Día de Rosalía de Castro. Venres día 21 de febreiro ás 20 h.

A Asociación Escritoras-es Lingua Galega - AELG 

conmemora un ano máis o Día de Rosalía de Castro.

Ao redor do 24 de febreiro en diversos espazos e localidades organízanse lecturas públicas da obra de Rosalía de Castro. En todos estes actos lerase o tradicional manifesto da AELG, que este ano elaborou o escritor Daniel Asorey.

No #AteneoFerrolán realizarase o venres 21 de febreiro ás 20 h. coa participación de: Mariola Hermida, Rosa Martínez, Aurora Varela e Rosa Méndez.

Compartimos as palabras do autor homenaxeado no Día das Letras Galegas deste 2020, Ricardo Carvalho Calero, sobre a nosa poeta, a quen dedicou gran parte do seu rigoroso traballo crítico: “A realidade rosaliana é particularmente complexa -mesmo, a nível superficial, contraditória, ainda que, a nível profundo, se conciliem as contradiçons na raiz unitária da singularidade pessoal de Rosalia. […] Enfim, Rosalia é umha rosa de cem folhas.”

#ErrantesPoloMundo_rdc_20 #LetrasGalegas #SomosCultura

https://www.facebook.com/events/2726556224281320/ 

Andrés Comerma y Batalla elixido "Científico Galego do Ano 2020"

Andrés Comerma está considerado unha das figuras clave da enxeñaría naval en España. 

Esta fotografía apareceu no Almanaque Gallego de 1913.

O “visionario” enxeñeiro Andrés Comerma, Científico Galego do Ano 2020

O investigador, que viviu gran parte da súa vida en Ferrol, foi tamén farmacéutico, xornalista e impulsor de diversas iniciativas culturais na cidade

É unha das figuras clave da tecnoloxía naval en España nos últimos séculos. Ideou e dirixou a construción do Dique da Campá de Ferrol, foi fundador tamén en 1879 do Ateneo Ferrolan

  

Recoñecido na comunidade científica como unha das figuras máis relevantes da tecnoloxía naval española dos últimos séculos, Comerma foi o autor do proxecto e director da construción da obra máis importante realizada en Galicia en todo o século XIX: o Dique da Campá no Arsenal de Ferrol, que polas súas dimensións se converteu nun dos máis grandes do mundo na súa época.

O enxeñeiro e arquitecto naval, farmacéutico, escritor e divulgador Andrés Comerma y Batalla (1842-1917) será o homenaxeado este ano no 

Día da Ciencia en Galicia

A celebración promovida pola Real Academia Galega de Ciencias (RAGC) para reivindicar a importancia da investigación a través das súas figuras máis destacadas e, en moitos casos, descoñecidas para o gran público. 

O carácter polifacético e visionario deste intelectual, xunto coas importantes achegas en termos de progreso e modernidade que o seu traballo supuxo para Galicia, foron os principais motivos da súa elección unánime por parte do pleno da RAGC.

O acto académico de homenaxe terá lugar o 8 de outubro, a RAGC iniciará de inmediato os contactos con todas as institucións científicas vinculadas a Comerma para organizar nos vindeiros meses actividades de difusión e divulgación sobre a súa figura.

Info:  https://www.gciencia.com/ciencia/andres-comerma-cientifico-galego-2020/

 

"XORNADA DE PREVENCIÓN E ACTUACIÓN ANTE O ACOSO ESCOLAR E CIBERACOSO”. Sábado 15 de febreiro de 10 a 14 h.

Dende a Federación Comarcal de Ferrolterra de ANPAs de Centros Públicos (FEANPAs) queremos convidarvos a participar desta

"XORNADA DE PREVENCIÓN E ACTUACIÓN ANTE O ACOSO ESCOLAR E CIBERACOSO” 

Data: SÁBADO 15 de FEBREIRO

Hora: 10.00 a 14.00 h.

Lugar: ATENEO FERROLÁN (sito na rúa Magdalena nº 202 - 204 de Ferrol)

Nela aprenderemos sobre esta lacra que é o ACOSO ESCOLAR, falaremos das súas características e do agravamento deste tipo de violencia, como consecuencia da entrada en escena de Internet e as redes sociais.

Afondaremos nas causas, na detección, nas consecuencias e na prevención a través das distintas ponencias.

É RESPONSABILIDADE CONXUNTA da comunidade educativa e de toda a sociedade evitar que o acoso siga existindo.

