Conversas sobre a novela: "Cuando estalló la noche. El enemigo no sospechaba". Club de Lectura: martes día 5 de abril ás 17 h.

 

 Club de Lectura do Ateneo martes día 5 de abril ás 17 h.

 

Conversas sobre a novela: "Cuando estalló la noche. El enemigo no sospechaba", coa participación do autor Guillermo Llorca e de Ángeles Seoane, profesora de Literatura e directora do Clube de Lectura do Ateneo.

 

Esta ficción literaria, inspirada en acontecementos reais, pode enmarcarse no xénero de thriller policiaco. Sitúase na II Guerra Mundial cando as tropas de Hitler acaban de ocupar Francia e esténdense de forma imparable por outros lugares do continente.

Presentación Libro "La hija del conserje" de Alberto V. Serantes. Venres día 8 de abril ás 19 h.

 

 

Presentación do Libro "La hija del conserje" de Alberto V. Serantes

 Venres día 8 de abril ás 19 h.

 

 

Na presentación contaremos coa presenza de Julia Graña máis o autor Alberto Serantes.

 

Esta é a historia dun soto, un lugar escondido á vista, un escuro almacén onde se garda un misterio. É un relato de historias inconclusas reflectidas nos ollos do espectro dunha nena que se esconde, unha e outra vez, tras deixar en quen a ve o recordo dunha mirada cargada de pánico.

Exposición Mostra de Fondos Artísticos. Ate o 30 de abril de 2022.

 

Exposición Patrimonio do Ateneo Ferrolán e conmemoración do aniversario da fundación do Ateneo na cidade de Ferrol (1879-2022). 143 anos do Ateneo na cidade de Ferrol.

Mostra de Fondos Artísticos ate o 30 de abril de 2022.

 

#Ateneo #SomosCultura #SomosIlustración #Ferrol #Galiza

 

 

COLOQUIO: "Del Audiovisual a PROA Avante ...". Mércores día 23 de marzo ás 19,30 h.

 

Día 23 de marzo ás 19,30 h. no Ateneo Ferrolán 

COLOQUIO:

"Del Audiovisual a PROA Avante: Hildegart el éxito de la Pedagogía. Aurora el infortunio de la Locura"

Formaràn parte:

Germán Castro, Eliseo Fernández , Henrique Dacosta e Rosa Cal .

Acto Recepción do Patrimonio e Aniversario do Ateneo Ferrolán. Xoves día 24 ás 19,30 h

 

Xoves día 24 de marzo de 2022 ás 19,30 h. 

 

Invitación ao acto de recepción do patrimonio do Ateneo Ferrolán e conmemoración do aniversario da fundación do Ateneo na cidade de Ferrol (1879-2022). 143 anos en Ferrol. 

 

Contaremos coa presenza do Alcalde de Ferrol Angel Mato que xunto co Presidente do Ateneo Xavier M. Dongil farán un percorrido polo edificio Ateneo Ferrolán. 

 

Enlace: 

Breve historia do Ateneo na cidade de Ferrol  

https://ateneo-ferrolan.blogspot.com/2005/01/ateneo-ferroln-sa-historia.html  

 

 

 

#Ateneo #SomosCultura #SomosIlustración #Aniversario #Ferrol #Galiza

CARVALHO CALERO volta a REIVINDICARSE. Domingo 27 de marzo ás 12 h.

CARVALHO CALERO volta a REIVINDICARSE

Domingo día 27 de marzo de 2022 ás 12 h.

O Bloque Nacionalista Galego, a Asociación Veciñal de Ferrol Vello a Asociación Cultural Ferrolterra Antiga, a Sociedade Cultural Medulio, o Ateneo Ferrolán e a Fundaçom Artábria convocan un concentración, o vindeiro domingo día 27 de marzo ás 12 horas na praza Vella, para esixir ao goberno local que non paralice o proxecto de rehabilitación da casa natal de Carvalho Calero. 

O Ateneo Ferrolán xunto cas asociacións que promovimos a consideración de espazo dotacional a Casa de Carvalho Calero e 2 parcelas anexas a esta, logo da sentencia do Tribunal Supremo que anula a Plan Especial do barrio de Ferrol Vello, ACORDAMOS realizar unha CONCENTRACIÓN na Plaza Vella o vindeiro domingo día 27 de marzo ás 12 h. na que serán presentadas alternativas para superar a situación creada pola sentencia do Supremo e para acollernos aos fondos europeos previstos para este tipo de actuacións.

