La canción de los Olvidados presentación có autor Julio Rilo

 

O vindeiro venres 17, ás 19:30 h, terá lugar no Ateneo Ferrolán a presentación da novela de fantasía La canción de los olvidados, do autor ferrolán Julio Rilo. O propio autor estará presente para compartir detalles da obra, dialogar có público e asinar exemplares.

Sobre o autor e o libro

Julio Rilo (Ferrol, 1990) é un escritor que non quixo limitarse a un só xénero; trala súa saga de ciencia ficción Los irreductibles, aventura agora ao lector nun universo de fantasía có seu novo título. 

La canción de los olvidados narra a historia dun mundo ignoto e antigo, no que un grupo de parias e descastados —os “olvidados”— é reclutado de forma forzada para emprender unha misión imposible. Ao longo do relato, estes individuos van tomando decisións inesperadas que poderían alterar para sempre as estruturas de poder e incluso o destino do mundo. 

Segundo a editorial, a proposta combina acción, intriga política e reflexión sobre a identidade, o sacrificio e a esperanza. 

A elección do Ateneo Ferrolán como escenario non é casual: é un espazo cultural emblemático na cidade, ideal para fomentar o debate literario e a interacción entre autor e público.

Na presentación, Julio Rilo comentará o proceso creativo da novela, as influencias que o inspiraron e responderá preguntas da audiencia. Tamén haberá momento para a sinatura de libros e conversas informais.

A actividade está aberta a todas as persoas interesadas, sen custo, e constitúe unha oportunidade para mergullarse nun mundo fantástico que tenta reflexionar tamén sobre temas universais.

Presentación libro haikus " Intimos Rincones" Maite Gascón

---

O Ateneo Ferrolán acolle a presentación de Íntimos Rincones, o novo poemario de Maite Gascón Díaz, unha obra que nos mergulla na delicadeza do haiku e na forza da palabra mínima que expresa o máximo sentimento.

Publicado pola Editorial Cuadranta, este libro reúne 200 haikus de carácter intimista, nos que a autora explora emocións, silencios e pequenos instantes que agochan universos enteiros.

Sobre Maite Gascón
Natural de Guijuelo (Salamanca) e residente en Mugardos, Maite Gascón leva anos vinculada á literatura e á poesía, tanto para adultos coma para nenos e nenas. Entre os seus títulos anteriores figuran El tren de la poesía e Unas vocales muy divertidas.
En Íntimos Rincones respecta a estrutura clásica do haiku (5-7-5) para convidarnos a unha viaxe íntima polos recunchos máis sutís da vida.

A entrada é libre ata completar aforo.

Unha ocasión perfecta para descubrir a beleza do haiku e compartir unha tarde de poesía no corazón de Ferrol.

---

TERTULIA LITERARIA CON MIGUEL CASTRO NO CLUBE DE LECTURA DO ATENEO

 

Tertulia literaria con Miguel Castro no Ateneo Ferrolán

O martes 7 de outubro ás 17:00 horas, o Ateneo Ferrolán acolle unha nova cita coa literatura. Nesta ocasión contaremos coa presenza do escritor Miguel Castro Serantes, quen compartirá connosco unha tertulia arredor da súa segunda novela, La cuadrilla de las olas rotas.

Será unha oportunidade privilexiada para coñecer de primeira man o proceso creativo do autor, comentar cos socios e socias as claves da obra e dialogar sobre as súas personaxes, atmosferas e temas centrais.

Trátase dunha actividade exclusiva para persoas asociadas ao Ateneo Ferrolán, pensada como un espazo de encontro, reflexión e goce compartido da literatura.

Sobre o autor: Miguel Castro Serantes

Natural de Ferrol (1979), Miguel Castro Serantes combina a docencia en Educación Primaria coa súa paixón pola escritura. É autor de Lodo (2020) e da súa segunda novela, La cuadrilla de las olas rotas, ambientada en escenarios moi vencellados á súa vida como Ferrol e Valdoviño.

Ademais de cultivar a narrativa, colabora no suplemento Nordesía do Diario de Ferrol, onde escribe crítica cinematográfica e artigos culturais. A súa obra caracterízase por unha forte carga emocional e xeracional, reflexo dunha adolescencia vivida antes da irrupción do móbil e das redes sociais.

Con La cuadrilla de las olas rotas dá un paso adiante no seu percorrido literario, ofrecendo unha novela íntima e ao tempo coral, na que o paso do tempo, a amizade e a memoria se entrelazan coa forza evocadora da paisaxe atlántica.

