O ATENEO FERROLÁN, con motivo da celebración do DÍA MUNDIAL DE MEDIO AMBIENTE, organiza un Concurso Fotográfico para afeccionados e profesionais.
27 marzo 2013
Bases do "Constantino Bellón" 2013
21 marzo 2013
III MOSTRA DE DOCUMENTAIS EN GALEGO 2013
III MOSTRA DE DOCUMENTAIS EN GALEGO 2013
- Ferrol xoves 21 de marzo de 2013 ás 19 h.
- Salón de Actos do Ateneo Ferrolán. Entrada de balde.
- de ADRIANA PÉREZ VILLANUEVA
- Ano 2013. Duración 62’. Galego.
Sinopse: Este documental ofrece as voces espidas dun grupo de persoas relacionadas dalgunha manera coas enfermidades mentais. Xente cun diagnóstico, xente que diagnostica e familiares desvélannos esa outra realidade agochada naquelas persoas que están ao noso arredor. Unha hora na que nos achegamos ao difícil proceso vital dunhas persoas que comparten moito máis cunha etiqueta.“PROXECTO ZECA”
- de PABLO PORTERO
- Ano 2012. Duración 15’. Galego
Sinopse: Dedicado a recordar a figura do poeta e músico Zeca Afonso.“O RELOXEIRO”
- de RITA ROMERO
- Ano 2012. Duración 54’. Galego
Sinopse: Esta é a historia de Evanxelino Taboada, o último construtor de reloxos de Galicia. Esta é a historia dunha filla que quere recordar, dun escritor que investiga, dunha sociedade marcada polo estalido da guerra civil. A historia do pasado contada dende o presente. Esta é a historia dos artesáns do tempo.
27 febreiro 2013
Presentación escolma poética VERSUS
O xoves día 7 de marzo ás 19,30 h. no Salón de Actos do Ateneo Ferrolán.
Presentación da escolma poética Versus no Ateneo Ferrolán unha publicación impulsada polos poetas galegos Antón Borrazas, Manuel Pombo, Hugo Álvarez, Oscar de Souto e Miguel Queipo, contan tamén con prologuistas moi coñecidos no eido literario como son Carlos Solla e Juan Carlos Garcia Hoyuelos.
Versus trata, segundo os seus autores, dunha "poesía combativa", un libro no que conflúen distintas temáticas "pero con igual estilo reivindicativo e de loita".
A presentación constaría dun primeiro achegamento o libro para despois recitar uns poemas e terminar cun concerto poético, e unha forma de achegar a poesía a xente que está tendo moi boa acollida.
Trátase dunha poesía que non é moi elitista, senón que a pode entender todo o mundo porque este xénero literario está moi vencellado ao pobo. Cinco poetas colaboran con esta escolma, xente que de verdade sinte a poesía e que autoeditaron o libro porque segundo din "non necesitamos que ningunha editorial nos diga se é boa ou non a nosa poesía".
"En Galicia a poesía está secuestrada", dixo outro dos seus autores, Óscar de Souto. "Os filólogos e as empresas que especulan coa poesía teñen secuestrada esta parte da cultura galega", explica para xustificar o nacemento da "unión de poetas verdadeiros", baixo a que nace esta escolma poética.
Versus conta ademais coa colaboración de Hugo Álvarez como ilustrador "que describe perfectamente as poesías: unha escaleira pousada na lúa" e que, como dixeron os seus impulsores, "fai que a súa lectura sexa moito máis agradable".
Estan a percorrer toda a xeografía galega, de feito xa estiveron en moitos concellos entre eles A coruña, Pontevedra , Santiago, Laxe , Ponteceso, Arteixo, ... agora en Ferrol no Ateneo Ferrolán.
21 febreiro 2013
Exposición Fotográfica "A diario"
Inauguración o día 21 de febreiro ás 20:30 no Ateneo Ferrolán
O mundo real ten tres dimensións espaciais e unha temporal.
Cando trasladase esta realidade ás novas dun periódico estas catro dimensións comprímense no alto e ancho dun papel coa axuda da inmediatez que necesitamos consumir cada día.
Para esta exposición recuperamos as tres dimensións espaciais da noticia, lles dimos o volume que no seu día tiveron, insuflando oxíxeno ao papel, sempre aplanado polo enorme peso da rotativa.
Cando o espectador vexa o resultado de cada fotografía retomarán tamén a súa dimensión temporal, coa esperanza de que cando vexa de novo un diario pense, detidamente, que tras cada sección escondese unha realidade repleta de sentimentos, sensacións, alegrías e as veces, por desgraza, auténticos dramas da vida real, da realidade nas súas catro dimensións.
Os autores:
- Fran Nieto é profesor de fotografía, especializado, sobre todo, en temas de iluminación, paisaxe, natureza e técnicas avanzadas de macrofotografía. A súa auténtica paixón é a divulgación do coñecemento fotográfico e imparte cursos a todos os niveis.
- Anabel Viñas é unha auténtica artesá que domina multitude de disciplinas e que deu vida a estas noticias cunhas simples tesoiras e, nalgún caso, algo de pegamento.