Presentación de "Unha nova Olanda. De Ferrol a Porto: as cidades galegas e o escenario global". Xoves 17 de marzo ás 19 h.

O xoves 17 de marzo, celebrarase, ás 19 h, no Ateneo Ferrolán, a
presentación de "Unha nova Olanda. De Ferrol a Porto: as cidades
galegas e o escenario global", de Antón Baamonde.

Acompañando o autor, estarán o escritor Xavier Seoane, e o director de
Radio Fene, Henrique Sanfiz, en calidade de moderador.

Presentación da novela "Matarán a Reboiras" de Luís Rei. Venres 18 de marzo ás 19,30 h.

 

Presentación da novela "Matarán a Reboiras" de Luís Rei

Venres día 18 de marzo ás 19,30 h. no Ateneo Ferrolán

 

Interveñen: Xosé Lastra, profesor. Bernardo Máiz, historiador. Fran Alonso director de XERAIS e o propio autor Luis Rei

 

No verán de 1975, no Ferrol que tres anos atrás vivira tráxicas xornadas de insurrección obreira, Moncho Reboiras cae abatido logo dunha asañada persecución da policía franquista.

 

Décadas despois, un comité de emerxencia impulsa a loita contra unha agresión ecolóxica produto da arbitrariedade corrupta e a cobiza.

 

Xa a comezos do século actual, o reporteiro gráfico Nardo Negro documenta eses acontecementos desde os días vertixinosos do Nunca Máis e do Non á Guerra, nun dos momentos de maior manipulación política da Televisión de Galicia.

 

Ao tempo, Marabillas Párraga, unha singular monxa galeguista e de esquerdas, nárrao todo para nós con precisión e claridade.

 

En «Matarán a Reboiras», Luís Rei Núñez déixase guiar polos seus protagonistas e proponnos unha novela na que mandan as vidas e os tempos, sempre incertos.

 

#Ateneo #SomosCultura #Libros #Historia #Ferrol #Galiza

 

 

A nosa Revista Atenea nº 50. Marzo 2022

 

A nosa Revista Atenea nº 50 

 

Lectura e descarga aquí:  

https://drive.google.com/file/d/11xG8ocL3agBjlnPLThw30eTrtAVwiJgF/view?usp=sharing  

 

#Ateneo #SomosCultura #10M #Publicacións #Ferrol #Galiza

 

Sumario:

 

 

“A ÚLTIMA TRINCHEIRA DO 72: VIVENZAS DE MULLER E DE CLASE”. Venres día 4 de marzo ás 19,30 h.

Acto “A ÚLTIMA TRINCHEIRA DO 72: VIVENZAS DE MULLER E DE CLASE”

 

Terá lugar no Ateneo Ferrolán organizado dende o núcleo do PCG en Ferrolterra.

 

Venres 4 de marzo ás 19,30 h.

 

A través da voz e experiencias de Sari Alabau, Manuela López, Fina Varela e María Alarcón.

 

Camaradas que na súa triple condición de muller, obreiras e comunistas foron o sostén dunha xornada de loita e solidariedade de clase que fixo tremer ao país.

 

Presenta o acto a camarada Belén Aneiros.

 

#Ateneo #SomosCultura #10marzo72 #MemoriaHistórica #Ferrol

Presentación en Ferrol do trailer promocional do filme "10 DE MARZO" de Roi Cagiao. Venres día 4 de marzo ás 12 h.

 

O VENRES 4 DE MARZO ás 12:00 horas presentase no Ateneo Ferrolán
o trailer promocional do filme 10 DE MARZO, que aborda por primeira vez en
formato de longametraxe documental os acontementos do 10 de Marzo de 1972
en Ferrol, os feitos máis icónicos da loita polas liberdades e os dereitos sociais no
noso país no tramo final do franquismo.
 

Unha presentación que se enmarca dentro dos actos do 50 aniversario do 10
de marzo en Ferrol que contará coa presenza do director Roi Cagiao e o produtor executivo Emilio J. Fernández para a presentación do trailer oficial.
 

O filme narra, cronoloxicamente, dende a elección do xurado de empresa
en 1972, a negociación do convenio, os acontecementos dos días 9 e 10 de
marzo e a repercusión internacional dos mesmos, así como o chamado “Proceso
dos 23” no que os principais protagonistas foron xulgados tres anos máis tarde.
 