"Dimesións cristalinas" exposición pictórica Rosa Salanova

 

Este  venres 3 de outubro, ás 19:30 h, terá lugar a inauguración da exposición “Dimensiones Cristalinas”, que poderá visitarse no Ateneo Ferrolán durante todo o mes de outubro (do 3 ao 31).
Este acto inaugural será conducido polo escritor e poeta Francisco Xosé “Chisco” Fernández Naval, quen ofrecerá unhas palabras de presentación. Ademais, contaremos coa recitación de poemas por Esther Val e coa actuación musical e vocal de Rut Díaz Salgado, nun espazo no que arte, música e poesía se entrelazan para acompañar a presentación da pintura recente da artista.

Sobre a artista: Rosa Fernández Salanova

Rosa Fernández Salanova é unha artista plástica con amplia traxectoria. Comezou a súa formación artística no ano 1989, baixo a tutela do artista Ricardo Segura Torrella, dedicándose a estudar pintura, debuxo e técnicas mixtas ao longo de diversos anos.

O seu estilo moveuse entre a figuración subjetiva e a abstracción, explorando un linguaxe visual xenuíno no que a cor, a forma e os materiais se combinan no intento de suscitar reflexións sobre a vida e o universo.
Ademais da pintura, adquiriu formación en técnicas como o gravado, nos ámbitos do Museo de Belas Artes da Coruña, na Fundación CIEC en Betanzos e no Torrente Ballester (Ferrol)

No seu currículo destacan numerosas exposicións individuais en Galiza —en salas de Ferrol, A Coruña, Oleiros, Culleredo, Viveiro, entre outras— así como participación en feiras nacionais e internacionais —por exemplo, en Brescia (Italia), Grenoble (Francia), Nova York, Shanghai, Bolzano, etc. 
Tamén figura en exposicións colectivas, certames artísticos e publicacións especializadas en arte e literatura. 

Sobre Francisco Xosé Fernández Naval

Francisco Xosé Fernández Naval, nacido en Ourense en 1956, é un recoñecido escritor galego, poeta e narrador, con unha destacada carreira literaria tanto en poesía como en narrativa, ensaio e literatura xuvenil.
Licenciado en Xeografía e Historia pola Universidade de Santiago de Compostela, foi galardoado con importantes premios literarios, como o Premio Xerais de novela por O bosque das antas (1988). 
No ámbito poético recibiu igualmente premios como o Cidade de Ourense (en 1980 e 2007), entre outros.
A súa obra explora temas como a memoria, a identidade, a lingua e o compromiso cultural galego, empregando unha linguaxe coidada e profundamente enraizada na tradición e na contemporaneidade. 

Un acto de confluencia artística

A inauguración non será só unha ocasión para descubrir a nova obra plástica de Rosa Salanova, senón tamén un espazo de encontro das artes: literatura, poesía e música confluirán para intensificar a experiencia estética.
A organización aspira a crear un ambiente íntimo e emotivo, para que visitantes e público poidan mergullarse nas dimensións cristalinas que inspira a obra da artista.

Información práctica:

• Título: Dimensiones Cristalinas

• Lugar: Ateneo Ferrolán (Ferrol)

• Datas da exposición: do 3 ao 31 de outubro

• Inauguración: venres 3 de outubro, 19:30 h

Carlos Macías, exposición maquetas " Ferrol a escala"

 O Ateneo Ferrolán inaugura exposición: "Fachadas de Ferrol a escala"

Ferrol, 25 de setembro de 2025 — Mañá, venres 26 de setembro, ás 19:00 h, o Ateneo Ferrolán acollerá a inauguración da exposición "Fachadas de Ferrol en miniatura", unha mostra do artista ferrolán Carlos Macías, quen recrea con gran detalle e agarimo fachadas emblemáticas da cidade. A inauguración irá acompañada dun aperitivo, e a exposición estará aberta ao público, con entrada libre, desde o 26 de setembro ata o 31 de outubro.

---

Sobre a exposición

A exposición reúne maquetas feitas de forma completamente artesanal, que reproducen fachadas representativas de Ferrol: edificios da arquitectura naval, fachadas modernistas, inmobles da Ilustración, e outros que forman parte da identidade urbana da cidade.

Unha parte especial da mostra será a alfaia da coroa para nós, a maqueta da fachada do Ateneo Ferrolán, que o autor doa á institución. O Ateneo  ten un dos edificios máis señoriais da cidade, e esta maqueta será un tributo á súa historia e ao seu valor arquitectónico.