06 febreiro 2013
I OBRADOIRO DO ENTROIDO 2013
Dentro do programa de actos organizados polo Ateneo Ferrolán e con motivo do Entroido, o martes día 12 de febreiro de 11 a 14 horas vaise desenvolver o " I OBRADOIRO DO ENTROIDO 2013" para nenos e nenas.
Apuntádevos. Entrada libre e gratuíta.
Para máis información chamade á secretaría ao 981 357 970
31 xaneiro 2013
Asemblea Soci@s do Ateneo Ferrolán
Venres día 1 ás 20 h. en primeira e 20,30 h. en segunda
LEMBRA......A TÚA ASISTENCIA É MOI IMPORTANTE PARA A NOSA ENTIDADE!
30 xaneiro 2013
Participa na III MOSTRA DE DOCUMENTAIS EN GALEGO 2013
Facemos un chamamento a todas as persoas que queiran participar nesta MOSTRA, nos acheguen os seus traballos en formato DVD, acompañado dunha ficha cumprimentada cos datos do documental.
GRAZAS POR PARTICIPAR!
10 xaneiro 2013
Exposición Pinturas de Borja L. Muiños
Nalgúns cadros, os marcos tamén xogan un papel importante xa que están realizados a partir de materiais de refugallo.
A inauguración da esposición, será o próximo venres día 11 de xaneiro ás 20 horas no Ateneo Ferrolán, na rúa Magdalena 202-204.
10 decembro 2012
Comunicado da CNT en apoio ás traballadoras e traballadores do Ateneo Ferrolán
Dende o Sindicato de Oficios Varios da CNT de Ferrol queremos facer públicas as diversas irregularidades que esta a cometer o Concello de Ferrol contra o Ateneo Ferrolán e os seus traballadores e traballadoras. Tras dous anos de obras de rehabilitación, o edificio histórico cedido á entidade xa se atopa en plenas condicións de funcionamento, pola cal entendemos que non existen motivos para demorar máis aló a reincorporación dos traballadores e traballadoras aos seus postos.
Logo de ter reducido o espazo dispoñible para o Ateneo, limitando dese xeito a súa capacidade en favor de outras entidades ideoloxicamente mais afíns ó goberno municipal, este compracese en anunciar a cesión dun edificio publico (o antigo hospicio) a unha asociación empresarial. Estas actuacións das que son directamente responsables o alcalde e o seu equipo de goberno, so teñen coma obxectivo o debilitamento dunha entidade que polo seu carácter plural e a súa vocación de achegamento da cultura ó pobo, é un ben en si mesmo.
O Ateneo Ferrolán é unha entidade de carácter cultural, cun modelo de xestión económica que ocasionaba un custo mínimo ó Concello. Por elo non pode ser utilizado por parte do goberno municipal coma unha oportunidade de negocio. É precisamente a xestión privada de bens públicos e o clientelismo, os que ocasionan gastos desproporcionados e innecesarios. Coidamos que a mais que posible irrupción dunha empresa coma EULEN, con vínculos familiares co PP, na xestión do edificio do Ateneo, causaría unha importante precarizacion das condicións laborais nesta entidade.
Dende a CNT, comunicamos que calquera tipo de medida ou iniciativa que supoña un prexuízo aos intereses dos traballadores e traballadoras do Ateneo; sexa o despido, a subcontratación ou a concesión da xestión a empresas privadas, atoparán unha resposta decidida por parte deste sindicato.
Ferrol 7 de decembro de 2012
Logo de ter reducido o espazo dispoñible para o Ateneo, limitando dese xeito a súa capacidade en favor de outras entidades ideoloxicamente mais afíns ó goberno municipal, este compracese en anunciar a cesión dun edificio publico (o antigo hospicio) a unha asociación empresarial. Estas actuacións das que son directamente responsables o alcalde e o seu equipo de goberno, so teñen coma obxectivo o debilitamento dunha entidade que polo seu carácter plural e a súa vocación de achegamento da cultura ó pobo, é un ben en si mesmo.
O Ateneo Ferrolán é unha entidade de carácter cultural, cun modelo de xestión económica que ocasionaba un custo mínimo ó Concello. Por elo non pode ser utilizado por parte do goberno municipal coma unha oportunidade de negocio. É precisamente a xestión privada de bens públicos e o clientelismo, os que ocasionan gastos desproporcionados e innecesarios. Coidamos que a mais que posible irrupción dunha empresa coma EULEN, con vínculos familiares co PP, na xestión do edificio do Ateneo, causaría unha importante precarizacion das condicións laborais nesta entidade.
Dende a CNT, comunicamos que calquera tipo de medida ou iniciativa que supoña un prexuízo aos intereses dos traballadores e traballadoras do Ateneo; sexa o despido, a subcontratación ou a concesión da xestión a empresas privadas, atoparán unha resposta decidida por parte deste sindicato.
Ferrol 7 de decembro de 2012
20 novembro 2012
XII Xornadas "Mostra de Curtametraxes"
A celebrar os días 19, 20 e 21 de decembro do 2012
Os días 19, 20 e 21 de decembro de 2012, levaranse a cabo ás XII XORNADAS DE MOSTRA DE CURTAMETRAXES, comezadas no ano 2001 con grande interese do público en xeral.