Lembrámosvos que a entrada é aberta a calquera persoa que queira achegarse, mais están adicadas especialmente a todas as nais e pais de alumnas/os que, de calquera maneira partcipan nas ANPAS, coa intención de que poidamos aprender e resolver cantas dúbidas podan xurdir.
Xuntamos a este correo o cartaz e programa da xornada para que teñades a información completa.

Agardamos contar coa vosa presencia neste acto.

Presentación do libro "Homenaxe a Santiago Alvarez (1913-2002)". Venres 14 de febreiro ás 19 h.

Venres día 14 de febreiro ás 19 h. no #AteneoFerrolán

Presentación do libro "Homenaxe a Santiago Alvarez (1913-2002)" 

o libro dos amigos, camaradas e admiradores.

Interveñen:
Manuel Peña-Rey Bouzas (Presidente de Honra do PCG e Coordinador da biografía)
Carlos Portomeñe Pérez (Ex-Secretario Xeral do PCG)

Coa publicación desta obra o Partido Comunista quere render tributo á figura do comunista ourensán Santiago Álvarez Gómez, dirixente histórico do PCG do que foi fundador e primeiro secretario xeral.
 
A súa traxectoria, dende a labor desempeñada na organización do campesiñado galego a partir do ano 31, a súa participación como como comisario político na Guerra Civil ou o seu papel decisivo na dirección e rearticulación do Partido Comunista, son imprescindibles para comprender a historia do movemento comunista en Galicia e España.
No libro recóllese unha selección das miles de páxinas das súas memorias e da súa obra “Castelao y nosotros los comunistas”, numerosas colaboracións por parte de amigos e camaradas, unha reseña biográfica elaborada polo historiador Víctor Santidrián, así como un epílogo do profesor Alonso Montero. A coordinación da edición e o prólogo corresponde a Manuel Peña-Rey con ilustracións do pintor Xaime Quessada.

Exposición pictórica "Hipster" de Marla Chacón. Do 5 ao 27 de febreiro

 

Exposición pictórica "Hipster" de Marla Chacón

Do 5 ao 27 de febreiro de 2020

Salas de Exposicións do Ateneo (sala 1)

Inauguración mércores día 5 de febreiro ás 19,30 h.

 

Camiseta "Concepción Arenal" á venda/solidaria co Ateneo

Concepción Arenal Ponte nace o 31 de xaneiro de 1820 en Ferrol, no seno dunha familia acomodada con ideais liberais. A nai do feminismo español, Concepción Arenal (1820-1893)

No Ateneo temos a camiseta como lembranza:

"As forzas que se asocian para o ben non se suman, multiplícanse"

 #ConcepciónArenal

#Ateneo #SomosCultura #SomosIlustracion #FerrolEnPositivo

Camiseta á venda/solidaria co Ateneo Ferrolán

Para muller, home e nen@s en diferentes tallas e cores na secretaría do Ateneo.

Sesión Vermú co Sorteo de 3 obras pictóricas!. Sábado día 1 de febreiro ás 13 h.

Sábado día 1 de febreiro ás 13 h.

Bono Axuda Solidario co Ateneo

Sorteo de 3 obras pictóricas 

Cal é o obxectivo?

Dentro do proceso de rexeneración e reactivación do Ateneo Ferrolán, realizamos esta actividade co obxectivo de recadar fondos para continuar coa recuperación da entidade.

Que se sortea?

Sorteamos 3 obras pictóricas doadas polos autores a esta entidade con fins solidarios.

Como se Participa?

Para axudar e participar no sorteo, debes mercar un "Bono Axuda" emitido polo Ateneo Ferrolán de 2€ que terá un número para o sorteo e que, de ser o número agraciado obterá 1 das obras sorteadas.

Os bonos poderanse mercar no mesmo Ateneo Ferrolán, venderanse na secretaría como único punto de venda.

Cando e donde é o sorteo?

O sorteo das obras realizarase durante o transcurso dunha Sesión Vermú no Ateneo Ferrolán que se celebrará o día 1 de febreiro de 2020. De non estar presente a persoa coa numeración gañadora, a publicaremos na web do Ateneo durante un mes. No caso de non ser recollido o premio, este pasará de novo a formar parte do Ateneo Ferrolán.