Construídos en 1879, foi unido ao eidifcio veciño posteriormente mediante unha reforma do arquitecto Alfredo Alcalá; Macías reproducirá esta unión arquitectónica, coas súas particularidades.

---

Sobre o autor

• Carlos Macías adicouse, tras xubilarse, a plasmar en miniatura a memoria arquitectónica de Ferrol.

• Creou decenas de pezas entre as que figuran maquetas do Concello, do Casino, do Hotel Suizo, da Casa Pereira, Casa Brañas, do edificio da Escola da Vaca, do faro de Cabo Prior, do mercado,da Casa do Patín, e outros inmobles singulares que forman parte da historia urbana ferrolá.

• O seu traballo é un exercicio de memoria, non só arquitectónica senón social: moitos dos edificios que reproduce son aqueles que desapareceron ou foron reformados ata cambiar moito, de modo que as maquetas actúan tamén como testemuños do pasado local.

Ricardo Salgado exposición fotográfica " Solpores de Ferrol"

 Nova exposición fotográfica do artista ourensán Ricardo Salgado, baixo o título “Atardeceres na costa de Ferrol”, que se poderá visitar durante os meses de setembro e outubro na Sala 1, andar 1 do Ateneo Ferrolán.

---

Sobre o autor

Ricardo Salgado naceu en Ourense, mais leva cinco anos residindo en Ferrol. A súa mirada fotográfica está profundamente ligada á costa ártabra, á que percorre continuamente para capturar esas escenas nas que a luz vai transformando cada recanto, cada rocha, cada ondada.

“Atardeceres na costa de Ferrol”

Nesta mostra, Salgado propón unha viaxe visual pola costa ártabra, convidándonos a deternos, a contemplar, a meditar sobre a fluidez da luz conforme avanza o día. Cada atardecer, cada instante de cambio entre o día e a noite, revela facianas distintas do mesmo lugar: cores cambiantes, sombras, reflexos, atmosferas que levan da placidez ao dramatismo.

É esa capacidade da natureza para mutar, de se reinventar con cada raio de sol, coa neblina, co vento e co paso das horas, a que Ricardo Salgado nos presenta nesta exposición. Non é só fotografía de paisaxe: é unha reflexión sobre o paso do tempo, sobre a fugacidade e beleza do instante, e sobre como a luz pode moldear a nosa percepción do mundo.

---

Se estás en Ferrol ou proximidades, non deixes pasar a ocasión de visitar esta exposición. Será unha experiencia para os sentidos: unha invitación a desacelerar, a mirar con calma, a deixarse envolver pola poesía visual que só a costa ártabra ofrece cando bebe da luz e do ceo

Portfolio online: https://ricardosalgado.myportfolio.com/

Correo electrónico: ricardofotobasica@hotmail.com

Homenaxe ao pintor Francisco Miguel

Homenaxe no Ateneo Ferrolán sobre o pintor Francisco Miguel, a cargo do investigador Miguel Anxo Fernán Vello O vindeiro martes, 16 de setembro de 2025, ás 19:00 horas

 O Ateneo Ferrolán acollerá a conferencia “Francisco Miguel, vida, arte e crime”, impartida polo escritor, editor e investigador Miguel Anxo Fernán Vello. O acto forma parte do ciclo divulgativo “A vangarda arrebatada”, organizado pola Deputación da Coruña e a Asociación pola Recuperación da Memoria Histórica (ARMH), en colaboración coa Asociación Fuco Buxán e o propio Ateneo Ferrolán. 

A presentación correrá a cargo do poeta e crítico de arte Xulio Valcárcel. Sobre Francisco Miguel

 O pintor Francisco Miguel (A Coruña, 1897 – Carballo, 1936) foi unha das figuras centrais da arte galega nas primeiras décadas do século XX. 

Vencellado ao núcleo coruñés que daría lugar á revista Alfar, a súa traxectoria transcorreu entre a vangarda e a figuración propia da arte europea de entreguerras.

 Nas súas viaxes por Europa e América mantivo contacto cos principais artistas da época, consolidando unha obra que situaba Galicia no mapa das vangardas internacionais. 

