MARTES de CINE no Ateneo Ferrolán
Ciclo: "Cine feito por mulleres"
Todos os martes ás 19 h. do 27 de abril ao 25 de maio de 2021
26 abril 2021
21 abril 2021
A nosa revista ATENEA nº 47
A nosa revista "ATENEA" nº 47
#Ateneo #SomosCultura #Publicacións #Ferrol #Galiza
Descarga:
https://drive.google.com/file/d/1-fv6XO0TBIfBJut_yMw1Ff0Ok1n4Yeyr/view?usp=drivesdk
Sumario:
15 abril 2021
Exposición do XIV Premio Ksado de Creación Fotográfica da Deputación da Coruña. Do 6 de maio ao 6 de xuño de 2021
Exposición do XIV Premio Ksado de Creación Fotográfica
Do 6 de maio ao 6 de xuño de 2021
As salas do Ateneo Ferrolán acollerán dende o 6 de maio ao 6 de xuño deste ano 2021 unha exposición cos traballos premiados na decimocuarta edición do galardón de Creación Fotográfica Luis Ksado da Deputación da Coruña. Trátase dun premio que xa é un referente no eido da fotografía en Galicia e mesmo en España.
Tendo en conta a significación especial que, para a difusión das artes da imaxe e, especialmente da fotografía, posúe, dende hai tempo a nosa provincia e coa finalidade de contribuír á conservación da memoria de personaxes tan representativas neste campo como foi Luís Ksado, a Deputación da Coruña convoca o Premio “Luís Ksado” de Creación Fotográfica.
O vindeiro día 6 de maio abrirase no Ateneo Ferrolán a exposición do XIV Premio Ksado de Creación Fotográfica da Deputación da Coruña. A colección "Fillos de Breogán" do lugués Alejandro Real e "Gangborder" de Javier Arcenillas, gañadores do certame, poderanse ver en Ferrol até o 6 de xuño nunha itinerancia que visitará varios concellos da provincia da Coruña.
"A vontade da Deputación da Coruña é contribuír á difusión das obras gañadoras dos nosos premios culturais e, neste sentido, a itinerancia da exposición do Premio Ksado permitirá que moito máis público coñeza as obras premiadas e tamén se mostren en concellos pequenos, con máis dificultade para a programación cultural de artes plásticas", sinala o deputado de Cultura, Xurxo Couto.
Da colección de Alejandro Real, "Fillos de Breogán", o xurado destacou que se trata dunha "serie moi consistente cunha forma pouco usual e moi orixinal de achegarse ao motivo fotografado"
En canto "Gangborder" de Javier Arcenillas, trátase, segundo o xurado, "dunha aposta de fotoxornalismo impecable, con moita forza e supón un relato redondo sobre un conflito case esquecido".
Alejandro Real naceu en Lugo en 1983. Os seus comezos na fotografía datan do 2008 de forma autodidacta aínda que logo completa a súa formación como Técnico Superior de Artes Plásticas e deseño en Fotografía Artística na Escola de Arte Ramón Falcón de Lugo. Gañou premios como o do Maratón fotográfico do campus de Lugo, o Concurso de relato fotográfico Dra. Susana Santeiro ou o concurso Findecurta. Os seus comezos foron na fotografía dixital, mais pronto empeza a se interesar pola fotografía clásica, traballando na actualidade en grande formato analóxico.
Javier Arcenillas naceu en 1973 en Salamanca e, como fotoxornalista, desenvolve ensaios humanitarios en que os protagonistas están integrados en sociedades que limitan e agreden toda razón e dereito. Gañou importantes premios internacionais, como o Arts Press Award, Kodak Joung Photographer, Euro Press de Fujifilm, Terceiro premio FotoPres, Luís Ksado, Poyi, Eugene Smith Grant ou World Press Photo. As súas reportaxes máis completas pódense ver en publicacións coma Time, Spiegel, Stern, Lens El Periódico de Guatemala, El País, El Mundo, Sunday Times, Gatopardo ou IL Magazine. Ten catro libros publicados como "City Hope", "Welcome", "Sicarios" "UFOpresences".