 

As obras levan as firmas de: Inma Doval, Raquel Castro Torrado (Reixel) e Rosa Guisán

 Tamén podes mercar o teu bono facendo a transferencia en:
CC en Cajamar Cooperativa. Titular Ateneo Ferrolán.
ES72-3058-6402-9527-2000-5350

No sorteo que tivo lugar este pasado sábado (1 de febreiro de 2020) saíron os números dos Bonos Solidarios : nº 2, nº 133 e nº 153 que xa foron entregados aos respectivos gañadores "in situ" xa que estaban presentes na Sesión Vermú!

Grazas a tod@s en especial aos alumn@s de canto de A Escola da Vaca pola súa sempre desinteresada participación!!! Un pracer!

Charla e Coloquio: Qué Galicia prefires?. Mércores día 29 de xaneiro ás 19 h.

Charla e Coloquio: Qué Galicia prefires?

O mércores 29 de xaneiro ás 19 h. charla e coloquio no #AteneoFerrolán para falar con Mabel Rivera e Enrique Banet, da Fundación Galicia Verde sobre o cambio climático, a ILP, a deseucaliptización e a defensa do bosque autóctono e do medio rural.

Agardamos a vosa presenza!! Organiza: Fuco Buxán

Máis info no facebook: https://www.facebook.com/events/189796339085914/

Presentación libro "Ciencia próxima" de Xosé A. Fraga. Xoves 30 de xaneiro ás 19,30 h.

Presentación libro "Ciencia próxima" de Xosé A. Fraga 

xoves 30 de xaneiro ás 19,30 h. no #AteneoFerrolán 

Contaremos coa presenza do autor e de Guillermo Llorca (historiador)

Xosé A. Fraga, doutor en Bioloxía e ex director dos Museos Científicos da Coruña presenta Ciencia próxima. Episodios sobre a cultura científica na área coruñesa, un libro editado por Espacio Cultura que explica en 78 relatos a pegada que deixou a Ciencia na cidade desde mediados do século XVIII.

Ciencia próxima recompila os episodios da cultura científica que desde o ano 2014 Xosé A. Fraga publica no xornal La Opinión. «Son as mesmas pezas, revisadas e con ilustracións novas, que respectan o seu obxectivo orixinal: achegar ao público xeral o coñecemento científico», explica o autor.

A idea de xuntalos todos nun volume único xurdiu da experiencia lectora dente próxima e da propia observación de Xosé A. Fraga. Dunha banda, apunta, esta selección publicada por xunto, permite compensar «a lectura apurada dos domingos cunha máis relaxada que convida á reflexión».

Doutra, incide, «co paso do tempo e con case 80 episodios sobre a mesa, deime conta de que narraban moi ben a integración da Ciencia na cidade», tamén porque a súa historia foi parella á propia historia do desenvolvemento científico.

Presentación da novela "El guardián de las flores". Venres 17 de xaneiro ás 19:30 h.

Presentación da novela "El guardián de las flores" de Roberto H.L. Cagiao

venres día 17 de xaneiro ás 19:30 h. no #AteneoFerrolán

Contará coa presenza de Sonia Mauriz como condutora e nela haberá unha charla sobre a novela, lendas e firma de exemplares xunto ao autor Rober H.L. Cagiao.

SINOPSE:
Corenta e oito horas para o gran día do Apóstolo. Colexiata de Iria Flavia. Un home aparece morto e a súa filla foi secuestrada, e só é o principio…
A comisaria Paola Gómez enfróntase a unha vinganza máis aló do persoal entre flores, libros e lendas galegas tinguidas de sangue.
O mosteiro de Caaveiro, o Castelo de Andrade ou a Igrexa de Breamo e o Parque Natural das Fragas do Eume son os emprazamentos polos que transcorre este thriller sen pausa que promete atrapar ao lector e deixalo sen respiración.

 AUTOR: Nacín en Bañobre en 1976. Xa no colexio doume conta de que o meu son as letras e pouco os números. Diplomado en Ciencias da Educación. Na miña mocidade encamiño a miña vida artística á música, gravando dous discos con Trashnos. Tras deixar (só de feito) o difícil mundo do rock, a vida engóleme. O destino e unha serie de variados acontecementos fan que en xuño de 2019 volva escribir. O Gardián das flores é a miña primeira vez. Moitas grazas a todos pola súa colaboración.

#Ateneo #SomosCultura #SomosIlustración #FerrolEnPositivo

XXVI Xornadas da Gaita "Antón Varela (Tonecho)" Ateneo Ferrolán. 20 de decembro ás 20 h.

XXVI Xornadas da Gaita "Antón Varela (Tonecho)" Ateneo Ferrolán

20 de decembro de 2019 ás 20 h.

