Presentación do libro “Palabras”

O mércores día 25 de setembro de 2013 ás 20 h. no Ateneo Ferrolán presentación do libro “Palabras”; do ilustrador Xaquin Marín e o fotógrafo Gabriel Tizón, prólogo de Quico Cadaval.

Falarán deste libro: Xaquin Marín e Gabriel Tizón xunto co periodista Nicolás Vidal.

Proxección documental "A fazaña da liberdade"

O Xoves 26 de Setembro de 2013 ás 19,30 h., o Ateneo Ferrolán proxectará o documental biográfico sobre Alexandre Bóveda do director Senén Outeiro "A fazaña da liberdade", o acto será presentado polo historiador Bernardo Máiz. A entrada é de balde.

CONVOCATORIA ASEMBLEA XERAL EXTRAORDINARIA o 27 setembro 2013

Ferrol 10 de setembro de 2013

CONVOCATORIA ASEMBLEA XERAL EXTRAORDINARIA

Benquerido/a  socio/a:

Por medio da presente convocámoste á Asemblea Xeral Extraordinaria que se celebrará o venres día 27 de setembro ás 20 horas en primeira convocatoria e ás 20,30 horas en segunda no salón de actos do Ateneo Ferrolán, coa seguinte

ORDE DO DÍA

        1.- Lectura e aprobación da Acta anterior.

        2.- Informe Directiva.

     3.- Proposta datas apertura proceso para convocatoria de eleccións a    Xunta Directiva.

        4.- Rogos e preguntas

Sen máis e agardando a túa imprescindible asistencia, recibe un cordial saúdo da Xunta Directiva,

Asdo.- Ramón Veloso Rodríguez

Presidente

Acta Final do XXIº Concurso Internacional de Composición e Gaita Galega “Constantino Bellón” 2013 no Teatro Jofre

XXI  CONCURSO DE GAITA GALEGA “CONSTANTINO BELLÓN”  - ANO 2013

En Ferrol a 31 de agosto de 2013, no Teatro JOFRE, o XURADO cualificador do XXIº Concurso Internacional de Composición e Gaita Galega  “Constantino Bellón”, integrado por :

            * Víctor Fernández Gabeiras

            * Xabier Rodríguez Fariñas

            * Pablo López Torneiro

            * Xoán Rodríguez Silvar

            * Xesús Vaamonde Manteiga

           

e actuando como secretaria sen voto, Cristina Meizoso Alonso, unha vez escoitadas e valoradas  a totalidade das pezas presentadas a esta final do Concurso, así como a interpretación de tódolos gaiteiros finalistas,

Acordan outorgar o Premio SEIVANE que consiste nunha gaita feita e personalizada especialmente para esta edición (punto g) correspondente ao  “Gaiteiro de Soutelo” a :

Raquel García Martínez                            Valencia

_________________________________________________________________________________________

Acordan outorgar dous accésit de 1.000 € cada un a:

Daniel Fernández López                           Lugo

_________________________________________________________________________________________

Daniel Lumbreras Rodríguez               Donosti

_________________________________________________________________________________________

Así mesmo, ACORDA  por unanimidade, concederlle o PREMIO ÚNICO de 3.000 € deste 21º Concurso Internacional de Composición e Gaita Galega “Constantino Bellón” a

Pablo Devigo Vázquez        Castro Caldelas - Ourense

_________________________________________________________________________________________

O Xurado quere facer constar o importante nivel de calidade acadado por tódolos finalistas seleccionados para este Concurso Internacional de Gaita Galega na súa vixésima primeira edición.

 

Concurso de Composición para Gaita Galega Solista 2013

Concurso de Composición para Gaita Galega Solista

Punto nº 9 do XXI Concurso Internacional de Composición e Gaita Galega

“CONSTANTINO BELLÓN” 2013

 En Ferrol, o día 28 de agosto de 2013, na sede do Ateneo Ferrolán, sito na rúa Magdalena 202-204 o XURADO

ACORDOU, conceder ó PREMIO de Composición para Gaita Galega Solista a:

 DANIEL ROMAR SAMBADE

pola obra “Fantasía concertante para gaita e banda”.

Así mesmo acordan conceder os accésit a:

JAVIER Mª LÓPEZ RODRÍGUEZ pola obra “The bagpipe in my life”. (Para gaita solista en Do 5  con quinteto de frauta, clarinete, piano, violín e violonchelo)

LOIS PRADO FERNÁNDEZ pola obra “Son das on das Son”.

