Cos mellores desexos do Ateneo Ferrolán. Feliz 2022

 

Cos mellores desexos do Ateneo Ferrolán

#Ateneo #SomosCultura #SomosIlustración #Feliz2022 #Ferrol #Galiza

Concerto Os Peregrinos. Luns día 20 de decembro de 2021 ás 20 h.

 

Concerto Os Peregrinos 

luns día 20 de decembro de 2021 ás 20 h. no Ateneo Ferrolán

 

Os Peregrinos ofrecerán un par de concertos antes de nadal en Galicia, onde deleitarán como só eles saben facelo, nunha mixtura de traballo coordinado, improvisación e providencia divina, con algúns dos seus clásicos- como poden ser Polbo á mugardesa, Playa (yo y mi sombra), Náufragos ou o seu recente EP inspirado en poemas de Rosalía de Castro, así como algunhas versións dos seus favoritos (Vainica Doble, Love, Gino Paoli)- ao público asistente os vindeiros 18 e 20 de decembro en A Ventana de Laxe e o Ateneo Ferrolán, respectivamente. 

 

Nin que decir ten que a ocasión é única para gozar deste singular dúo de pop galaico, para máis inri acompañados de dous fermosos e talentosos músicos coma son Silvia Fralleoni e Sergio Galego. E ti, ¿queres peregrinar a algún destes actos músico- festivos?

 

 

XXI MOSTRA de CURTAMETRAXES 2021 - Día 15 de decembro 2021

 

XXI MOSTRA de CURTAMETRAXES 2021 do Ateneo Ferrolán

 

Mércores día 15 de decembro ás 19 h.

Entrada libre.

 

Por motivos técnicos tivemos que aglutinar as curtas seleccionadas nun sólo día, por tanto sólo o mércores día 15 proxectaremos as curtas seleccionadas

 

#Ateneo #SomosCultura #Audiovisuais #Ferrol #Galiza

 

 

 

 

 

XXVII Xornadas da Gaita Antón Varela "Tonecho". Venres 10 de decembro ás 19,30 h.

XXVII Xornadas da Gaita Antón Varela "Tonecho" Ateneo Ferrolán 

Venres día 10 de decembro ás 19,30 h. 

Programa: 

Presentación do libro “ A gaita na Terra de Melide” de Suso Ascariz 

“A gaita na Terra de Melide” é un percorrido sonoro, literario e fotográfico pola tradición musical dunha comarca. 

Tomando como referencia espacial os concellos de Sobrado dos Monxes, Toques, Melide e Santiso, o autor estuda a evolución da gaita galega nestas terras ao longo do século XX ao tempo que describe o contexto histórico e os acontecementos relevantes que marcaron o devir do instrumento. 

Trátase dun traballo de investigación construído tamén a través das biografías de gaiteiros e artesáns no que se recollen vivencias e anécdotas contadas en primeira persoa e que nos leva de novo ás eiras, ás casas, ás romarías e a todos aqueles espazos da Terra de Melide nos que se tocaba e nos que a gaita foi adquirindo aos poucos unha función social determinante. O libro inclúe un repertorio composto por 60 partituras, moitas delas inéditas, e un CD coa gravación das catro muiñeiras da Terra de Melide compostas polo autor.

Actuación do grupo tradicional "Os Estrobos"

No ano 1976 formase en Ferrol o cuarteto “Os Estrobos” da man do Mestre de Gaita Manuel García Pereira (“Lolete”), con membros do grupo de baile “Terra Meiga”. Dende os inicios comezan a participar en tódalas festas da comarca e mais adiante, por toda a xeografía Galega, viaxando por toda Europa e participando en diversos concursos.

Pasaron por “Os Estrobos” moitos componentes dende o seu comezo, destacando os fundadores (“Lolete” e Joaquín con gaitas, Aldo tamboril e Vicente co Bombo), como Ana “A Gaiteira”, Camilo Ces ou Fran Cuétara, ata os actuáis compoñentes, Marcos García e Daniel López coas gaitas, Rufino Cuétara co Bombo e Jorge García co Tamboril.

Na súa participación nos concursos podemos destacar os seguintes premios:

3º Premio en Ponteareas no ano 1981.

