeándolas como Xornadas da Gaita "Antón Varela (Tonecho)" en homenaxe a Tonecho que foi o coordinador dende os seus inicios e contamos cos parabéns da súa filla Erika e do novo coordinador das mesmas Marcos García.

Unha das súas características específicas é a participación de grupos de música folk galega, xunto con algún autor ou grupo invitado de fora de Galicia pero, que teñan tamén na súa estrutura de acompañamento a gaita como un elemento indispensable, servindo así de contraste e comparación da nosa música coa doutras culturas e músicas afíns.

Entre outros e durante vintecinco anos pasaron polo ATENEO FERROLÁN entre outros:

IVÁN COSTA
BAILA NA CRIBA
CARLOS ZAERA E OSCAR IBAÑEZ
JEAN CRISTOPHE MAILLARD
RAPARIGOS
XEREMIERS DE CALATRABA (Mallorca)
GRUPO UNIVERSIDADE POPULAR DE VIGO
FUXAN OS VENTOS
A MUSGAÑA ( Asturias)
ALFOLIES
JOHN & FRANCES
CARLOS NUÑEZ
DAVID SPILLANE AND BAND (Inlgés e rumano)
ANXO PINTOS
DÚO BERTRAND
PATRIC MOLARD (Breton)
MILLADORIO
PEC – TONI
JOSÉ FERREIRÓS
MARIE LE CAM - Gaiteira Solista Bretona (Gaita Escocesa)
GRUPO FOLK “VERIA”
TRIO "3 DAS CÓXEGAS"
LUVAS VERDES
BANDA DE GAITAS AGARIMO
RONCOS DO DIABO (Portugal)
TRÍO VAAMONDE, LAMAS & ROMERO
AIRINHOS DEL CAMPITO
BERROS DO CASTRO
DÚO DE ZANFONAS «SOBRE RODAS»

Programa "XIX Mostra de Curtametraxes 2019". Días 11 e 12 de decembro ás 19 h.


Programa coa selección de curtas para a "XIX Mostra de Curtametraxes 2019"

Días 11 e 12 de decembro ás 19 h. no Ateneo Ferrolán

Non as perdades!



 #AteneoFerrolán #Audiovisuais #Curtas #FerrolEnPositivo

Mostra pictórica "PERSONAXES" de Carmen Prado. Ate o 27 de decembro de 2019

Mostra pictórica "PERSONAXES" de Carmen Prado
do 3 ao 27 de decembro no #AteneoFerrolán

Carmen Prado é unha pintora autodidacta que pinta por afección e por pura intuición, alguén que atopa na pintura a súa forma máis básica e elemental de expresarse, de dicir o que quere, expandir o seu mundo a través das imaxes que lle saen da observación do mundo cotián, situacións, sentimentos cuativos, posturas inacabadas da vida real, personaxes que nos contan historias por terminar. Unhas veces son encontro co seu eu máis íntimo e recolleito e outras pura extroversión.

Carmen consegue penetrarnos no seu mundo persoal, ela vai aos poucos perfeccionando a súa pintura, a súa expresividade, depurando liñas e mellorando composicións que xa sempre foron o seu punto máis forte.

Pintora intuitiva e de profunda motivación, a forma e a composición son a súa tarxeta de presentación máis clara, pero non só conténtase con iso, os seus aterciopeladas mesturas de cor xunta coas suas liñas suaves e sinuosas, convídannos a apreciar ese mundo moi seu rico en ideas, cheo de sentimentos e desbordando esa sensibilidade tan especial que atráenos e conquístanos.

Despois de case 20 anos dedicada ao debuxo anatómico e científico en revistas e libros especializados, en 2013 realiza a súa primeira exposición pictórica.

Que en menos de 4 anos teña obra en Inglaterra, Dinamarca, Francia, Marrocos e en gran parte da nosa xeografía demostra a gran acollida da súa obra.

Esta exposición titúlase Personaxes. Son obras con moita forza que definen perfectamente o carácter independente e case anárquico da súa autora e que, case seguro, non van deixar a ninguén indiferente.

Xuntanza Feminista. Sábado día 30 ás 12 h.

Xuntanza Feminista este sábado día 30 de novembro 
a partir das 12 h. no #AteneoFerrolán  


Presentación de "Strange Mystery Flower sing Willliam Blake". Venres 29 de novembro ás 20,30 h.