XORNADAS DA GAITA
A celebrar en decembro no Ateneo Ferrolán

O Ateneo Ferrolán dentro das súas actividades de promoción da música galega ven propiciando e celebrando, case continuo, unhas Xornadas de Gaita, como un lugar de encontro para grupos ou xentes que utilizan a gaita como un dos instrumentos básicos nas súas actuacións e composicións.

Pois ben, logo dun tempo retomamos estas Xornadas renomeándolas como Xornadas da Gaita "Antón Varela (Tonecho)" en homenaxe a Tonecho que foi o coordinador dende os seus inicios e contamos cos parabéns da súa filla Erika e do novo coordinador das mesmas Marcos García.

Unha das súas características específicas é a participación de grupos de música folk galega, xunto con algún autor ou grupo invitado de fora de Galicia pero, que teñan tamén na súa estrutura de acompañamento a gaita como un elemento indispensable, servindo así de contraste e comparación da nosa música coa doutras culturas e músicas afíns.

Entre outros e durante vintecinco anos pasaron polo ATENEO FERROLÁN entre outros:

IVÁN COSTA
BAILA NA CRIBA
CARLOS ZAERA E OSCAR IBAÑEZ
JEAN CRISTOPHE MAILLARD
RAPARIGOS
XEREMIERS DE CALATRABA (Mallorca)
GRUPO UNIVERSIDADE POPULAR DE VIGO
FUXAN OS VENTOS
A MUSGAÑA ( Asturias)
ALFOLIES
JOHN & FRANCES
CARLOS NUÑEZ
DAVID SPILLANE AND BAND (Inlgés e rumano)
ANXO PINTOS
DÚO BERTRAND
PATRIC MOLARD (Breton)
MILLADORIO
PEC – TONI
JOSÉ FERREIRÓS
MARIE LE CAM - Gaiteira Solista Bretona (Gaita Escocesa)
GRUPO FOLK “VERIA”
TRIO "3 DAS CÓXEGAS"
LUVAS VERDES
BANDA DE GAITAS AGARIMO
RONCOS DO DIABO (Portugal)
TRÍO VAAMONDE, LAMAS & ROMERO
AIRINHOS DEL CAMPITO
BERROS DO CASTRO
DÚO DE ZANFONAS «SOBRE RODAS»

Programa "XIX Mostra de Curtametraxes 2019". Días 11 e 12 de decembro ás 19 h.

Programa coa selección de curtas para a "XIX Mostra de Curtametraxes 2019"

Días 11 e 12 de decembro ás 19 h. no Ateneo Ferrolán

Non as perdades!

 #AteneoFerrolán #Audiovisuais #Curtas #FerrolEnPositivo

Mostra pictórica "PERSONAXES" de Carmen Prado. Ate o 27 de decembro de 2019

Mostra pictórica "PERSONAXES" de Carmen Prado

do 3 ao 27 de decembro no #AteneoFerrolán

Carmen Prado é unha pintora autodidacta que pinta por afección e por pura intuición, alguén que atopa na pintura a súa forma máis básica e elemental de expresarse, de dicir o que quere, expandir o seu mundo a través das imaxes que lle saen da observación do mundo cotián, situacións, sentimentos cuativos, posturas inacabadas da vida real, personaxes que nos contan historias por terminar. Unhas veces son encontro co seu eu máis íntimo e recolleito e outras pura extroversión.

Carmen consegue penetrarnos no seu mundo persoal, ela vai aos poucos perfeccionando a súa pintura, a súa expresividade, depurando liñas e mellorando composicións que xa sempre foron o seu punto máis forte.

Pintora intuitiva e de profunda motivación, a forma e a composición son a súa tarxeta de presentación máis clara, pero non só conténtase con iso, os seus aterciopeladas mesturas de cor xunta coas suas liñas suaves e sinuosas, convídannos a apreciar ese mundo moi seu rico en ideas, cheo de sentimentos e desbordando esa sensibilidade tan especial que atráenos e conquístanos.

Despois de case 20 anos dedicada ao debuxo anatómico e científico en revistas e libros especializados, en 2013 realiza a súa primeira exposición pictórica.

Que en menos de 4 anos teña obra en Inglaterra, Dinamarca, Francia, Marrocos e en gran parte da nosa xeografía demostra a gran acollida da súa obra.

Esta exposición titúlase Personaxes. Son obras con moita forza que definen perfectamente o carácter independente e case anárquico da súa autora e que, case seguro, non van deixar a ninguén indiferente.