¡¡¡ Curso e Obradoiros
do Ateneo Ferrolan en outono !!!
Máis información: 981.357.970 e secretaria@ateneoferrolan.org
03 outubro 2013
02 outubro 2013
Presentación do libro FENYA (1941-1961) xoves día 3 de outubro ás 20h.
O xoves día 3 de outubro ás 20 horas terá lugar no Ateneo
Ferrolán a presentación do libro:
FENYA 1941-1961
(Fabricaciones
Eléctricas Navales y Artilleras - La fábrica de Canido y sus patentes ) do autor Justino Fernández.O libro reconstrúe a historia da primeira etapa da fábrica, caracterizada pola fabricación de teléfonos e máquinas eléctricas: motores e xeradores. Esta fábrica ten a peculiaridade de iniciar a fabricación con modelos propios que con anterioridade foron rexistrados como patentes.
Algún destes modelos e os soportes tecnolóxicos ( desenvolvemento da patente e planos da Oficina Técnica da Fábrica formarán parte da exposición do traballo. -
01 outubro 2013
Tres Exposicións do "Outono Fotográfico". Outubro 2013
O Ateneo Ferrolán albergará durante o mes de Outubro tres exposicións de fotografía da sección oficial do Outono Fotográfico.
O mércores día 2 farase un pequeno acto inaugural as 20:00 h.
As mostras son as seguintes:
"Australian Dream" de David Simon Martret
"Malaysian Primary School" de Leafhopper
"Augas de Galicia" de Fran Nieto
Esperamos contar coa vosa presenza!
O mércores día 2 farase un pequeno acto inaugural as 20:00 h.
As mostras son as seguintes:
"Australian Dream" de David Simon Martret
"Malaysian Primary School" de Leafhopper
"Augas de Galicia" de Fran Nieto
Esperamos contar coa vosa presenza!
19 setembro 2013
Presentación do libro “Palabras”
O mércores día 25 de setembro de 2013 ás 20 h. no Ateneo Ferrolán presentación do libro “Palabras”; do ilustrador Xaquin Marín e o fotógrafo Gabriel Tizón, prólogo de Quico Cadaval.
Falarán deste libro: Xaquin Marín e Gabriel Tizón xunto co periodista Nicolás Vidal.
Falarán deste libro: Xaquin Marín e Gabriel Tizón xunto co periodista Nicolás Vidal.
Proxección documental "A fazaña da liberdade"
O Xoves 26 de Setembro de
2013 ás 19,30 h., o Ateneo Ferrolán proxectará o documental biográfico sobre
Alexandre Bóveda do director Senén Outeiro "A fazaña da liberdade", o acto será presentado polo
historiador Bernardo Máiz. A entrada é de balde.
11 setembro 2013
CONVOCATORIA ASEMBLEA XERAL EXTRAORDINARIA o 27 setembro 2013
Ferrol
10 de setembro de 2013
CONVOCATORIA
ASEMBLEA XERAL EXTRAORDINARIA
Benquerido/a
socio/a:
Por
medio da presente convocámoste á Asemblea Xeral Extraordinaria que
se celebrará o venres día 27 de setembro ás 20 horas en primeira
convocatoria e ás 20,30 horas en segunda no salón de actos do
Ateneo Ferrolán, coa seguinte
ORDE
DO DÍA
1.- Lectura e
aprobación da Acta anterior.
2.- Informe
Directiva.
3.- Proposta
datas apertura proceso para convocatoria de eleccións a Xunta
Directiva.
