Unha presentación que se enmarca dentro dos actos do 50 aniversario do 10
de marzo en Ferrol que contará coa presenza do director Roi Cagiao e o produtor executivo Emilio J. Fernández para a presentación do trailer oficial.
O filme narra, cronoloxicamente, dende a elección do xurado de empresa
en 1972, a negociación do convenio, os acontecementos dos días 9 e 10 de
marzo e a repercusión internacional dos mesmos, así como o chamado “Proceso
dos 23” no que os principais protagonistas foron xulgados tres anos máis tarde.
A través de entrevistas aos protagonistas dos feitos, materiais de arquivo
fotográficos e documental de época e secuencias dramatizadas sobre algún dos
momentos máis importantes da trama, o filme reconstrúe os acontecementos.
Roi Cagiao e a produtora Arthur Gordon, despois da exitosa ‘Vigo 1972’
volven a afondar na historia social galega contemporánea con este novo filme
que se estrenará en salas de cine a finais de 2022.
10 DE MARZO conta co patrocinio do Concello de Ferrol, o Sindicato
Nacional de CCOO Galicia e Navantia, e coa participación de Fuco Buxán,
Fundación 10 de Marzo, Federación de Pensionistas de CCOO de Galicia e
Witland Centro Negocios.
www.galicia10demarzo.com
Redes sociais:
Facebook: https://www.facebook.com/galicia10marzo
Instagram: @10marzo_pelicula
Twitter: @GaliciaMarzo
Ciclo
Cine Clásico – Xaneiro e Febreiro 2022
Martes día 18 de xaneiro– "Adios a las armas"
Ano 1932 Duración 78 min. País EEUU Director Frank Borzage Xenero: Drama
Reparto: Helen Hayes, Gary Cooper, Adolphe Menjou, Mary Philips, Jack La Rue, Blanche Friderici, Mary Forbes, Gilbert Emery
Sinopse: Primeira Guerra Mundial (1914-1918). Primeira adaptación da novela homónima de Ernest Hemingway. Antes de que os Estados Unidos entren na guerra en 1917, Frederick, un xornalista norteamericano, alístase como voluntario no Corpo de Ambulancias italiano para poder seguir de preto os acontecementos. Tras recibir unha ferida, ingresa nun hospital e namórase de Catherine, unha enfermeira británica.
Martes día 25 de xaneiro– "La tienda de los horrores"
Ano 1960 Duración 72 min. País EEUU Director Roger Corman Xenero: Terror Comedia
Reparto: Jonathan Haze, Mel Welles, Jackie Joseph, Dick Miller, Myrtle Vail, Leola Wendorff, Jack Nicholson, Tammy Windsor, Toby Michaels, Leola Wendorff, Lynn Storey
Sinopse: Seymour Krelboin (Jonathan Haze), un mozo dependente dunha florería, está namorado da súa compañeira Audrie (Jackie Joseph), pero ela sae cun sádico dentista. Un día, xusto despois dunha estraña eclipse, compra unha estraña planta, á que bautiza como Audrie II. A planta crece rapidamente, grazas a que Seymour proporciónalle o alimento que necesita, e convértese nun exemplar espectacular, unha verdadeira atracción para a cidade.
Martes día 1 de febreiro– "El extraño"
Ano 1946 Duración 94 min. País EEUU Director Orson Welles Xenero: Drama
Reparto: Edward G. Robinson, Loretta Young, Orson Welles, Philip Merivale, Richard Long, Konstantin Shayne, Billy House, Martha Wentworth, Byron Keith, Ethan Laidlaw, Ruth Lee, Pietro Sosso, Isabel O'Madigan, Erskine Sanford, Rebel Randall
Sinopse: Wilson, un axente da comisión de crimes de guerra, está a buscar a Franz Kindler, un dos cerebros dos campos de exterminio nazis, que conseguiu fuxir sen deixar pegadas. Seguindo a pista dun antigo camarada de Kindler chega ata Harper ( Connecticut), onde é asasinado antes de poder identificar ao fugitivo. A única pista que queda é a fascinación do criminal nazi polos reloxos antigos.