Video de Fernán Vello sobre o acto

 Detido tras o golpe militar de xullo de 1936, foi asasinado polos sublevados fascistas. O seu corpo permaneceu oculto ata a súa exhumación no ano 2023, promovida pola ARMH. O vindeiro 29 de setembro, celebrarase en A Coruña un acto cívico de homenaxe e enterro no cemiterio de San Amaro. Datos do evento Data: Martes, 16 de setembro, 19:00 h Lugar: Ateneo Ferrolán (rúa Magdalena 202-204, Ferrol Poñente: Miguel Anxo Fernán Vello, escritor e editor Presenta: Xulio Valcárcel, poeta e crítico de arte Colaboran: Asociación Fuco Buxán e Ateneo de Ferrol Entrada libre ata completar aforo. Pódese visitar o ambigú

Melodias, tinta e cor

 O Ateneo Ferrolán acolle “Melodías, tinta e cor”, unha xornada de fusión artística e creativa

Ana Maria Pedreira promotora do evento

O vindeiro 27 de xuño de 2025, o Ateneo Ferrolán será escenario dunha intensa e vibrante tarde de música, literatura e artes plásticas coa celebración do evento "Melodías, tinta e cor", unha proposta cultural que conxuga talento local e creación multidisciplinar.

A xornada dará comezo ás 18:00 horas coa apertura a cargo de Ana Mª Pedreira Félix, dando paso á primeira actuación musical do cantautor Marce Fraguela, quen presentará o seu novo disco Desnudando el alma, acompañado por Manuel Tizón e Práxedes Sánchez.

A continuación, ás 18:25 h, terá lugar a presentación dun destacado grupo de escritores e escritoras que compartirán os seus últimos traballos: Roberto Cagiao, Maribel Garrote, Xosé Fernández Fernández, Raquel Villanueva Lorca e Isabel Ramos Breijo.

O evento continuará ás 19:25 h cunha segunda actuación musical de Marce Fraguela, e ás 19:40 h abrirase un espazo de micro aberto poético, no que participará a autora Saila Chao, entre outras voces.

Un dos puntos fortes da programación será a inauguración, ás 20:20 h, dunha mostra colectiva de pintura de artistas da comarca de Ferrolterra, situada no segundo andar da sala de xuntanzas, e que poderá visitarse durante os meses de xullo e agosto. Durante época estival lembrara que o  horario da entidade é de 10.30h a 13.30h.

Para pechar a xornada, ás 20:40 h, haberá unha despedida musical a cargo de Marce Fraguela e Ana Mª Pedreira, seguida dunha degustación de produtos galegos no ambigú do propio Ateneo.

Entre os artistas plásticos participantes figuran nomes como Xosé Fernández Fernández, Saila Chao, Manuel Carballeira, Patricia Maquieira Franco, Laura Cartamil, Maricarmen Sendón ( as dúas artistas en exposición actual no andar 3º ,sala 2) , Manuel J. Díaz Vázquez, Clara Ventura, Maribel Garrote, Sol Lamas, Katy Martín, Carmen Castro e Pachi Ros.

"Melodías, tinta e cor" promete ser unha cita imperdible para amantes da cultura, a creación e o encontro artístico en todas as súas formas.

"Dime que ves" A unión de dúas artistas.

 

Neste xuño ateigado de arte no Ateneo Ferrolán contamos na sala 2, andar 3 cunha orixinal e novedosa proposta de dúas artistas singulares, Laura Cartamil (pintora) e Maricarmen Sendón ( cerámica e pintura).

A inauguración  será o venres 6 de xuño as 19h  no que tamén haberá un recital poético a cargo de amelia de Querol, poeta ferrolana.

No panorama artístico de Ferrolterra, Maricarmen Sendón e Laura Cartamil destacan pola súa creatividade e compromiso coa arte. Ambas teñen desenvolvido unha traxectoria sólida, participando en exposicións individuais e colectivas que reflicten a súa paixón e dedicación.

Maricarmen Sendón: a natureza como inspiración

Maricarmen Sendón iniciou a súa actividade artística en 1996, enfocándose na pintura e a cerámica. A súa obra está profundamente influenciada pola natureza, especialmente polos elementos mariños e os faros da costa galega. Un exemplo destacado é a súa exposición "Luz de Mar", onde recrea faros emblemáticos como o de Cabo Vilán, combinando realismo e fantasía para transmitir o movemento do mar e o vento que os rodea 

Ao longo da súa carreira, Sendón participou en numerosas exposicións en Galicia e no estranxeiro, como en Berlín no 2007. Tamén foi recoñecida con premios e mencións en concursos de pintura, destacando a súa contribución ao panorama artístico galego 

Laura Cartamil: exploración e experimentación

Laura Cartamil é unha artista que se caracteriza pola súa exploración de técnicas e materiais. A súa obra inclúe gravados e estampacións elaboradas a partir de patróns personalizados e elementos da natureza, como follas e pólas. Cartamil emprega papeis feitos a man e unha gama de cores exclusivas para crear pezas únicas que reflicten a súa visión artística .