Presentación de "Strange Mystery Flower sing Willliam Blake". 
Así se chama a nova criatura discográfica de Amparo e Roger Arias

Venres 29 de novembro ás 20,30 h. no #AteneoFerrolán

Todo comezou durante unha viaxe fascinante polo norte de Italia hai cinco anos, onde Roger descobre unha misteriosa relación cos poemas de William Blake. 

Eses escritos místicos e visionarios espertan o desexo do músico de compoñer melodías e cantalas. Así é como se orixina SMF; e baixo este pseudónimo decídese a gravar dez desas cancións xurdidas durante a viaxe coa colaboración fundamental da súa irmá Amparo e outros músicos afíns, para poder compartir este tesouro atopado hai xa un lustro, que foi cociñándose a lume lento nun proceso de creación e gravación máxicos. 

A presentación deste disco singular será o próximo 29 de novembro ás 20:30h no Ateneo Ferrolán. Para este directo contan cun espectáculo multidisciplinar que en pouco máis dunha hora percorre o imaxinario poético de William Blake a través destas xoias pop atemporal de dous/tres minutos, algún que outro poema recitado e a proxección dalgunhas das súas ilustracións e pinturas máis emblemáticas. 

Entrada: 3 euros.

Convocatoria Asemblea Xeral Ordinaria. Luns día 16 de decembro ás 19,30 h. en primeira convocatoria e ás 20 h. en segunda


 










Ferrol 28 de novembro de 2019







CONVOCATORIA ASEMBLEA XERAL ORDINARIA


Benquerida socia e socio:


Por medio da presente convocámoste á Asemblea Xeral Ordinaria que se celebrará o luns día 16 de decembro ás 19,30 h. en primeira convocatoria e ás 20 h. en segunda, coa seguinte

ORDE DO DÍA

1.- Lectura e aprobación da Acta da Asemblea Xeral anterior (26.06.2019)
2.- Informe Xeral de xestión.
3.- Programación Actividades
- mes de decembro 2019
- previsión actos 2020
4.- Modificación Estatutos do Ateneo (compromiso asemblea anterior).
5.- Rogos e preguntas


Sen máis e agardando a túa imprescindible asistencia, recibe un cordial saúdo da Xunta Directiva,






Asdo.- Xavier M. Dongil
Presidente

Presentación videoclip "Me pierdo" de Marcos Mella. Xoves 28 de novembro ás 20 h.

 
O xoves dia 28 de novembro ás 20 h., presentaremos no Ateneo Ferrolán o videoclip pertecente á canción "Me pierdo", do autor Marcos Mella, que neste caso conta coa colaboración de Rosa Cedrón. 
 
Na presentación se falará de como xurdiu a idea de realizar o videoclip ma linguaxe de signos, e da importancia que ten a incursión na música e noutros artes. Contaremos coa presenza dunha interprete.
A presentación constará da presentación e o publico poderá facer preguntas e logo coa proxección do videoclip, para rematar cun pequeno concerto do autor, no que interpretará 4 temas coa axuda da interprete.

Enlace do video

Ficha do videoclip:

Videoclip oficial da canción "Me pierdo" do intérprete ferrolán Marcos Mella, incluído no disco que esta a piques de sair "300 meses", e gravado nesta ocasión coa cantante Rosa Cedrón .
O videoclip é interpretado en lingua de signos polos actores galegos Lucia Regueiro e Oswaldo Digon, que coa axuda da intérprete Natalia Navaza aprenderon a interpretar a letra da canción.
Os bailaríns Silvana Castelo e Fernando Piñeiro foron os encargados de interpretar o sólo de violonchelo a partir dunha coreografía creada por eles mesmos para a ocasión.
O videoclip está gravado pola empresa Filmate de Santiago
A maquillaxe e perruquería estivo a cargo de Instetic Yolanda

Boletin Outubro Novidades da nosa Biblioteca-Hemeroteca

Boletin Novidades Outubro da nosa Biblioteca-Hemeroteca

As bibliotecas aptas para todos os públicos

#Ateneo #SomosCultura #SomosIlustración #FerrolEnPositivo

Exposición Óleos de Chechela. Ate o 30 de novembro

Exposición Óleos de Chechela
"Bota unha ollada, imaxina, soña ... despois vive o soño"

Do 4 ao 30 de novembro de 2019
nas Salas de Exposicións do Ateneo (sala 2)

Inauguración o venres día 8 ás 19,30 h.