XIII Semana Poesía Salvaxe no Ateneo o xoves 22 de abril de 2021
XIII Semana Poesía Salvaxe
Estarán no Ateneo Ferrolán coa súa palavra encarnada o xoves día 22 de abril
ás 12,30 h. -
Francisco Cadaval Quico Cadaval
ás 18 h. -
Carlos d'Abreu
e Elisabete Marques
Programa completo:
11 abril 2021
A reforma da Praza de Armas en Ferrol reutiliza os elementos «nobles» da praza. "Toros Ibéricos" de Alberto
A reforma da Praza de Armas en Ferrol reutiliza os
elementos «nobles» da praza.
"Toros Ibéricos" de Alberto
A reforma da Praza de Armas conserva
parte dos elementos da anterior praza, pero buscándolles unha nova localización. É o caso da escultura dos "Toros Ibéricos",
obra do artista toledano Alberto, (cedida a traves do #Ateneo ao pobo de Ferrol) que se colocou
nunha localización máis visible que a anterior, porque é o único elemento
catalogado de todo o conxunto.
Algo de historia sobre o monumento Toros Ibéricos
O monumento foi
doado no ano 1979 pola Fundación Alberto ao pobo de Ferrol, a través do Ateneo Ferrolán á cidade.
Nos pequenos xardíns que bordean a céntrica praza de Armas de Ferrol
encóntrase situada a obra escultórica Toros Ibéricos, un traballo do artista
toledano Alberto Sánchez, máis coñecidos no mundo da arte como Alberto a secas
e considerado un dos mellores escultores españois do século XX.
O pequeno pedestal que sostén os animais foi realizado por Guillermo
Feal e leva unha pequena inscrición en recordo deste regalo: «Toros Ibéricos
Alberto 1895-1962 A Fundación Alberto ao pobo de Ferrol a traveso do Ateneo 1979».
A obra, que bota man dun material como o bronce para toda a súa
composición, toma un estética moi organicista na que as formas inspiradas pola
natureza, coa erosión da chuvia, o vento ou o sol desfán os corpos, facendo
bastante difícil recoñecer o obxecto que inspira a representación.
Alberto contorna os corpos dos touros, púleos, dálles vida mediante
unha morea de curvas e zonas erosionadas na rocha sobre a que se levantan.
Nelas, a verticalidade cobra unha gran presenza. O mesmo acontece, segundo o
volume La escultura pública en Ferrol con «a valoración do oco como factor
activo e non simplemente pasivo».
Trátase neste caso dunha obra eminentemente figurativa que nos mostra a
grande orixinalidade e saber facer do artista mediante uns touros de bronce
sumamente estilizados que parecen alzar as súas cabezas ensimesmados con algo
nas alturas.
Alberto, ocupou numerosos postos de traballo antes de dedicarse á
creación artística e quizais eses oficios -os de panadeiro e ferreiro-, nos que
tamén se afanaba na produción de formas, foron os que o empurraron a cultivar a
escultura.
Situada no centro de Ferrol, a escultura chegou a pasar practicamente
desapercibida.
Alberto Sánchez Pérez (Toledo, 8 de abril de 1895-Moscú, 12 de octubre de 1962) fue un pintor y escultor español, padre espiritual de la primera Escuela de Vallecas,1 y vocal del Patronato de Misiones Pedagógicas desde 1931.2 Exiliado en la URSS, murió en Moscú.
https://es.wikipedia.org/wiki/Alberto_S%C3%A1nchez_P%C3%A9rez
https://www.lavozdegalicia.es/noticia/ferrol/ferrol/2019/02/05/reforma-armas-reutilizara-elementos-nobles-plaza/0003_201902F5C1995.htm
https://www.facebook.com/ateneoferrolan1879/ 
Alberto Sánchez Pérez (Toledo, 8 de abril de 1895-Moscú, 12 de octubre de 1962) fue un pintor y escultor español, padre espiritual de la primera Escuela de Vallecas,1 y vocal del Patronato de Misiones Pedagógicas desde 1931.2 Exiliado en la URSS, murió en Moscú.
https://es.wikipedia.org/wiki/Alberto_S%C3%A1nchez_P%C3%A9rez
https://www.facebook.com/ateneoferrolan1879/
25 marzo 2021
Carvalho Calero. Ferrol Velho. Galiza. Lingua.