2º Premio en Portomarín no 1981.

1º e 2º Premios en Cerdido, ano 91 e 92.

2º e 3º Premio en Vedra, nos anos 2001 e 2006.

2º Premio en Ortigueira no 2006.

2º Premio en Miño no 2001 con 1º Premio para a mellor percusión.

1º e 2º Premio no certame Europero de Saint Chartier, Francia. 2003 e 2019.

 

 

Exposición de esculturas de Manuel Angel Mendez Bellón "Reflexións metálicas". Ate o 3 de decembro de 2021

 

 

Exposición de esculturas de Manuel Angel Mendez Bellón 

 

"Reflexións metálicas" 

 

Do 15 de novembro ao 3 de decembro de 2021 no Ateneo Ferrolán

 

#Ateneo #SomosCultura #ArtesPlásticas #Esculturas #Ferrol #Galiza

Presentación do libro #taméneu. Xoves día 11 de novembro ás 19 h.

 

#taméneu o novo libro de María Xosé Porteiro, preséntase o xoves día 11 de novembro ás 19 h. no Ateneo Ferrolán.

 

A autora opina sobre a revolución feminista en setenta e sete traballos xornalísticos.

 

María Xosé Porteiro recibiu senllos recoñecementos pola súa labor a prol do feminismo, en 2019, co premio 1º de maio de CCOO, e en 2020, co Ernestina Otero, da Comisión das Mulleres do concello de Vigo. Desde os anos 80 publicou innumerabeis pezas xornalísticas sobre desta temática. A partir de 2017 dirixe o Centro de Documentación en Igualdade e Feminismos do Consello da Cultura e nesta xeira participou en numerosos estudos e investigacións desde a súa comisión de Igualdade.

 

A edición de #taméneu é da editora luguesa, LAR_libros, que inaugura con esta obra unha colección de opinión, e que participará na presentación. Acompañan a autora a directiva do Ateneo Ferrolán, Sonia Mauriz Pereira, e a prologuista, Llerena_Perozo. 

 

Chama a atención a portada, coas cores identificativas do feminismo e unha imaxe en branco e negro do fotógrafo Vitín_de_las_Heras, dunha manifestación feminista na Praza da Constitución, en Vigo, en 1983.

Homenaxe ó Guerrilleiro Antifascista BENIGNO FRAGA PITA. Sábado día 13 de novembro ás 11,30 h.

O sábado día 13 de novembro de 2021 ás 11,30 h. no Ateneo Ferrolán  

Homenaxe ó Guerrilleiro Antifascista BENIGNO FRAGA PITA, a entrega de restos por parte da ARMH, enterro e xantar de confraternidade.

 Agradecemos nos comuniquen a asistencia ó acto para a reserva no Ateneo, no autobús e no restaurante no correo armhgalicia@gmail.com

  · A Asociación para a Recuperación da Memoria Histórica (ARMH) exhumó, entre os días 3 e 4 de xunio de 2020, o corpo de Benigno Fraga Pita enterrado nunha foxa individual na zona civil do cementerio de Celeiros (Chandrexa de Queixa) Ourense · 

 O sábado 13 de novembro de 2021 ás 11.30 h. celebrarase o acto de homenaxe a Benigno Fraga Pita no Ateneo Ferrolán. De seguido, no cementerio de Catabois ás 13.30h procederáse ó enterro. Para o enterro haberá servizo de autobús. A continuación haberá un xantar de confraternización 

DÍA: SÁBADO 13 DE NOVIEMBRE ACTO DE HOMENAXE 11.30 horas 

Lugar: Ateneo Ferrolán rúa Magdalena, 202-204 

Intervirán no acto: A ARMH, familiares e veciños de Celeiros. Coa a participación de poetas e músicos. Presenta a periodista Clara Bernal. 

ENTERRO 13,30 horas Lugar : Camposanto de Catabois 

SUCESO 

Benigno Fraga Pita, tamén coñecido como Alejandro ou Alejandro el Viejo, naceu nas Somozas, A Coruña, en 1892. 