A través de entrevistas aos protagonistas dos feitos, materiais de arquivo
fotográficos e documental de época e secuencias dramatizadas sobre algún dos
momentos máis importantes da trama, o filme reconstrúe os acontecementos.
Roi Cagiao e a produtora Arthur Gordon, despois da exitosa ‘Vigo 1972’
volven a afondar na historia social galega contemporánea con este novo filme
que se estrenará en salas de cine a finais de 2022.
 

10 DE MARZO conta co patrocinio do Concello de Ferrol, o Sindicato
Nacional de CCOO Galicia e Navantia, e coa participación de Fuco Buxán,
Fundación 10 de Marzo, Federación de Pensionistas de CCOO de Galicia e
Witland Centro Negocios.
 

www.galicia10demarzo.com
Redes sociais:
Facebook: https://www.facebook.com/galicia10marzo
Instagram: @10marzo_pelicula
Twitter: @GaliciaMarzo

"OS RESTOS DO FRANQUISMO EN FERROL E GALIZA" Conferencia de Manuel Monge. Xoves, 3 de marzo ás 19,30 h.

 

OS RESTOS DO FRANQUISMO EN FERROL E GALIZA

 

Conferencia de Manuel Monge. Xoves, 3 de marzo ás 19,30 horas

No Ateneo Ferrolán

Manuel Monge, mestre e sociólogo, é membro do colectivo de presas e presos políticos de Ferrol na ditadura. Estivo dous meses no cárcere da Coruña con motivo da mobilización en Ferrol contra o Proceso 1001 e despedido do Colexio Tirso de Molina.

 

Novamente despedido “por orden gubernativa”, cando traballaba como mestre no antigo Colexio Público Ibáñez Martín de Ferrol.

 

Nesta conferencia explicará o contido do seu libro OS RESTOS DO FRANQUISMO EN GALIZA, que recolle máis de 600 símbolos franquistas en 90 concellos. Ferrol conserva hoxe 50 símbolos franquistas, que deberían estar xa retirados en aplicación da Lei de Memoria Histórica.

 

O Pleno da corporación de Ferrol de 2 de marzo de 1981 aprobaba a retirada de 61 rúas relacionadas co franquismo. Moitas delas consérvanse no Arsenal Militar de Ferrol a pesar de que o Pleno da corporación municipal aprobou en varias ocasións solicitar ao Ministerio de Defensa a retirada desas rúas. O colectivo de presas e presos políticos de Ferrol denunciou ao Ministerio de Defensa ante a Fiscalía de Galicía por este incumprimento da Lei de Memoria Histórica, que foi remitida recentemente á Fiscalía

do Tribunal Supremo.

 

Estas son as nove rúas que se conservan no Arsenal Militar: Salvador Moreno Fernández, José María González-Llanos, Soldado Lois, Almirante Fernández Martín, Almirante Vierna, Cándido Pérez, Crucero Baleares, Almirante Honorio Cornejo e Marqués de Alborán.

 

Aínda conservan a distinción de Fillos Adoptivos ou Predilectos de Ferrol os seguintes ministros de Franco: Pedro Nieto Antúnez, Gonzalo Fernández de la Mora y Mora, José María Martínez y Sánchez-Arjona, Manuel Lora Tamayo, Jorge Vigón Suerodíaz, Fernando Suárez de Tangil y Angulo, Pablo Martín Alonso, Salvador Moreno Fernández, Juan Antonio Suanzes Fernández. Tamén son Fillos Adoptivos o golpista Francisco Núñez Rodríguez –almirante da Armada e Capitan Xeneral da Zona Marítima

do Cantábrico– e o falanxista Enrique Salgado Torres.

 

O militar golpista Juan Cardona dá nome a un hospital de Ferrol e no seu aparcamento consérvase unha escultura dedicada ao golpista Camilo Alonso Vega, coñecido na ditadura polo seu papel represor como Ministro de Gobernación. Sinala a placa:

“Capitán General, hijo predilecto de la ciudad, soldado heroico, gobernante ejemplar”.

 

A Igrexa castrense de San Francisco é un auténtico museo de exaltación do franquismo cunha cruz “a los caídos por Dios y por España” e unha placa “a los gloriosos caídos del Baleares”.

Palestra e Proxección do Audiovisual "A semente de 1972". Xoves 24 de febreiro ás 19 h.

 

Palestra e Proxección do Audiovisual "A semente de 1972" o xoves día 24 de febreiro ás 19 h. no Ateneo Ferrolán

 

50 anos do 10 de marzo do 72 - #DíaDaClaseObreiraGalega #CIG