Esperamos que gostedes dos poemas de Carvalho sobre Ferrol e dos poemas que algumhas poetas escrevemos em homenagem ao escritor ferrolano.
Hoje vam 31 anos do seu passamento.
Nom nos cansaremos de reivindicar que se reabilite a sua casa, e que se destine para usos culturais, o qual suporia um importante pulo ao deteriorado bairro de Ferrol Velho.
#CarvalhoCalero #LetrasGalegas #Lingua #Ferrol #Galiza
Enlace vídeo recital: https://youtu.be/mJSXhijeKoo
24 marzo 2021
Aniversario: Ateneo Ferrolán dende o ano 1879 na cidade de Ferrol.
Aniversario
ATENEO FERROLÁN dende o ano 1879 na cidade de Ferrol.
Acta de constitución do primeiro Ateneo na cidade de Ferrol, asinada o 24 de marzo de 1879, fai 142 anos (1879 - 2021)
O Ateneo Ferrolán foi fundado no ano 1879 por un grupo de intelectuais presididos por D. Avelino Comerma y Batalla coa denominación de ATENEO ARTÍSTICO, CIENTÍFICO E LITERARIO DE FERROL.
"Polos que foron, polos que somos e polos que serán"
15 marzo 2021
Exposición de Artes Plásticas "DANTE" do 5 ao 31 de marzo
Exposición de Artes Plásticas "DANTE"
Do 5 ao 31 de marzo de 2021 na nosa Sala de Exposicións (Sala 1)
A exposición Dante, reúne a obra recente do sevillano afincado en Ares Juan Manuel Álvarez Romero,
Mané, con pinturas e esculturas realizadas entre 2019 e 2021, buscando
un sentido de unión “A Divina Comedia” coa nosa historia recente, tanto
persoal como colectiva: os padecementos e incertezas que,
a nivel mundial e humano, aínda estamos a vivir e que Mané enfoca
desde a súa visión plástica e poética sobre a Divina Comedia, de Dante,
onde indaga nos confinamentos desde o inferno “que o presenta caótico,
incluso esquecendo por momentos a orde e a composición” ata a chegada a
un paraíso que nolo mostra baleiro e silencioso, con siluetas de
humanos camiñando por horizontes afastados.
Unha visión confabuladora, do tempo da experiencia de
confinamento, capaz de transportarnos aos medos e á súa vez, liberación
do inconsciente, suscitando unha reflexión poética e onírica
no espectador a través do libre xogo dos matices, ás veces surrealistas
e ás veces post minimalistas e, suxerencias entre pinceladas texturadas e personaxes que pululan polas paisaxes que nos levan a imaxinarios repletos de grafismos
que definen o seu estilo desde os seus inicios como pintor, e que busca
quizais nun momento oportuno como este, a súa visión e interese como
creador.
Artista multidisciplinar, Juan Manuel Álvarez Romero, Mané tamén poeta
e escultor, disciplinas que conforma un conxunto de todas elas e que
responde a unha vontade integrativa, nunha experimentación
continua, fainos un retrato tanto da humanidade como da condición
humana.
Así, Mané, comparte, “móstranos” a súa percepción do tempo presente e
pasado, das accións e acontecementos, que ocorren e repítense ao longo
da historia da humanidade –E que parece que esquecemos– .
Estas obras convídannos tamén a recobrar o instante vivido, o sentido e a
aprendizaxe de mirar e mirarnos no continuo presentir e sentir á vez,
dun mundo transformador que nos ensina a vivir nunha conciencia
evolutiva e cambiante que pode parecer ou é á vez involutiva.
Conferencia audiovisual "Da guerra e o seu relato na arte contemporánea en Galicia" por Rosario Sarmiento. Mércores día 17 de marzo ás 19 h.
Conferencia audiovisual "Da guerra e o seu relato na arte contemporánea en Galicia" por Rosario Sarmiento
Mércores día 17 de marzo de 2021 ás 19 h.