XIX MOSTRA de CURTAMETRAXES 2019. Días 11 e 12 de decembro ás 19 h.


XIX MOSTRA de CURTAMETRAXES 2019

11 e 12 de decembro de 2019 ás 19 h. no #AteneoFerrolán

Participa e Difunde!!!!

Facemos un chamamento a todas as persoas que queiran participar nestas xornadas, nos acheguen os seus traballos de menos de 20’, preferentemente en lingua galega acompañado dunha ficha cumprimentada cos datos da curta e do director antes do día 15 de novembro para poder engadilos ao programa deste ano.

Normalmente recibimos as curtas a traverso da plataforma vimeo. Se utilizas esta plataforma, necesitamos saber a ligazón á curta máis o contrasinal para poder acceder a ela e coa opción "Descarga" habilitada para que nós a poidamos descargar. Pero tamén estamos totalmente abertos a calquera outro método que utilices (outra plataforma calquera ou se xa está público, a ligazón para poder collelo). Tamén aceptamos correo ordinario ao enderezo físico da nosa entidade.

Os días 11 e 12 de decembro de 2019, levarase a cabo a XIX MOSTRA DE CURTAMETRAXES, comezadas no ano 2001 con grande interese do público en xeral.

A Mostra de Curtametraxes do Ateneo nace en 2001 coma un espazo de difusión da cultura cinematográfica en formato curto, para abrir unha fiestra cara ese cinema local e internacional de calidade a cotío vetado ao gran público. Como lembranza do que foron estas xornadas ao longo destes dezasete anos de andadura dicir que na nosa programación priman as curtas galegas e en galego pero que tamén damos paso para coñecer outros autores a nivel internacional.

Nestes días amosaremos curtametraxes e creacións de cineastas, case que sempre noveis, e con especial atención aos cineastas galegos e galegas en especial.

O OBXECTIVO é dar a coñecer a un público amplo a calidade e variedade das curtametraxes, sobre todo das galegas. Estas xornadas están a converterse nun referente, por ser un esforzo realizado para divulgar a produción de curtametraxes, que en moitos casos fica agochada. 
Trátase de acceder a unha parte do audiovisual que atesoura gran calidade.

TEMOS LOTERÍA DE NADAL nº 85.873

TEMOS LOTERÍA DE NADAL
Participacións de: 2,50 € + 0,50 € (colaboración)= 3 €

Nº 85.873
Colabora e participa!
Síguenos:
No facebook
No Twitter
@ateneoferrolan

DÍA das BIBLIOTECAS - 24 de outubro de 2019




DÍA das BIBLIOTECAS - 24 DE OUTUBRO DE 2019

Visita a nosa Biblioteca-Hemeroteca
 

Pregón

A SEN CONTO

Non quería ser princesa, non quería ser liberada polo príncipe azul. Tampouco que o bico dun Príncipe a devolvese á vida; nin que a salvase da explotación infantil, non quería esconderse na casa dos sete ananiños e ser a súa criada ata que un príncipe a viñese rescatar. Non era capaz de renunciar á súa voz polo amor dun mozo; nin esperaba que san Xurxo a salvase do dragón. Nobres princesas condenadas a durmir ou ao silencio, por orde dunha madrasta, dun pai ou dunha fada boa.

E puxo os seus zapatos vermellos e fuxiu do seu conto, correu e correu buscando refuxio ata converterse nunha sen conto. Era unha sen libro, unha sen papeis, non a querían en ningures.
Nunha casca de noz navegou polo Mar das Letras, e naufragou. Nadaba contra a corrente, fortes ondas de frases afogábana, e cando se deu por vencida e se abandonou á súa sorte, de súpeto salvouna a capitá Pippi Långstrump, unha nena libre, xenerosa, que nunca se aburría, que se atrevía a cuestionar o razoamento dos adultos. Acompañada por Matilda, navegaban polo mar das letras para rescatar todos aqueles personaxes que se aventuraban a cruzar o mar buscando un conto mellor. Heroínas con forte sentido da xustiza e do deber de protexer os máis débiles.

