Acollemos o vindeiro 19 de outubro, ás 11:00 horas, unha formación organizada por Slow Food Compostela baixo o título Do produto local ao prato: novas oportunidades para a restauración.
A xornada, dirixida ao sector da restauración de Ferrolterra, ten como obxectivo achegar ferramentas e coñecementos prácticos para incorporar o produto local e de proximidade ao traballo diario dos establecementos hostaleiros, apostando por unha restauración máis sostible e comprometida co territorio.
Durante a formación abordaranse cuestións de interese para os profesionais do sector, como o uso do produto de proximidade, as certificacións, a etiquetaxe e a xestión dos residuos. Será tamén unha oportunidade para resolver dúbidas, compartir experiencias e coñecer mellor os recursos dispoñibles para avanzar cara a modelos de restauración máis responsables.
A iniciativa busca poñer en valor os produtos locais e as posibilidades que ofrecen para fortalecer a economía de proximidade, contribuír á sustentabilidade e establecer vínculos máis estreitos entre a produción local e a gastronomía.
O proxecto conta co financiamento da Deputación da Coruña e está dirixido aos establecementos de restauración dos concellos de Ares, Fene, Ferrol, Mugardos, Narón, Neda, Valdoviño, San Sadurniño, Moeche, As Somozas e Cedeira.
Data: 19 de outubro
Hora: 11:00 h
Lugar: Ateneo Ferrolán
Para obter máis información, as persoas interesadas poden contactar con Slow Food Compostela no teléfono 630 484 944 ou a través do correo electrónico ferrolterra@slowfoodcompostela.es.
Como sempre encantados de colaborar con iniciativas que favorecen a formación, a sustentabilidade e a dinamización do tecido social e económico de Ferrolterra.
Ningún comentario:
Publicar un comentario