O Ateneo Ferrolán acolle a presentación de Íntimos Rincones, o novo poemario de Maite Gascón Díaz, unha obra que nos mergulla na delicadeza do haiku e na forza da palabra mínima que expresa o máximo sentimento.
Publicado pola Editorial Cuadranta, este libro reúne 200 haikus de carácter intimista, nos que a autora explora emocións, silencios e pequenos instantes que agochan universos enteiros.
Sobre Maite Gascón
Natural de Guijuelo (Salamanca) e residente en Mugardos, Maite Gascón leva anos vinculada á literatura e á poesía, tanto para adultos coma para nenos e nenas. Entre os seus títulos anteriores figuran El tren de la poesía e Unas vocales muy divertidas.
En Íntimos Rincones respecta a estrutura clásica do haiku (5-7-5) para convidarnos a unha viaxe íntima polos recunchos máis sutís da vida.
Unha ocasión perfecta para descubrir a beleza do haiku e compartir unha tarde de poesía no corazón de Ferrol.
Ningún comentario:
Publicar un comentario