Finalmente, despois de moitos atrancos, chegaron a porto seguro, o Porto da Biblioteca, o Paraíso do que lle falara Borges: un lugar cheo de tesouros afundidos, como lle dixera Virginia Woolf; unha nave espacial que a levaría aos recunchos máis afastados do universo; unha máquina do tempo que a transportaría ao pasado máis remoto e ao futuro más afastado; unha saída a unha vida mellor, máis feliz e máis útil, como lle explicara Isaac Asimov. Un lugar onde non necesitaba ser princesa para ser a protagonista de todos os contos.

Longa vida ás bibliotecas, refuxio de todas, tamén das sen conto, das sen libro, das sen papeis, das nenas que non queren ser princesas e dos nenos que non queren ser heroes. Longa vida aos bibliotecarios e bibliotecarias, gardiáns do Paraíso, de máquinas do tempo e de grandes tesouros como son os libros.

Gemma Pasqual

Tradución de Héctor Cajaraville


Presentación de "Fuxir de Proxeria" de Manuel Blanco Desar. Venres día 18 ás 19,30 h.

Presentación de "Fuxir de Proxeria" de Manuel Blanco Desar

Venres día 18 de outubro ás 19,30 h. no #AteneoFerrolán

O Ateneo Ferrolán, acollerá a presentación do libro "Fuxir de Proxeria", de Manuel Blanco Desar (Santiago, 1965), economista, avogado e politólogo. Ademáis do seu autor, no acto estarán tamén presentes a historiadora e directora da Revista FerrolAnálisis, Esperanza Piñeiro de San Miguel e a presidenta do Club de Prensa, Xulia Díaz.

Acto organizado polo Club de Prensa de Ferrol

Especialista en temas internacionais e membro da Comisión de Acción Exterior do Consello da Cultura Galega, e do Patronato do Museo do Pobo Galego, Manuel Blanco, entre outros galardóns literarios, obtivo o Premio San Clemente. Tamén ven exercendo de articulista en varios medios de comunicación e no pasado mes de xullo participou como relator no Curso de Pensamento Carlos Gurméndez que organiza o Club de Prensa de Ferrol en colaboración coa UDC, no que disertou sobre os Fondos da UE para incrementar a fecundidade e paliar o avellentamento.
Fuxir de Proxeria

Proxeria, contra o derradeiro terzo do século XXI é o país máis avellentado de Europa, grazas ao seu récord de infecundidade dende finais do século precedente. Un país senescente, onde morren catro veces máis cidadáns dos que nacen. Onde os mozos son o ben máis prezado. Por iso deben ficar, ata saldar as súas hipotéticas débedas coa sociedade, por mor das leis impostas pola xerontocracia que domina o Parlamento ou Senilatus.
A garda controla os movementos dos novos para impedir as súas fuxidas. Eles considéranse bois de carga dunha comunidade camiño do colapso social e económico, sen futuro. Pero no medio deste panorama, onde xa case ninguén ten irmáns e se descoñece que é a fraternidade, aínda hai pequenos espazos para o amor e a esperanza, espazos para rexenerar Proxeria.

Manuel Blanco Desar (Compostela, 1965) é economista, avogado e politólogo, especialista en temas internacionais, dereito da competencia e políticas públicas europeas. Subd. Xeral de Análise e Programación, tamén é membro da Comisión de Acción Exterior do Consello da Cultura Galega e do Padroado do Museo do Pobo Galego.
Entre outros galardóns literarios, obtivo o Premio San Clemente de Relatos (USC). Ten publicado en Dorna -Expresión Poética Galega-. Foi colaborador e articulista en El Correo Gallego. Diario 16. Atlántico Diario e La Voz de Galicia onde mantivo a columna “A síndrome G”, na que tratou durante longo tempo os problemas demográficos do país.
Xunto con outros autores participou no volume colectivo Berra liberdade a prol de Amnistía
Internacional. Entre a súa obra atópase Nos dominios da incerteza. Historias económicas (Sotelo, 2007). Asemade dirixiu e editou o volume Galicia: un pobo con futuro?. O noso devalo demográfico (Xerais, 2014)

Presentación do libro "Estaciones" de Astronautico. Xoves día 17 ás 19,30 h.