(Para gaita solista e corda)

Mención Gaita de Ouro "Constantino Bellón" 2013

Témolo pracer de comunicar o acordo tomado en Xunta Directiva, referente á Institución da Mención Honorífica do Ateneo Ferrolán, na modalidade de Gaita de Ouro “Constantino Bellón” e a concesión da mesma.

A imposición da citada Mención terá lugar no ACTO que se celebrará  o próximo sábado día 31 de agosto, as 20 horas, no Teatro JOFRE de Ferrol na Final do XXI Concurso Internacional de Composición e Gaita Galega  “Constantino Bellón”,.

O Ateneo Ferrolán acorda concedela Mención Gaita de Ouro

“Constantino Bellón” correspondente ao ano 2013  a:

PABLO CARPINTERO

pola súa labor desenvolvida como gaiteiro, investigador e artesán.

Pablo Carpintero naceu en San Cristobo de Castro, no concello de Carballedo, na provincia de Lugo en 1969. É gaiteiro desde os oito anos e estudou ciencias biolóxicas na Universidade de Santiago de Compostela onde, en 1992, acadou o grao de  doutor. Nesta mesma universidade obtivo o diploma de estudos avanzados en musicoloxía no ano 2006.

Hai máis de vinte anos que se dedica a estudar e difundir os nosos instrumentos musicais, para o que ten feito traballo de campo en toda Galicia, Asturias, Portugal e o Bierzo, estudando principalmente a gaita de fol e a súa música. Froito deste traballo é a súa obra de investigación máis destacada: “Os instrumentos musicais na tradición galega”, onde se dá conta de máis de 150 instrumentos musicais empregados na Galicia tradicional. Ten editado tamén numerosos traballos discográficos, ben cos seus grupos “Ultreia” e “A Requinta de Xián”, ben con gaiteiros de idade para consevar os seus orixinais sons.

Pablo Carpintero é membro directivo da Asociación de Gaiteiros Galegos e forma parte da comisión do Arquivo Sonoro do Consello da Cultura Galega. Traballou seis anos como técnico do proxecto Ronsel para a posta en valor do Patrimonio Cultural de Galicia e, en 2011, foi escollido para formar parte do comité da UNESCO que avalía as candidaturas á Lista Representativa de Patrimonio Cultural Inmaterial da Humanidade, tarefa que segue a realizar na actualidade.

Hai máis de dez anos que colabora na sección “O Recuncho da Palleta” dentro do programa “Lume na Palleira” da Radio Galega, e desde hai tres anos realiza unha sección dentro do programa “Luar” dedicada á nosa música máis tradicional.

Na actualidade dedícase á fabricación de gaitas de fol, percusión, requintas e frautas no seu obradoiro de Santiago de Compostela, sendo a súa principal teima a réplica de gaitas de fol antigas e a recuperación dos seus sons.      

 

Conexión con Pablo Carpintero en directo dende o Teatro Jofre.

XXI Concurso de Composición e Gaita Galega “CONSTANTINO BELLÓN”

O Ateneo Ferrolán comprácese en convidarlle aos actos do

 XXI Concurso de Composición e Gaita Galega

 “CONSTANTINO BELLÓN”

  

Data: sábado día 31 de agosto de 2013

HORARIO: 20 h.    LUGAR: Teatro JOFRE - Ferrol.

Acta Selección Gaiteiros Solistas 2013

XXI Concurso Internacional de Composición e Gaita Galega

“CONSTANTINO BELLÓN” 2013

Acta Selección Gaiteiros Solistas 2013

En Ferrol, o día 16 de agosto de 2013, na sede do Ateneo Ferrolán, sito na rúa Magdalena, 202-204 o XURADO do XXI Concurso Internacional de Composición e Gaita Galega “CONSTANTINO BELLÓN”, composto por:

                                  

                                   D. Víctor Fernández Gabeiras

                                   D. Xesús Vaamonde Manteiga

                                   D. Xavier Rodríguez Fariñas

                                   D. Pablo López Torneiro

                                   D. Xoán Rodríguez Silvar

e actuando como secretaria, sen voto, Dona María Cristina Meizoso Alonso, unha vez escoitadas e valoradas a totalidade das pezas presentadas a concurso, así como examinadas as partituras que se requirían para participar no mesmo,

ACORDOU, por unanimidade seleccionar aos seguintes finalistas:

1. David Fernández Vaamonde          Coruña.
2. Pablo Devigo Vázquez                   Castro Caldelas - Ourense.
3. Carme López Fernández                Lugo. 
4. Daniel Fernández López                 Lugo. 
5. Serafín Santamariña Sanmartín      Fene – A Coruña. 
6. Walter Andrés Almirón García         Arxentina “GAITEIRO DE SOUTELO” 
7. Daniel Lumbreras Rodríguez           Donosti “GAITEIRO DE SOUTELO” 
8. Raquel García Martínez                   Valencia “GAITEIRO DE SOUTELO”

Xa está na rúa a nosa Revista ATENEA nº 45

Xa está na rúa a nosa revista ATENEA o seu número 45, podedes descargala neste enlace:

http://issuu.com/ateneoferrolan/docs/atenea.45.web

Grazas a tod@s os colaboradores que fixeron posible a edición deste novo número!