Como lembranza do que foron estas XORNADAS ao longo destes once anos de andadura dicir que na nosa programación priman as curtas galegas e en galego pero que tamén damos paso para coñecer outros autores a nivel internacional.
Nestes días amosaremos curtametraxes e creacións de cineastas, case que sempre noveis, e con especial atención aos cineastas galegos e galegas en especial.
O OBXECTIVO é dar a coñecer a un público amplo a calidade e variedade das curtametraxes, sobre todo das galegas. Estas xornadas están a converterse nun referente, por ser un esforzo realizado para divulgar a produción de curtametraxes, que en moitos casos fica agochada. Trátase de acceder a unha parte do audiovisual que atesoura gran calidade.
Facemos un chamamento a todas as persoas que queiran participar nestas xornadas, nos acheguen os seus traballos de menos de 30’ en formato DVD, preferentemente en lingua galega acompañado da ficha cumprimentada antes do día 7 de decembro para poder engadilos ao programa deste ano.
Descarga cubre e imprime a ficha para participar.
Homenaxe a Celso Emilio Ferreiro no seu centenario
O Ateneo Ferrolán e a A.C. Fuco Buxán, organizan unha HOMENAXE A CELSO EMILIO FERREIRO no seu centenario.
O martes, 20 de novembro, ás 19,30h. na Galería Sargadelos de Ferrol.
Interveñen:
- Enrique Barrera Beitia, Historiador
“O contexto político-social da época” - José Luis Forneiro Pérez, Profesor de Filoloxía Galego-Portuguesa da USC.
“Vida e obra de Celso Emilio”
Entrada libre.
O Martes, 27 de novembro na Galería Sargadelos haberá un Recital Poético – Musical e Exposición Bibliográfica da obra de Celso Emilio Ferreiro
13 novembro 2012
@s Traballador@s do Ateneo Ferrolán responsabilizamos ao Alcalde Rey Varela
Os traballadores do Ateneo Ferrolán COMUNICAMOS que, hoxe día 7 de novembro ás 12,30 quedaba lista, probada e funcionando a instalación que estaba pendente da acometida do gas no edificio do Ateneo Ferrolán según nos confirmaron os operarios que levaban a cabo dita obra; de feito as rúas Méndez Núñez e Magdalena abertas e cortadas ao tráfico xa presentan o seu aspecto habitual, logo de máis de 10 días abertas para tal acometida.
O pasado mes de setembro, logo da reunión mantida co alcalde Rey Varela e os Presidentes históricos desta entidade centenaria, se nos comunicou que volverían a habilitar un espazo onde poder exercer o noso traballo no edificio do Ateneo Ferrolán, logo de 2 anos de obras de rehabilitación nas que estivemos dentro do inmoble desenvolvendo as tarefas administrativas desta entidade e que tivemos que deixalo en xuño para facilitar o remate das obras, estando xa no mes de novembro é urxente normalizar a nosa situación administrativa, tal e como quedou comprometido o Alcalde na citada entrevista.
Os traballadores do Ateneo responsabilizamos ao alcalde Rey Varela que, pola demora na recepción da obra, estase a poñer en perigo os nosos postos de traballo. O Alcalde Rey Varela non contestou ás nosas comunicacións presentadas por rexistro no Concello, non lle interesa nin lle importa a perda de máis postos de traballo nesta cidade.
Xa non hai máis desculpas ... a instalación do gas está rematada!
Sr. Alcalde Rey Varela queremos traballar, recepcione xa as obras da sede do Ateneo Ferrolán!
Asinan:
Mª Soledad Fontenla Fuster
Cristina Meizoso Alonso
Fernando Rivera García
O pasado mes de setembro, logo da reunión mantida co alcalde Rey Varela e os Presidentes históricos desta entidade centenaria, se nos comunicou que volverían a habilitar un espazo onde poder exercer o noso traballo no edificio do Ateneo Ferrolán, logo de 2 anos de obras de rehabilitación nas que estivemos dentro do inmoble desenvolvendo as tarefas administrativas desta entidade e que tivemos que deixalo en xuño para facilitar o remate das obras, estando xa no mes de novembro é urxente normalizar a nosa situación administrativa, tal e como quedou comprometido o Alcalde na citada entrevista.
Os traballadores do Ateneo responsabilizamos ao alcalde Rey Varela que, pola demora na recepción da obra, estase a poñer en perigo os nosos postos de traballo. O Alcalde Rey Varela non contestou ás nosas comunicacións presentadas por rexistro no Concello, non lle interesa nin lle importa a perda de máis postos de traballo nesta cidade.
Xa non hai máis desculpas ... a instalación do gas está rematada!
Sr. Alcalde Rey Varela queremos traballar, recepcione xa as obras da sede do Ateneo Ferrolán!
Asinan:
Mª Soledad Fontenla Fuster
Cristina Meizoso Alonso
Fernando Rivera García
Subscribirse a:
Publicacións (Atom)