‘DA GUERRA COMA ARTE Á ARTE EN CONTRA DA GUERRA’ REIVINDICA O PAPEL DOS ARTISTAS GALEGOS NA DENUNCIA DOS CONFLITOS ARMADOS
-
Un ciclo de actividades culturais achegará ao público o relato da guerra na arte contemporánea de Galicia
-
Coordinado pola historiadora da arte Rosario Sarmiento e patrocinado pola Deputación da Coruña, o programa cultural inclúe a celebración dun ciclo de conferencias e a difusión de materiais divulgativos en formato audiovisual e impreso
-
A iniciativa bota a andar nas comarcas da Coruña, Ferrol e Santiago con máis dunha ducia de actividades programadas en xaneiro e febreiro
Esta iniciativa, organizada pola firma cultural A Forxa, co patrocinio da Deputación da Coruña, e coordinada pola historiadora da arte Rosario Sarmiento (www.rosariosarmiento.gal), quere achegar á sociedade galega o relato da guerra a través da arte contemporánea de Galicia.
“A guerra, os seus protagonistas, os seus escenarios e as súas consecuencias ten sido na arte contemporánea un tema sobre o que moitos creadores traballaron, denunciando moitas veces os abusos, as atrocidades e a dor que sempre deixa tras de si calquera conflito armado”, explica Rosario Sarmiento. Sen embargo, “non será ata finais do século XVIII e comezos do século XIX, cando a maneira máis académica de relatar as guerras como acontecementos heroicos ou grandiosos será posta en cuestión por un artista como Francisco de Goya, que marcará a modernidade deste xénero artístico”, apunta.
En Galicia, Ramón Parada Justel, un dos compoñentes da chamada Xeración Doente será pioneiro nesta denuncia en 1899, co cadro A familia do anarquista o día da execución, sendo un dos nosos primeiros creadores contemporáneos que se achega á temática da violencia da guerra. “O golpe de estado de 1936, coa represión, o terror e a tremenda experiencia da Guerra Civil serán claves para o posicionamento e a denuncia de moitos dos artistas que contribuirán á modernidade da creación plástica nas primeiras décadas do século XX en Galicia”, sinala Sarmiento.
Nomes como Luis Seoane, Castelao, Colmeiro, Arturo Souto e Federico Ribas denunciarán aos responsables do golpe e a dramática situación da poboación civil. Tamén Isaac Díaz Pardo, Conde Corbal, Agustín Pérez Bellas, Mercedes Ruibal, Xaime Quessada, Francisco Leiro, Jorge Castillo, Reimundo Patiño, Xavier Correa, Antón Patiño ou Caxigueiro expresarán o seu compromiso e deixarán en moitas obras a súa mirada de compromiso fronte á realidade da guerra.
Esa mirada é a que se achegará ao público da provincia coruñesa con este ciclo cultural que comprende un amplo programa de conferencias e a difusión destas obras a través de diversos materiais audiovisuais e impresos, coa edición de máis de 2.000 folletos e carteis.
A iniciativa bota a andar este mes, con actividades xa programadas na Coruña, Sada, Betanzos, Oleiros, Santiago e Ferrol.
Máis información
Rosario Sarmiento 619 723 760
26 xaneiro 2021
Novas restricións normativa COVID
Desde hoxe pechamos novamente o Ateneo Ferrolán en cumprimento das normas ditadas polo Goberno galego.
Agardámosvos á volta. Coidádevos moito!
Contacto:
secretaria@ateneoferrolan.org - 644.720.055
25 xaneiro 2021
Revista trimestral do Ateneo Ferrolán "ATENEA 46" - Outono 2020
Revista trimestral do Ateneo Ferrolán "ATENEA 46" - Outono 2020
Saúdavos a nova revista ATENEA DIXIT
Despois de un longo período sen editala, a Xunta Directiva,estimamos que deberíamos facer un esforzo en retomar o contacto directo cos socios e socias para recoñecerlles que a súa fidelidade é a que permite esta edición e que este formato dixital pode converterse nese nexo, tan necesario. Si ben é certo que este formato adquire outra dimensión o certo é que sen socios e socias non habería esta revista, grazas.
Enlace Revista Atenea 46:
https://drive.google.com/file/d/1pOCw_djTeWfHwwSLvIwwUMdB7dFb4Ewa/view?usp=sharing
Subscribirse a:
Publicacións (Atom)