Reseña Mestre Constantino Bellón

CONSTANTINO BELLON

Lago, Valdoviño. Nesta parroquia de Ferrolterra nace en 1896 Constantino Bellón, fillo de gaiteiro, sobriño de artesán construtor de gaitas. Poucos anos máis tarde percorrería estas terras acompañando co redobrante ao seu pai comezando, como tantos outros gaiteiros tradicionais, unha aprendizaxe familiar.

Aos dezaoito anos vai facer o Servizo Militar á cidade de Ferrol, ingresando na banda de música como saxofonista. Aló e onde recibe a súa primeira formación musical formal. Anos máis tarde, ao rematar o servizo militar, ingresa na Empresa Nacional Bazán. Nela organiza a Banda de Gaitas, que se xunta á de Corneta e Tambores, anterior a ela. Ambas bandas nútrense dos aprendices da empresa, que daquela auspicia actividades musicais, coma a citada e a Coral Polifónica da Bazán dirixida polo Padre Fanego.

Bellón está vencellado á música desde dentro de Bazán,onde chega a dirixila Banda de Música da Empresa, participando tamén na formación da Orquestra Copacabana. Daquela colabora tamén como saxofonista en varias outras orquestras da bisbarra ferrolá.

Pero a gaita chama polo saxofonista, director de banda e instrutor de moitos gaiteiros, dentro e fóra de Bazán, e a finais dos anos cincuenta preséntase co pseudónimo de O CADAVAL ao concurso «Camino de la Fama” que se celebraba no Teatro Renacimiento de Ferrol. Acompañaban ao piano o mestre Malde e a obra era Follas Novas de Brage, arranxada por Bellón para piano e gaita en Do.

Á novidade da combinación sumouse a unha interpretación impecable, que entusiasmou ó público, conseguindo o Primeiro Premio do concurso.

Por Xan Silvar

Exposición Fotográfica 24x24 ate finais de xullo 2013

Fallo do XXIII CERTAME FOTOGRAFÍA DE MEDIO AMBIENTE 2013

O Xurado cualificador do XXIII CERTAME FOTOGRAFÍA DE MEDIO AMBIENTE 2013, organizado polo Ateneo Ferrolán, integrado polos fotógrafos RODRIGO RAMOS ARDA, OVIDIO ALDEGUNDE ÁLVAREZ, AROA FERNANDEZ CARBALLO e actuando como secretaria sen voto, CRISTINA MEIZOSO ALONSO, reunido o día 24 de maio de 2013, toma os seguintes acordos:

Unha vez examinadas a totalidade de fotografías presentadas a concurso, de acordo coas Bases e por unanimidade DECIDE:

           

1)     Descualificar un total de ___0__ dos traballos presentados, por non axustarse ás Bases

2)     Seleccionar _50_ das fotografías presentadas a Concurso, para incluír na exposición itinerante, tal e como se indica nas Bases, e que participa no Outono Fotográfico de Ourense.

3)     OUTORGALOS seguintes Premios, sendo

3º PREMIO: JAVIER FERNANDEZ FERRERAS – “MAR DE CAUCHO” – BIZCAIA

2º PREMIO: JOSE A. GARCÍA VARELA – “SACIANDO LA SED” – CURTIS (A CORUÑA)

1º PREMIO:  JUAN ANTONIO PALACIOS – “LA ROCA” – EIBAR-GUIPUZCOA

Así mesmo o Xurado decide conceder _3_ MENCIÓNS ESPECIAIS querendo destacar o alto nivel acadado nesta edición:

- JOAN MASDEU VIÑAS – “CAMINO DE L’AURORA” – RIPOLL – GIRONA

- VICTOR RIVERA JOVE – “MURCIÉLAGO” – FERROL

- JOSE BEUT DUATO – “NIEBLA” – VALENCIA

Sesión Vermú Solidaria no Ateneo Ferrolán

O sábado día 8 de xuño ás 12 ate .... o que aguantemos haberá unha Sesión Vermú Solidaria no Ateneo con: pinchos, repichocas e música tradicional en directo, .. e por suposto vermú!

Pola Defensa do ATENEO FERROLÁN e da súa SEDE!

ACUDE e DIFUNDE!