Exerceu como mestre armeiro nos arsenais de Ferrol. Exerceu como secretario de organización do PCE en Ferrol. Despois de descubrir a súa pertenza ao Partido Comunista, Benigno Fraga Pita debe fuxir e incorpórase á guerrilla. Foi enviado a Ourense en agosto de 1946 e fundou xunto a Samuel Mayo Méndez “Saúl” e José María Saavedra Díaz Pepe a II Agrupación Guerrilleira de Galicia para loitar contra o réxime franquista. Foi nomeado comisario político da mesma. 

Establecen a súa base na Edreira, coñecida polos guerrilleiros como “O Balneario”. Era unha casa grande do Macizo Central de Ourense, onde se refuxiaron os guerrilleiros da zona, entre os que tamén estaba Camilo de Dios. Ao redor de febreiro de 1949 o franquismo intensificara a súa represión, polo que dende a II Agrupación contra o réxime se proxectan golpes combinados. Dende a II Agrupación contra o réxime. 

Paralelamente, o 18 de marzo de 1949, os seis guerrilleiros que permanecían na base da Edreira, O Balneario, tiveron que presenciar a queima da base por parte da Garda Civil e ampararse no monte e agardar o regreso dos seus compañeiros. Ante a imperiosa necesidade, o grupo viuse obrigado a descender do monte o mércores 27 de abril de 1949 pola ladeira de San Mamede que domina as terras de Queixa polo Curro de Mede. Chegaron á cantina Eliseo en Candedo, que se atopaba na boca da estrada sen necesidade de achegarse á localidade. O grupo está rodeado pola Garda Civil ese mesmo día, cando estaban a conseguir comida, e conseguen fuxir salvo Benigno Fraga Pita, que morre nun tiroteo coa Garda Civil. 

A ARMH (Asociación para a Recuperación da Memoria Histórica), a petición da familia de Benigno Fraga Pita, procedeu entre os días 3 e 4 de xuño de 2020 á exhumación dos restos na fosa individual do cemiterio civil de Celeiros, Chandrexa de Queixa (Ourense).

XXI MOSTRA de CURTAMETRAXES 2021 - Participa e Difunde!!!!

 

 

 

 

 

 

 

 

 

 

 

XXI MOSTRA de CURTAMETRAXES 2021 - Participa e Difunde!!!! 

 Manda a túa curta antes do día 26 de novembro para poder engadilos ao programa deste ano. 

Facemos un chamamento a todas as persoas que queiran participar nestas xornadas, nos acheguen os seus traballos de menos de 20’, preferentemente en lingua galega acompañado dunha ficha cumprimentada cos datos da curta e do director antes do día 26 de novembro para poder engadilos ao programa deste ano. 

Normalmente recibimos as curtas a traverso da plataforma vimeo. Se utilizas esta plataforma, necesitamos saber a ligazón á curta máis o contrasinal para poder acceder a ela e coa opción "Descarga" habilitada para que nós a poidamos descargar. Pero tamén estamos totalmente abertos a calquera outro método que utilices (outra plataforma calquera ou se xa está público, a ligazón para poder collelo). Tamén aceptamos correo ordinario ao enderezo físico da nosa entidade. 

Os días 15 e 16 de decembro de 2021, levarase a cabo a XXI MOSTRA DE CURTAMETRAXES, comezadas no ano 2001 con grande interese do público en xeral. 

A Mostra de Curtametraxes do Ateneo nace en 2001 coma un espazo de difusión da cultura cinematográfica en formato curto, para abrir unha fiestra cara ese cinema local e internacional de calidade a cotío vetado ao gran público. Como lembranza do que foron estas xornadas ao longo destes dezasete anos de andadura dicir que na nosa programación priman as curtas galegas e en galego pero que tamén damos paso para coñecer outros autores a nivel internacional. 

Nestes días amosaremos curtametraxes e creacións de cineastas, case que sempre noveis, e con especial atención aos cineastas galegos e galegas en especial. 

O OBXECTIVO é dar a coñecer a un público amplo a calidade e variedade das curtametraxes, sobre todo das galegas. Estas xornadas están a converterse nun referente, por ser un esforzo realizado para divulgar a produción de curtametraxes, que en moitos casos fica agochada. Trátase de acceder a unha parte do audiovisual que atesoura gran calidade.