4.- Rogos e
preguntas
Sen
máis e agardando a túa imprescindible asistencia, recibe un cordial
saúdo da Xunta Directiva,
Asdo.-
Ramón Veloso Rodríguez
Presidente
03 setembro 2013
Acta Final do XXIº Concurso Internacional de Composición e Gaita Galega “Constantino Bellón” 2013 no Teatro Jofre
XXI CONCURSO DE GAITA GALEGA “CONSTANTINO
BELLÓN” - ANO 2013
En Ferrol a 31 de agosto de 2013, no
Teatro JOFRE, o XURADO cualificador do XXIº Concurso Internacional de Composición
e Gaita Galega “Constantino Bellón”,
integrado por :
*
Víctor Fernández Gabeiras
*
Xabier Rodríguez Fariñas
* Pablo
López Torneiro
* Xoán
Rodríguez Silvar
* Xesús
Vaamonde Manteiga
e actuando como secretaria sen voto, Cristina Meizoso Alonso, unha vez escoitadas e valoradas
a totalidade das pezas presentadas a esta final do Concurso, así como a
interpretación de tódolos gaiteiros finalistas,
Acordan outorgar o Premio
SEIVANE que consiste nunha gaita feita e personalizada especialmente para
esta edición (punto g) correspondente ao
“Gaiteiro de Soutelo” a :
Raquel García Martínez Valencia
_________________________________________________________________________________________
Acordan outorgar dous accésit de 1.000 € cada un a:
Daniel Fernández López Lugo
_________________________________________________________________________________________
Daniel Lumbreras Rodríguez Donosti
_________________________________________________________________________________________
Así mesmo, ACORDA
por unanimidade, concederlle o PREMIO ÚNICO de 3.000 € deste 21º
Concurso Internacional de Composición e Gaita Galega “Constantino Bellón” a
Pablo Devigo Vázquez Castro
Caldelas - Ourense
_________________________________________________________________________________________
O Xurado quere facer constar o importante nivel de
calidade acadado por tódolos finalistas seleccionados para este Concurso Internacional
de Gaita Galega na súa vixésima primeira edición.
29 agosto 2013
Concurso de Composición para Gaita Galega Solista 2013
Concurso de Composición
para Gaita Galega Solista
Punto nº 9 do XXI
Concurso Internacional de Composición e Gaita Galega
“CONSTANTINO
BELLÓN” 2013
En Ferrol, o día 28
de agosto de 2013, na sede do Ateneo Ferrolán, sito na rúa
Magdalena 202-204 o XURADO
ACORDOU, conceder ó PREMIO
de Composición para Gaita Galega Solista a:
DANIEL ROMAR SAMBADE
pola obra “Fantasía
concertante para gaita e banda”.
Así mesmo acordan conceder os accésit a:
JAVIER
Mª LÓPEZ RODRÍGUEZ
pola obra “The bagpipe in my life”. (Para gaita solista en Do 5 con quinteto de frauta, clarinete,
piano, violín e violonchelo)
LOIS
PRADO FERNÁNDEZ pola obra “Son das on das Son”.
(Para gaita solista e corda)
28 agosto 2013
Mención Gaita de Ouro "Constantino Bellón" 2013
Témolo
pracer de comunicar o acordo tomado en Xunta Directiva, referente á Institución
da Mención Honorífica do Ateneo Ferrolán, na modalidade de Gaita de Ouro
“Constantino Bellón” e a concesión da mesma.
A
imposición da citada Mención terá lugar no ACTO que se celebrará o próximo sábado día 31 de agosto, as 20 horas,
no Teatro JOFRE de Ferrol na Final do XXI Concurso Internacional de Composición
e Gaita Galega “Constantino Bellón”,.
O Ateneo Ferrolán
acorda concedela Mención Gaita de Ouro
“Constantino Bellón” correspondente ao ano 2013 a:
PABLO
CARPINTERO
pola súa
labor desenvolvida como gaiteiro, investigador e artesán.
Pablo Carpintero naceu en San Cristobo de
Castro, no concello de Carballedo, na provincia de Lugo en 1969. É gaiteiro
desde os oito anos e estudou ciencias biolóxicas na Universidade de Santiago de
Compostela onde, en 1992, acadou o grao de
doutor. Nesta mesma universidade obtivo o diploma de estudos avanzados
en musicoloxía no ano 2006.