Colaboración artística: "Dime que ves?"

En marzo de 2025, Maricarmen Sendón e Laura Cartamil uniron os seus talentos na exposición "Dime que ves?", presentada na Casa da Cultura de Fene. Esta mostra combinou gravados, estampacións e cerámicas, destacando unha colección de faros que representan o constante movemento do mar e o vento, así como as constelacións que guiaban aos mariñeiros. As pezas foron elaboradas con arxila refractaria pintada con óxidos e cocida a alta temperatura, demostrando a habilidade e creatividade das artistas 

---

A través das súas obras, Maricarmen Sendón e Laura Cartamil contribúen significativamente ao enriquecemento cultural de Ferrolterra, ofrecendo perspectivas únicas e innovadoras que invitan á reflexión e ao disfrute estético.

"Olladas" . Ferrol tralas lentes de Marta Gil

Desde este 6 de xuño ao 7 de xullo o Ateneo acolle na sala 1, andar 1 a mostra fotográfica en blanco e negro "Olladas". 

A visión da arquitectura e rincóns de Ferrol trala lente e morriña dunha emigrada, unha exiliada laboral que leva nos ollos da alma a cidade que a veu medrar.

Está será a segunda exposición seria de Marta Gil , a primeira na Coruña foi todo un éxito coa venda de todas as obras , o que sendo moi importante non é o obxectivo principal da artista.

O medre desde artista amateur ata agora é evidente e é de augurar un futuro interesante dentro da fotografía para a autora, de seguro teremos moitos máis traballo da autora nas nosas paredes. 

O acto inaugural será o venres 6 de xuño as 19 h e Marta estará compañada por ferroláns coñecidos dentro da cultura e os movementos sociais como Fer Ocampo e Joe Duarte (Eduardo Artabria) que, sen dúbida son unha boa carta de presentación da mostra.

A obra da autora pode seguirse no seu instagram @Bretema_ao_lonxe

Terra de Sebastião Salgado: Unha mirada á loita polos dereitos rurais.

Polo pasamento do fotografo Sebastiao Salgado o Ateneo recupera parte desta colección que chegou á entidade en 1997 có apoio do Concello de Ferrol.

A exposición estará con nós de xuño a xullo no vestibulo e continua no ambigú.

Como comisaría da mostra contamos con Iria Lua Abeixón Lourenzo , estudante en prácticas no marco do convenio que o Ateneo Ferrolán manten coa UDC. 

Terra (ou Terra: Struggle of the Landless) é un proxecto fotográfico de Sebastião Salgado que documenta a loita do Movimento dos Trabalhadores Rurais Sem Terra (MST) en Brasil. A serie, publicada en 1997, presenta 45 imaxes en branco e negro que capturan a realidade de millóns de campesiños sen terra que loitan por acceder á súa propia terra e mellorar as súas condicións de vida

Unha ollada profunda á realidade rural

As fotografías de Salgado destacan pola súa forza expresiva e pola súa capacidade para transmitir a dignidade e a resistencia das persoas fotografadas. A través de imaxes poderosas, Salgado amosa a dureza do traballo rural, as condicións de vida nas áreas máis empobrecidas e a determinación das persoas que loitan por un futuro mellor. A súa técnica fotográfica, caracterizada por un alto contraste e unha composición meticulosa, achega unha dimensión emocional que vai máis alá da simple documentación.

Unha chamada á acción e á reflexión

O obxectivo de Terra non é só informar, senón tamén sensibilizar á sociedade sobre a inxustiza social e a necesidade de reformas agrarias. A través desta obra, Salgado invita ao espectador a reflexionar sobre as desigualdades existentes e a importancia de loitar por un mundo máis xusto e equitativo

Entre 1999 e 2001, a exposición de Terra chegou a Galicia grazas á colaboración de Arquitectura Sen Fronteiras. A mostra foi instalada en centros educativos e espazos culturais das cidades de A Coruña, Mondoñedo e Vigo. A exposición incluía as fotografías de Salgado acompañadas de descricións e poemas de Chico Buarque, creando unha experiencia inmersiva que permitiu ao público galego conectar emocionalmente coa realidade brasileira. Ademais, organizáronse charlas explicativas para profundizar no contexto e na mensaxe da exposición .