Presentación "Ferrol Rebelde. Mapa da historia obreira". Luns día 8 de novembro ás 19 h.

🌱 Seis anos despois do seu nacemento #ferrolrebelde continúa o seu camiño, agora cun mapa que divulgará a historia obreira da cidade! 📍 

O vindeiro luns 8 de novembro ás 19h presentamos no Ateneo Ferrolán esta iniciativa, coa que continuar a fomentar o diálogo social arredor dunha cuestión tan central na identidade da cidade. 

 🤝 Este proxecto está financiado pola Deputación da Coruña, a través da liña de axudas para a realización de actividades culturais por entidades sen ánimo de lucro. 

Toda a info na web! www.rexenerando.com

https://rexenerando.com/blog/2021/10/25/o-ferrol-rebelde-agora-nun-mapa/

CONVOCATORIA ASEMBLEA XERAL ORDINARIA . Luns día 25 de outubro de 2021

Ferrol 8 de outubro de 2021 

CONVOCATORIA ASEMBLEA XERAL ORDINARIA 

Benquerido socio /socia: 

Por medio da presente convocámoste á Asemblea Xeral Ordinaria que se celebrará o luns día 25 de outubro ás 19,30 h. en primeira convocatoria e ás 20 h. en segundo, coa seguinte 

ORDE DO DÍA

 1.- Lectura e aprobación da Acta da Asemblea Xeral anterior (26.06.2019). 

2.- Informe de xestión. 

3.- Informe económico. Aprobación Contas anuais 2019 e 2020 

4.- Prórroga mandato da actual Xunta Directiva 

5.- Varios: Información sobre a Modificación Estatutos do Ateneo. 

6.- Rogos e preguntas 

Sen máis e agardando a túa asistencia, recibe un cordial saúdo da Xunta Directiva, 

 

Asdo.- Xavier M. Dongil Presidente

Club de Lectura do Ateneo Ferrolán. Martes día 5 de outubro ás 17 h.

Club de Lectura do Ateneo Ferrolán

 

Os primeiros Martes de cada mes ás 17 h. no Ateneo.

 

Este próximo martes día 5 de outubro ás 17 h. no noso salón de actos celebrarase a primeira xuntanza do Club de Lectura do presente curso 2021-2022.

 

A obra obxecto de estudo será "Señora de rojo sobre fondo gris" de Miguel Delibes.

Cumprirase estritamente o protocolo Covid

 

Animamos a tod@s a participar desta emblemática actividade.

Dende o ano 2002 que formamos no Ateneo Ferrolán o noso CLUB DE LECTURA, segue levándose a cabo todos os primeiros martes de cada mes. Encontros coa LECTURA onde xúntanse 20 socios e socias todos os primeiros martes de cada mes para reflexionar e comentar un libro guiados pola profesora Angeles Seoane.

 

#Ateneo #SomosCultura #Libros #ClubDeLectura #Ferrol #Galiza

 

 

 

Presentación libro "Kropotkin 100 anos despois". Xoves 26 de agosto ás 20 h. no Ateneo Ferrolán

 

 

 

 

 

 

 

 

 

 

Presentación libro "Kropotkin 100 anos despois"

Xoves día 26 de agosto de 2021 ás 20 h. no Ateneo

 

Presentación libro "Kropotkin 100 anos despois", editado pola Fundación Anselmo Lorenzo contando coa presencia dun dos autores do volume, o xornalista Rafael Cid e co historiador e investigador Eliseo Fernández Fernández.

Presentación libro "El sueño de Julia y otros relatos". Mércores 25 de agosto ás 12 h.

 

Presentación libro "El sueño de Julia y otros relatos"

Mércores día 25 de agosto de 2021 ás 12 h. no Ateneo Ferrolán

Presentación do libro de relatos "El sueño de Julia y otros relatos" do autor Ángel Ruiz de Velasco Bellas e que estará acompañado por Carlos J. García Gómez (Colaborador de opinión en el Diario de Ferrol).

 

Relatos curtos, pero intensos, que encerran pedazos de vida como espellos cuarteados, nos que con todo, poderiamos recoñecernos sen pudor, recentemente levantados, antes do primeiro bocexo, da primeira mentira.