Presentación do libro "Estaciones" de Astronautico
Xoves día 17 de outubro ás 19,30 h. no Ateneo

Coloquio "Estaciones en el Amor Tóxico" e firma de libros.

Presenta: Laura C. Vilches.
Intervirán: Ana Amigo-Ventureira, Sarah D. Lamas, Nuria Ríos Zas.

"70minutos.con". Mércores día 16 de outubro ás 20 h.


 
"70minutos.con". Mércores día 16 de outubro ás 20 h.
 
Unha análise sobre a nosa literatura contemporánea en presenza 
e conversa cos seus autores e autoras. 
 
Organiza: https://www.as-pg.gal/

Neste caso Mario Regueira conversa co escritor Henrique Dacosta

Música de JAZZ co grupo Lois Rivera Trío

Biblioteca-Hemeroteca: Doazón Bibliográfica





A Biblioteca-Hemeroteca do Ateneo Ferrolán ven de recibir unha importante doazón bibliográfica, do historiador local Bernardo Máiz, composta por case 400 obras. 

Salientar a colección completa de “Tempos Novos, revista mensual de información e opinión que, dende fai dúas décadas, 'repasa o devir de Galicia'. “Longa lingua”, editada pola Mesa para a Normalización Lingüística, ou a extinta publicación local “Marea Negra”, editada pola Asociación Cultural Xerminal de Ferrol, son outros títulos destacados.

Na vontade de seguir traballando culturalmente pola recuperación da cidade de Ferrol, o Ateneo Ferrolán ven realizando unha tarefa de recollida de fondos hemerográficos e bibliográficos co obxectivo de conservar e difundir boa parte da historia social e cultural desta comarca.

#AteneoBiblioteca #SomosCultura #SomosIlustración #FerrolEnPositivo

Escola de Teatro do Ateneo. Aberto o prazo de matrícula.


 "Escola de Teatro" do Ateneo Ferrolán

Aberto o prazo para anotarse a nosa Escola de Teatro
 APÚNTATE!
 
"Escola de Teatro" imparte PlamenDi (Doctor en Ciencia y Arte Teatral. Director y Productor Teatral)
 
2 veces á semana 4 h. teatrais.
 
"Producción obra teatral final"
"Traballando sobre a obra, aprendendo teatro"
 
Prezos mensuais:
Soci@s: 40 €
Non soci@s: 45 €

Club de Lectura do Ateneo - Martes día 1 de outubro ás 1 7 ,30 h.


Club de Lectura do Ateneo


Martes día 1 de outubro ás 1
7
,30 h. no Ateneo Ferrolán.


Animamos a tod@s a participar desta emblemática actividade.
Dende o ano 2002 que formamos no Ateneo Ferrolán o noso CLUB DE LECTURA, segue levándose a cabo todos os primeiros martes de cada mes.
Estamos a leer 
"A prosa modernista de Valle-Inclán: Sonata de Primavera e Sonata de Estío"
 

Encontros coa LECTURA onde xúntanse 20 socios e socias todos os primeiros martes de cada mes para reflexionar e comentar un libro guiados pola profesora ANXELES SEOANE.

Exposición de Pinturas e Esculturas de Chelo Facal . Do 4 ao 29 de outubro

Exposición de Pinturas e Esculturas de Chelo Facal 
"Un mundo de luz, un mundo de cores" 

do 4 ao 29 de outubro nas salas de exposicións do Ateneo Ferrolán
Inauguración o venres día 4 de outubro ás 20 h.

Presenta Pedro Brañas, comisaria da exposición María Cajaraville e fotógrafo Emilio Romero.



https://www.facebook.com/chelo.facalcasado
Evento no facebook: https://www.facebook.com/events/382313562449179/

Faite soci@ do Ateneo. Patrimonio da Cidade!


Tes dous minutos? 

Asóciate ao Ateneo Ferrolán

Polos que foron, polos que son, e polos que serán: Faite Soci​@!