Documental " A loita final" contra Altri.

 

O martes 13 de maio as 19 h acollemos, nunha actividade organizada por Fuco Buxán, a presentación en Ferrol do documental A loita final. Dirixido por Enrique Banet e producido por Mabel Rivera, que analiza os posibles efectos da implantación da planta de Altri en Palas de Rei. 

A plataforma Ulloa Viva e máis o colectivo Palas Viva explican que o documental xorde "a raíz da preocupación suscitada" polas posibilidades de que un proxecto da "envergadura" do proxecto industrial da celulosa portuguesa e Greenalia "se puidese realizar". 

Unha decena de persoas expertas en eidos coma patrimonio, edafoloxía, agro, hidroloxía, economía, desenvolvemento rural ou saúde abordaron de maneira tan ampla coma crítica os posibles impactos da fábrica de celulosa. 

O traballo destacaba que o emprazamento de Altri en Palas "responde a necesidades esóxenas ao territorio", reducido a "soporte da actividade económica" e exposto a "unha grave fractura". Ademais, advertía de que daría menos emprego do prometido e de que suporía "incrementar substancialmente as plantacións de eucaliptos en Galicia ou, no seu defecto, importar madeira". 

Creouse de xieto desinteresado   e vai estar a disposición de todo aquel que o queira ver. Ademais, considera que a súa difusión supón levar a cabo “un labor de servizo público que agora mesmo non se está a cubrir pola televisión pública”.

Para os autores do documental, segundo explican nun comunicado, o obxectivo é “que a xente teña a posibilidade de coñecer esta información e a partir de aquí que decida libremente”. 

Presentación " As benfaladas" de Maria Xosé Porteiro

 

O venres 11 de abril as 19 h acollemos a presentación do libro "As benfaladas" de maria Xosé Porteiro, acompañada de Lupe Ces feminista e activista de esquerda e Sonia Mauriz, directiva do Ateneo Ferrolán e activista feminista.

O ensaio fai un precorrido polas voces acaladas de feministas e mulleres pioneiroas nos seus eidos nunha sociedade marcadamente patriarcal, desde mulleres norteamericanas e europeas ata as máis descoñecidas galegas como María Balteira, a xuglar medieval ou Francisca Garrido , primeira muller na Real Academia Galega que nunca puido tomar posesión da cadeira.

Sinopse da editorial e semblanza da autora:

"Esta obra, escrita en clave feminista por María Xosé Porteiro, comeza cun prólogo de Priscila Retamozo, politóloga.

Para poder falar ben é preciso, en primeira instancia, poder falar, algo que as mulleres tiveron prohibido durante séculos, cando menos, desde que hai testemuños escritos. No decurso de As benfaladas, publicado na colección Feminismos de Editorial Galaxia, reflexiónase sobre esta circunstancia e propóñense alternativas para acelerar o proceso de normalización equitativa e civilizador que supón respectar e propiciar o acceso da voz e do pensamento feminino á sociedade, entendido como necesidade perentoria para combater a violencia simbólica que padece.

Unha publicación que xa está en todas as librarías de Galicia e que nos convida a reflexionar.

María Xosé Porteiro (Madrid, 1952) é xornalista, escritora e feminista. Traballou en prensa e radio en medios como El Pueblo Gallego, Radio Popular, Tiempo, El País, The Washington Post, Tribuna Feminista e La Voz de Galicia, entre outros. 

Foi tenente de alcalde do Concello de Vigo (1987–1991 e 2003–2007), onde creou a primeira Concellería de Igualdade e a Casa de Acollida de Galicia, e xefa de Prensa e Relacións Públicas deste Concello (1984—2017). Entre 1989–1997 foi deputada no Parlamento de Galicia e no Congreso dos Deputados entre 2004–2007, ademáis doutros cargos. 

Formou parte do Consello da Cultura Galega (2014–2022), onde dirixiu o Centro de Documentación en Igualdade e Feminismos (CDIF). En 2009 recibiu a Encomenda ao Mérito Civil pola súa contribución á política exterior española, e desde agosto de 2019 é adxunta á Valedora do Pobo. 

Das súas publicacións poden citarse o ensaio Quen é quen no primeiro parlamento galego (1981, en colaboración) e as novelas Covardes (2002), Sándalo (Galaxia, 2019) e Tabiba (2023).

"Buscando a Clara" , Editorial Elvira(2019)

Ensaio "#TaménEu" , recopilatorio dos seus artigos na Voz de Galicia