Martes día 8 de febreiro– "La burla del diablo"
Ano 1953 Duración 89 min. País EEUU Director John Huston Xenero: Aventuras
Reparto: Humphrey Bogart, Gina Lollobrigida, Jennifer Jones, Robert Morley, Peter Lorre, Edward Underdown, Ivor Barnard, Marco Tulli
Sinopse: A un pequeno porto italiano chegan catro estafadores que viaxan en compañía dun matrimonio norteamericano ( Billy e María) que lles serve de tapadeira. Mentres esperan a reparación do barco que os levará a África, explícanlle a Billy o verdadeiro motivo da viaxe: adquirir unhas terras ricas en uranio. Durante a súa estancia no pobo, Billy e María coñecen a outro matrimonio norteamericano, cuxas alusións a uns xacementos de uranio, fan sospeitar aos aventureiros que o seu proxecto corre perigo.
Martes día 15 de febreiro– "Luna nueva"
Ano 1940 Duración 92 min. País EEUU Director John Huston Xenero: Comedia
Reparto: Cary Grant, Rosalind Russell, Ralph Bellamy, Gene Lockhart, Porter Hall, Ernest Truex, Cliff Edwards, Clarence Kolb, Roscoe Karns, Frank Jenks, Regis Toomey, Abner Biberman, Frank Orth
Sinopse: Hildy Johnson, a mellor reporteira do xornal Morning Post, anuncia que vai deixar o xornalismo para casar e fundar unha familia. Pero Walter Burns, o editor do xornal e exmarido de Hildy, non está disposto a aceptalo, polo que se serve de toda clase de tretas para retela no xornal.
Martes día 22 de febreiro– "El capitán Kidd"
Ano 1945 Duración 88 min. País EEUU Director Rowland V. Lee Xenero: Aventuras
Reparto: Charles Laughton, Randolph Scott, Barbara Britton, John Carradine, Gilbert Roland, John Qualen, Sheldon Leonard, William Farnum, Henry Daniell, Reginald Owen
Sinopse: En 1699, o capitán Kidd, un rudo pirata, consegue enganar ao rei para que lle proporcione unha escolta para un barco cheo de tesouros que partiu da India. A tripulación está formada por expresidiarios, entre os cales se atopa Orange Povey, a quen Kidd abandonara tempo atrás nun arrecife e ao que esperaba non volver ver.
Revista Atenea nº 49 - Decembro 2021
https://drive.google.com/file/
Todas as nosas Revista ATENEA:
XXVII Xornadas da Gaita Antón Varela "Tonecho" Ateneo Ferrolán
Venres día 10 de decembro ás 19,30 h.
Programa:
“A gaita na Terra de Melide” é un percorrido sonoro, literario e fotográfico pola tradición musical dunha comarca.
Tomando como referencia espacial os concellos de Sobrado dos Monxes, Toques, Melide e Santiso, o autor estuda a evolución da gaita galega nestas terras ao longo do século XX ao tempo que describe o contexto histórico e os acontecementos relevantes que marcaron o devir do instrumento.
Trátase dun traballo de investigación construído tamén a través das biografías de gaiteiros e artesáns no que se recollen vivencias e anécdotas contadas en primeira persoa e que nos leva de novo ás eiras, ás casas, ás romarías e a todos aqueles espazos da Terra de Melide nos que se tocaba e nos que a gaita foi adquirindo aos poucos unha función social determinante. O libro inclúe un repertorio composto por 60 partituras, moitas delas inéditas, e un CD coa gravación das catro muiñeiras da Terra de Melide compostas polo autor.
No ano 1976 formase en Ferrol o cuarteto “Os Estrobos” da man do Mestre de Gaita Manuel García Pereira (“Lolete”), con membros do grupo de baile “Terra Meiga”. Dende os inicios comezan a participar en tódalas festas da comarca e mais adiante, por toda a xeografía Galega, viaxando por toda Europa e participando en diversos concursos.
Pasaron por “Os Estrobos” moitos componentes dende o seu comezo, destacando os fundadores (“Lolete” e Joaquín con gaitas, Aldo tamboril e Vicente co Bombo), como Ana “A Gaiteira”, Camilo Ces ou Fran Cuétara, ata os actuáis compoñentes, Marcos García e Daniel López coas gaitas, Rufino Cuétara co Bombo e Jorge García co Tamboril.
Na súa participación nos concursos podemos destacar os seguintes premios:
3º Premio en Ponteareas no ano 1981.
2º Premio en Portomarín no 1981.
1º e 2º Premios en Cerdido, ano 91 e 92.
2º e 3º Premio en Vedra, nos anos 2001 e 2006.
2º Premio en Ortigueira no 2006.
2º Premio en Miño no 2001 con 1º Premio para a mellor percusión.
1º e 2º Premio no certame Europero de Saint Chartier, Francia. 2003 e 2019.