OPCIÓN 1

Descarga o seguinte formulario, imprímeo e encheo cos teus
datos. Despois, fainolo chegar a nosa sede, ben en persoa 
ou por correo ordinario a:

Ateneo Ferrolán
Rúa Magdalena 202-204
15402-Ferrol




OPCIÓN 2

Envíanos un email con todos os datos do seguinte 
formulario a secretaria@ateneoferrolan.org

Datos precisos para asociarse ao Ateneo Ferrolán:

  • Nome e apelidos:
  • DNI:
  • Enderezo:
  • Poboación:
  • Código Postal:
  • Provincia:
  • Teléfono:
  • Correo electrónico:
  • Data de nacemento:
  • Profesión:
  • Entidade bancaria:
  • Número de conta IBAN:
  • Tipo de cota: cota reducida (4’75 €/mes) ou cota normal (9,50 €/mes)





--------------------------------------------------------------------------



Colabora con nós! ASOCIATE!
Pola cultura libre e participativa

Os socios e socias constitúen a base social do Ateneo sendo a canle de participación da cidadanía no Ateneo. A súa presenza dálle á entidade pluralidade, independencia e fortaleza e contribúe activamente ao seu dinamismo e eficiacia.

Necesitamos reforzar á entidade como institución de toda a sociedade como referente dos elementos de identidade que nos definen como pobo. 

Sermos máis socios e socias é facer do Ateneo Ferrolán o "noso" ateneo.

Sendo soci@ do Ateneo Ferrolán accederás ao servizo de préstamo da nosa Biblioteca-Hemeroteca, da nosa Filmoteca, ao Caderno bianual, a recibir información de todas as nosas actividades: cine, exposicións permanentes, charlas, música en directo (desconto aos soci@s), conferencias, curtametraxes, movementos sociais, club de lectura, concursos e certames propios ......

 

Facéndote socio - socia 
colaboras da mellor forma posible co noso proxecto cultural.





Ateneo Ferrolán "Un lugar de encontro para a cultura" 
dende 1879 Patrimonio da Cidade


--------------------------------------------------------------------------


Curso Intensivo de Adestramento Actoral en Ferrol. Do 16 ao 19 de setembro

CURSO INTENSIVO DE ADESTRAMENTO ACTORAL EN FERROL
con Fernando Tato

Datas do curso: do 16 o 19 de Setembro.
Horario: 10:00 a 14:00 (16 horas) Precio: 120 euros.
A quen vai dirixido: Actores e actrices profesionais e en formación.
Onde: Ateneo Ferrolán, Rúa Magdalena 202-204, Ferrol (A Coruña)

Curso de adestramento intensivo para actores e actrices profesionais e/ou estudantes de arte dramática.  Adestramento práctico onde se aprende a autonomía actoral necesaria á hora de preparar unha proba, personaxe ou escena. Exercicios técnicos, improvisacións, creación de personaxes, escenas de teatro e guións de cine.

Fernando Tato 
Actor con ampla traxectoria en Televisión, cine e teatro. Ten participado en series como Pulsaciones ou Matadero para Antena 3, O Faro , Lobos e Cordeiros ou  Libro de Familia para TVG, en películas como Toro de Kike Maillo e en diversas obras de teatro para diversas compañías. 

Fernando Tato conta con máis de 10 anos de formación continua con distintos mestres e técnicas, mais basea o seu adestramento, fundamentalmente, na súa colaboración de máis de seis anos con Lorena García de Las Bayonas no ‘Centro del Actor’. 

Se che interesa, envíanos o teu currículo, para valorarmos a túa admisión a:

adestramentoactoral@gmail.com ou chama ao 655482008 

Prazas limitadas.

Doazón da colección da Revista Espírita Ferrolana “El Kardeciano” (setembro de 1934 - xullo de 1936)


Doazón da colección da Revista Espírita Ferrolana “El Kardeciano” 
(setembro de 1934 - xullo de 1936)

A Biblioteca do Ateneo Ferrolán recibe a doazón, por parte do investigador Miguel Angel Pradera, da colección da Revista Espírita Ferrolana “El Kardeciano”. Prensa de intereses diversos, que tivo unha duración de un ano e once meses (setembro de 1934 - xullo de 1936). Baixo a dirección de Rodrigo Sanz López e administración de Elías López, a revista estaba vencellada á Federación Española de Espiritismo
Na vontade de seguir traballando culturalmente pola cidade de Ferrol, o Ateneo Ferrolán ven realizando unha tarefa de recollida de fondos bibliográficos e hemerográficos que documentan boa parte da historia social e cultural desta comarca e que pon a disposición da cidadanía..