Hai máis de vinte anos que se dedica a estudar
e difundir os nosos instrumentos musicais, para o que ten feito traballo de
campo en toda Galicia, Asturias, Portugal e o Bierzo, estudando principalmente
a gaita de fol e a súa música. Froito deste traballo é a súa obra de
investigación máis destacada: “Os instrumentos musicais na tradición galega”, onde
se dá conta de máis de 150 instrumentos musicais empregados na Galicia tradicional.
Ten editado tamén numerosos traballos discográficos, ben cos seus grupos
“Ultreia” e “A Requinta de Xián”, ben con gaiteiros de idade para consevar os
seus orixinais sons.
Pablo Carpintero é membro directivo da
Asociación de Gaiteiros Galegos e forma parte da comisión do Arquivo Sonoro do
Consello da Cultura Galega. Traballou seis anos como técnico do proxecto Ronsel
para a posta en valor do Patrimonio Cultural de Galicia e, en 2011, foi
escollido para formar parte do comité da UNESCO que avalía as candidaturas á
Lista Representativa de Patrimonio Cultural Inmaterial da Humanidade, tarefa
que segue a realizar na actualidade.
Hai máis de dez anos que colabora na sección
“O Recuncho da Palleta” dentro do programa “Lume na Palleira” da Radio Galega,
e desde hai tres anos realiza unha sección dentro do programa “Luar” dedicada á
nosa música máis tradicional.
Na actualidade dedícase á fabricación de
gaitas de fol, percusión, requintas e frautas no seu obradoiro de Santiago de
Compostela, sendo a súa principal teima a réplica de gaitas de fol antigas e a
recuperación dos seus sons.
Conexión con Pablo Carpintero en directo dende o Teatro Jofre.
22 agosto 2013
XXI Concurso de Composición e Gaita Galega “CONSTANTINO BELLÓN”
O Ateneo
Ferrolán comprácese en convidarlle aos
actos do
XXI Concurso de Composición e
Gaita Galega
“CONSTANTINO BELLÓN”
Data: sábado día 31 de agosto
de 2013
HORARIO: 20 h. LUGAR: Teatro JOFRE - Ferrol.
19 agosto 2013
Acta Selección Gaiteiros Solistas 2013
XXI Concurso Internacional de
Composición e Gaita Galega
“CONSTANTINO
BELLÓN” 2013
Acta Selección Gaiteiros Solistas 2013
En Ferrol, o día 16
de agosto de 2013, na sede do Ateneo Ferrolán, sito na rúa
Magdalena, 202-204 o XURADO do XXI Concurso Internacional de Composición e
Gaita Galega “CONSTANTINO BELLÓN”, composto por:
D.
Víctor Fernández Gabeiras
D.
Xesús Vaamonde Manteiga
D. Xavier
Rodríguez Fariñas
D. Pablo
López Torneiro
D. Xoán
Rodríguez Silvar
e actuando como
secretaria, sen voto, Dona María Cristina Meizoso Alonso, unha vez escoitadas e
valoradas a totalidade das pezas presentadas a concurso, así como examinadas as
partituras que se requirían para participar no mesmo,
ACORDOU, por unanimidade seleccionar aos seguintes finalistas:
- David Fernández Vaamonde Coruña.
- Pablo Devigo Vázquez Castro Caldelas - Ourense.
- Carme López Fernández Lugo.
- Daniel Fernández López Lugo.
- Serafín Santamariña Sanmartín Fene – A Coruña.
- Walter Andrés Almirón García Arxentina “GAITEIRO DE SOUTELO”
- Daniel Lumbreras Rodríguez Donosti “GAITEIRO DE SOUTELO”
- Raquel García Martínez Valencia “GAITEIRO DE SOUTELO”
Subscribirse a:
Publicacións (Atom)