Revista Espírita Ferrolana “El Kardeciano”.
Constaba de 8 páxinas (35 x 25 cm.), prezo de 20 cts., de periocidade mensual e impresa na imprenta “La Artística”.
Na dirección Rodrigo San López (destacado intelectual ferrolá e socio fundador do Ateneo Ferrolán na súa segunda época, 1903) e administración de Elías López.

A revista estaba vencellada á Federación Española de Espiritismo e, na presentación, o director expón a finalidade da mesma:
Un grupo de espiritistas hace cinco años viene tanteando su camino, y que hace 18 meses parece haber tomado ruta bajo el nombre significativo de “Amor y Caridad”, ha sentido ahora la necesidad de una revista que, informando de su modesta obra a quien guste enterarse de ella, informe a sus propios adheridos de la gran obra que el Espiritismo está realizando en el mundo”.
Profesa o Grupo o ideario cardeciano, de ahi o título da revista.

Proxección Documental "Los labios apretados". Venres 12 de xullo ás 20 h.

Proxección Documental "Los labios apretados" de Sergio Montero 
sobre a Revolución de Asturias de 1934.

Venres día 12 de xullo ás 20 h.

  
SINOPSE CURTA

Sergio, o fillo dun mineiro asturiano emprende unha viaxe a Buenos Aires sen saber que, en paralelo, inicia outra viaxe: o da memoria. Alí descobre un acontecemento histórico de talla mundial que ocorreu á beira da súa casa. E en ningunha clase de Historia contáranlle  nada…
O mozo navega a ambos os dous lados do océano perseguindo o ronsel daquela revolución do ano 34; que aínda que escoitou nomear algunha vez aos anciáns do seu pobo natal, descoñece por completo.


"Los labios apretados" foi rodado en Uruguai, Arxentina e Asturias durante o últimos nove anos. A investigación levada a cabo para a súa realización esixiu a visita a 22 arquivos de 5 países diferentes. O proxecto, dirixido polo documentalista, fotógrafo e investigador asturiano Sergio Montero, dirixe a súa mirada "cara á historia non contada da revolución de outubro do 34, reflexionando sobre como unha sociedade transmite a súa memoria ás seguintes xeracións".

Recentemente o documentalista asturiano Sergio Montero recibiu o premio á mellor cinematografía nun documental no  SOUTH  INTERNATIONAL FILM FESTIVAL 2019 pola súa ópera prima Os Beizos Apertados foi rodado en Uruguai, Arxentina e Asturias durante o últimos nove anos. A investigación levada a cabo para a súa realización esixiu a visita a 22 arquivos de 5 países diferentes. O proxecto, dirixido polo documentalista, fotógrafo e investigador asturiano Sergio Montero, dirixe a súa mirada "cara á historia non contada da revolución de outubro do 34, reflexionando sobre como unha sociedade transmite a súa memoria ás seguintes xeracións".

Recentemente o documentalista asturiano Sergio Montero recibiu o premio á mellor cinematografía nun documental no  SOUTH  INTERNATIONAL FILM FESTIVAL 2019 pola súa ópera prima
"Los labios apretados"

  Trailer do documental  https://vimeo.com/295083784

Máis info:  https://www.facebook.com/los.labios.apretados.el.documental/

Proxección documental Federal. Xoves 27 de xuño ás 19,30 h.

Proxección documental Federal de Albert Solé 
Xoves 27 de xuño ás 19,30 h. no Ateneo Ferrolán

Participará no debate: Jordi Pedret ( Membro da xunta de Federalistes d’Esquerres)

Historia, presente e futuro dunha proposta que busca conciliar os beneficios da autonomía e a integración en sociedades marcadas pola presenza de identidades múltiples.
O estado da cuestión da man de pensadores e líderes políticos de alcance internacional como Daniel Cohn- Bendit, Romano Prodi, Joan Botella, André Lecours ou Emma Bonino.
 

Pero tamén o federalismo explicado desde dentro, a partir da experiencia de cidadáns anónimos: que sabemos, de onde provén, cales son as súas posibilidades nun mundo cada vez máis globalizado.
E unha mirada a experiencias e tradicións federais, os éxitos e fracasos do modelo.


 https://minimalfilms.com/portfolio/items/federal/

Evento:  https://www.facebook.com/events/463550257540108

Related Posts with Thumbnails